Српски Центар за заштита и помош на баратели на азил:Во Србија дневно влегуваат по 150 мигранти - Канал 5

Балкан

Српски Центар за заштита и помош на баратели на азил:Во Србија дневно влегуваат по 150 мигранти

Српски Центар за заштита и помош на баратели на азил: Во Србија дневно влегуваат по 150 мигранти, немаме капацитети тоа да го запреме

Српски Центар за заштита и помош на баратели на азил:Во Србија дневно влегуваат по 150 мигранти

Извршниот директор на српскиот Центар за заштита и помош на баратели на азил, Радош Ѓуровиќ, денеска изјави дека според проценките на организацијата во Србија дневно влегуваат околу 50 мигранти од правец на Македонија и околу 100 од Бугарија.

Ѓуровиќ за РТС изјави дека Србија нема капацитет да го спречи тој број луѓе и дека несреќата што се случи во Прешево покажа дека постои синџир на криумчарење мигранти и дека во него се вклучени луѓе од Србија и регионот.

„Никој ништо не ги прашува мигрантите. Тие се согласуваат на се и шверцерите го користат тоа. Овие луѓе ризикуваат од оправдани причини. Најчесто доаѓаат од Сирија и Авганистан, а условите за живот таму се многу тешки“, рече Ѓуровиќ.

Тројца мигранти загинаа во понеделник вечерта во сообраќајна несреќа кај Прешево, а меѓу 12-те повредени е и возачот, кој е уапсен под сомнение дека шверцувал луѓе, јавија белградските медиуми.

- Оваа несреќа е илустративна. Сè укажува на тоа дека луѓето се превезувале од правец на Македонија, под превезот на ноќта, брзо. Луѓето кои возат често се во паника да не бидат фатени, па грешат. небезбедното возење многумина ги чини живот, посочува Ѓуровиќ.

За шверцерите, додава тој, бегалците и мигрантите се всушност стока.

- Тие се обидуваат да пренесат што е можно повеќе од нив во еден обид. И ова е честа појава. Причината за ваквите несреќи, меѓу другото, е и тоа што честопати многу луѓе се во мал простор. Возилата често се приспособуваат за тоа цел, луѓето се стискаат внатре, објаснува Ѓуровиќ.

Настанот како несреќата во Врање е конкретна последица, посочува, на политиката на огради и туркање луѓе.

- Ако ги истуркате Сиријците и Авганистанците од Унгарија во Србија или од Србија во Македонија, не сте го решиле статусот на тие луѓе. Тие се заглавени, не се вратиле некаде каде што можат да продолжат со нормален живот. Тие се на само неколку стотини метри од огради, од граница.Тие луѓе немаат друга алтернатива освен да дадат се, да си ги ризикуваат животите, да бидат експлоатирани, додава Ѓуровиќ за РТС.

Кога станува збор за можното решение, Ѓуровиќ вели дека на Балканот би било полесно да се дише доколку Турција ги прифаќа мигрантите како порано што беше случај, со поддршка на ЕУ.

Според него, Србија е во тешка позиција, на работ на ЕУ.

- ЕУ има пакт за азил и миграција, кој е речиси усвоен, кој ќе бара и предвидува брзи процедури на надворешните граници, вклучително и нашите граници, а од друга страна, Србија не може да ја спречи миграцијата што доаѓа од Турција преку Грција. Бугарија и Северна Македонија, нема капацитет. Во оваа смисла, имаме стеснет простор за маневрирање и ситуацијата е сè понеизвесна, можам да кажам, и дека луѓето ќе остануваат тука, се плашам дека тоа е повеќе од јасно, заклучува Ѓуровиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Средба на Министерството за финансии, УЈП и Царинската управа – буџетските приходи за 8% повисоки од лани

Буџетските приходи заклучно со август изнесуваат околу 3,75 милијарди и се за 8 проценти повисоки во однос на истиот период лани, додека даночните приходи бележат раст од 8,2 проценти.

Средба на Министерството за финансии, УЈП и Царинската управа – буџетските приходи за 8% повисоки од лани

Овие податоци биле разгледани на средба на министерката за финансии Гордана Димитриеска-Кочоска со директорите на УЈП и Царинската управа, Елена Петрова и Бобан Николовски.

Од Министерството оценуваат дека буџетот засега се реализира согласно планираната динамика, без позначајни отстапувања.

Средбата доаѓа само неколку дена откако Димитриеска-Кочоска не ја исклучи можноста за нов ребаланс или прераспределба на средства поради случувањата на глобалните пазари и влијанието на кризата врз цените на енергентите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крвав напад во Пакистан- најмалку 16 загинати во експлозија во џамија (ВИДЕО)

Најмалку 16 лица, вклучувајќи пет полицајци, беа убиени во напад врз џамија во северозападен Пакистан откако возило натоварено со експлозив се удри во неа. 

Крвав напад во Пакистан- најмалку 16 загинати во експлозија во џамија (ВИДЕО)

Висок полициски службеник во Пешавар ја потврди веста, според Би-Би-Си.

Борби на местото на настанот

Нападот се случил во округот Кохат, во покраината Хајбер Пахтунхва, каде што сè уште се водат престрелки меѓу напаѓачите и безбедносните сили. Еден официјален претставник изјави дека еден напаѓач е убиен и дека се во тек спасувачки операции.

Пакистанскиот претседател Асиф Али Зардари испрати „најдобри желби за брзо закрепнување на повредените во експлозијата“ во официјално соопштение.

Никој сè уште не ја презеде одговорноста за нападот. Премиерот Шехбаз Шариф, исто така, ја осуди експлозијата.

Активноста на милитантите во граничните области на Пакистан нагло се зголеми во последните месеци, а цел беа армијата и полицијата.

Исламабад тврди дека милитантите користат безбедни засолништа во Авганистан за обука и планирање напади во Пакистан. Талибанската влада во Авганистан ги негира обвинувањата и вели дека милитантното насилство е внатрешен проблем на Пакистан.

Тагови: Пакистан џамија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Том Круз открива за што разговарал со Тејлор Свифт: „Таа е брилијантна“

Том Круз откри за што разговарал со Тејлор Свифт откако заедно го гледаа натпреварот со кој тимот „Канзас Сити Чифс“ ја започна сезоната, претходно оваа недела.

Том Круз открива за што разговарал со Тејлор Свифт: „Таа е брилијантна“

Актерот гостуваше во емисијата на Џими Фалон во четвртокот и раскажа како музичката ѕвезда го учела на правилата на американскиот фудбал додека навивале за Тревис Келси од трибините.

Лекција по американски фудбал

Водителот Џими Фалон го праша 64-годишниот актер за што разговараат најголемата филмска ѕвезда и најголемата музичка ѕвезда во светот кога ќе се најдат еден до друг. Круз, кој го промовира својот нов филм „Digger“, одговори: „Таа ме учеше за американскиот фудбал“.

На изненадување на Фалон, актерот потврди дека зборува сериозно. „Таа навистина го познава спортот. Како прво, таа е генијалец. Ја следам уште од времето кога беше дете. Сите што беа таму, сите нивни пријатели... тие се прекрасен пар и магични се сами по себе. Целата екипа во таа ложа“, рече Круз.

Тој додаде дека дружењето на стадионот „Ароухед“ било посебно искуство за него. „Не бев бил на натпревар уште од пред пандемијата бидејќи постојано работев. Беше навистина забавно да се дружиме таму и да го доживеам тој момент. Таа навистина се разбира во тоа“, изјави тој.

„Брилијантен текстописец и музичар“

Круз и Фалон исто така спомнаа како 36-годишната Свифт претходно признала дека не знаела ништо за американскиот фудбал кога првпат го запознала Келси. „Таа рече: 'Знаеш, тој е толку трпелив'“, раскажа Круз. „Јас одговорив: 'Верувам дека е така'. Мислам дека секој би бил многу трпелив со неа“.

Актерот истакна дека пејачката сега целосно ја разбира играта и дека разговарале и за музика и за филмови. „Таа е духовита. Има одлична смисла за хумор. Плус, таа е брилијантен текстописец. Брилијантен музичар и режисер. Таа е многу талентирана“, заклучи Круз говорејќи за пејачката која стои зад албумот „Opalite“.

Извор: Индекс.хр

Тагови: Том Круз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер