Во објавата не се критикува конкретна професионална постапка, новинарска содржина или јавен настап преку факти и аргументи, туку се напаѓа личниот и професионалниот интегритет на медиумски работник со употреба на погрдни зборови. Ваквиот начин на комуникација е неодговорен, непродуктивен и штетен за јавниот простор.

ЗНМ потсетува дека конструктивна критика кон медиумите, новинарите и водителите е легитимна во демократско општество, но таа треба да биде заснована на аргументи, факти и професионални стандарди. Личните напади не придонесуваат за подобро новинарство, туку создаваат атмосфера во која медиумските работници се третираат како легитимна мета за потсмев, навреди и дискредитација.

Особено е штетно кога ваквата комуникација е насочена кон помлади новинари и медиумски работници бидејќи се поттикнуваат и други корисници на социјалните мрежи да го следат овој непримерен пристап. Наместо да се поттикнува професионален развој, јавна дебата и критичко мислење, ваквите објави создаваат притисок, демотивација и чувство дека нивната работа може да биде омаловажена без основа и без одговорност.

Јавните личности, коментаторите и сите учесници во јавната дебата имаат одговорност да не поттикнуваат непријателска средина кон новинарите. Несогласувањето со нечиј став, настап или професионален избор може да се изрази јасно и критички, но без лични навреди, понижувања и говор што го поткопува достоинството на медиумските работници.

Заштитата на професионалниот дигнитет и создавањето безбедна средина за работа на новинарите е јавен интерес и предуслов за здрава демократска дебата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Јетон Шасивари во Правда, Седат Сулејмани во Култура, Агон Ферати, во односи меѓу заедниците. Од Вреди ги потврдија новите имиња кои треба да седнат на „Илинденска“ бр. 2., но останува дилема зошто за разлика од ВМРО-ДПМНЕ И ЗНАМ од Вреди изостана прес- конференција на која ќе ги официјализираат предлозите. Според извори на Канал 5 во Вреди се уште се кршат копјата околу изборот на Агон Ферати, на местото на Иван Столковиќ во министерството за односи меѓу заедниците. Во игра покрај Ферати, според партиските извори, се уште неколку имиња за овој ресор, а до вечер се очекува да има конечна одлука.

Сепак премиерот Мицкоски денеска потврди дека ги добил персоналните решенија од коалициските партнери за министерствата со кои ќе раководат во реконструираниот владин кабинет и кажа дека за него се прифатливи.

- Да, ги имам предлозите и за новите министри од Влен и од партијата ЗНАМ, но ќе оставам, еве, тие да ги кажат, да не ги кажувам јас. За мене тие предлози се сосема во ред и очекувам да имаме уште поуспешна работа во новиот состав на Владата. Да, имаат и за односи меѓу заедниците, и за правда и закултура, изјави Мицкоски.

Вреди по реконструкцијата на Владата ќе има едно вицепремирско место. Беким Сали останува прв вицепремиер и министер за европски прашања, а на партијата ѝ остануваат секторите животна средина со Мухамет Хоџа и Бесар Дурмиши за економија и труд.

Вицепремиерската функција за добро владеење, која ја извршуваше Арбен Фетаи нема да постои во реконструираната влада, а овој ресор ќе се покрива од кабинетот на премиерот. Мицкоски синоќа ги објави предлозите на ВМРО-ДПМНЕ. Досегашниот директор на Фондот за здравствено осигурување Сашо Клековски го презема местото на Азир Алиу во министерството за здравство, а за нов директор во ФЗО е именуван Златко Перински, кој досега беше министер за локална самоуправа. Тој ресор ќе го преземе Иван Стоилковиќ.

Актуелниот заменик министер Ѓоко Велковски го наследува Фатмир Лимани во министерството за социјална политика. Дополнително, Ерџан Демир ќе биде министер без ресор задолжен за имплементација на стратегијата за инклузија на Ромите, а свое учество во власта ќе земе и Демократската партија на Турците.

Кадар на ЗНАМ ќе раководи со Министерството за земјоделство, каде Димитриевски го номинира Борче Серафимовски. Горан Минчев останува на чело на Министерството за јавна администрација. Тој денеска кажа дека се задоволни од реконструкцијата

За лидерот на СДСМ, Венко Филипче, реконструкцијата на Владата нема да донесе ништо ново за граѓаните и државата.

Премиерот Мицкоски најави дека предлог-составот на новиот владин кабинет ќе биде доставен до Собранието до петок, заедно со биографиите на новите министри.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Нов случај на врсничко насилство ја вознемири јавноста. На видеото кое кружи по социјалните мрежи, може да се забележи како група од околу 20тина малолетни деца, не само што се неми набљудувачи, туку воедно снимаат и охрабруваат две насилнички да се изживуваат врз своја врсничка.

„Ќутете да слушнеме како пука“ – „уште еднаш“ - „со бокс“ – се слуша меѓу насобраната група малолетници додека едно од девјчињата го држи за коса, а другото му удира шлаканици на беспомошното девојче. На снимката се гледа и дека девојчето жртва е приморано да клечи на колена и јавно да се извинува за навреди кои наводно ги кажала за една од насилничките.

За социјалозите последниот настан, кој според објавите се случил во скопски Аеродром, е само уште една потврда за недостатокот на емпатија и чувството кај дел од младите да се поттикнува, наместо да се превенира насилство. Универзитетската професорка Татјана Стојаноска Иванова за Канал 5 вели не треба само декларативно да зборуваме туку и во пракса како држава да делуваме. Според неа потребна е целосна ресоцијализација не само на жртвите, туку и на насилниците.

„Мора да се работи и родителите да бидат по надзор. Она што е прво тука се центрите за социјални грижи и сите оние кои се задолжени за тој апекст да се работи на ресоцијализација, да се работи на проблемот, на вредноста на иградба. Изградба на центри каде што ќе може да се самите насилници да се одведат за да може да се работи на нивна ресоцијализација. Една е казната од апсект парична казна но на крајот ние имаме можност и за одземање на родителско право... “- изјава Татјана Стојаноска Иванова – социолог.

Од МВР за Канал 5 велат дека засега по случајот кај нив нема пријава, но се превземаат мерки по допрен глас.

„Се превземаат мерки по допрен глас за утврдување на идентитетот на лицата и за целосно расчистување на случајот.“--МВР.

Инаку според податоците на МВР претходната учебна година евидентирани се 93 пријави на насилства во 64 училишта. Надлежните пред половина месец започнаа обуки за училишните психолози, педагози и социјални работници во основното образование, со цел да се препознаат децата кои се жртви на насилство за правовремено да им се помогне.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.