Балкан

Српската Влада го усвои предлог-законот за поддршка на млади да купат свој прв недвижен имот

Српската Влада денеска го усвои Предлог-законот за воспоставување гарантна шема и субвенционирање на дел од каматата за поддршка на младите на возраст од 20 до 35 години за купување на нивниот прв недвижен имот, со аванс од еден процент.

Тој заем може да го побараат постојано вработени, земјоделци, самовработени даночни обврзници и независни уметници, додека од привремено вработени се бара да обезбедат гаранција од член на семејството, се вели во соопштението на српската влада, пренесе Бета.

Кредит може да земат и невработени, но тие мора да обезбедат заедничка и повеќекратна гаранција од кредитоспособен член на семејството (жирант-плаќач).

Максималниот износ на кредитот што може да се подигне е 100.000 евра, но нема ограничување на цената на имотот или цената на метар квадратен.

Банките се обврзани на клиентите да им понудат еден процент аванс и една година грејс период за недвижен имот до 100.000 евра, но секој клиент има право да го зголеми авансот и да не го користи грејс периодот, како и да го отплати заем предвреме без никакви надоместоци, делумно или целосно.

Како што се наведува, со тие законски решенија е предвиден грејс период од една година со фиксна каматна стапка од 3,5 отсто, државна субвенција од два отсто и каматна стапка за корисникот од 1,5 отсто.

Од втората до шестата година фиксната каматна стапка е 3,5 отсто, државната субвенција е два отсто, а каматата за корисникот е 1,5 отсто.

По шестата година каматната стапка е променлива - тримесечен/полугодишен еурибор плус два отсто.

Рокот на отплата на кредитот е до 40 години, а најмногу до 70 години, додека државната гаранција е 40 отсто до десеттата година на отплата на кредитот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Илинден започна со изградба на препумпен уред за фекална канализација во н.м Кадино

Општина Илинден продолжува со инвестициите за развој на комуналната инфраструктура, во чии рамки се започнати активности за изградба на препумпен уред за фекална канализација во населеното место Кадино.

Станува збор за проект кој е дел од пошироката изградба на фекалната канализациона мрежа во н.м Кадино, при што препумпниот уред ќе биде поврзан со веќе реализираниот крак К4, долг околу 2.500 метри, на кој се изградени 50 шахти и со кој се овозможува приклучување на приближно 100 домаќинства.

Со овој препумпен уред ќе се опфати канализационата мрежа од улиците „1“, „2“ и „3“, при што отпадните води преку веќе поставениот потисен цевковод ќе се транспортираат до постојната пречистителна станица во н.м Кадино, каде ќе се врши нивен третман и прочистување.

Увид во тековните активности изврши градоначалникот на Општина Илинден, Александар Георгиевски, кој истакна дека вложувањата во канализационата инфраструктура имаат клучно значење за подобрување на квалитетот на живот на граѓаните, како и за зачувување на животната средина преку современо управување со отпадните води.

Општина Илинден и во наредниот период ќе продолжи со реализација на инфраструктурни проекти за изградба, реконструкција и проширување на канализационата мрежа во сите населени места.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Савески: Ристовска ќе постапуваше по предметот „ТАЛИР 2“ доколку не поднесе оставка

Јавното обвинителство ќе донесе одлука дали ќе ја обжали ослободителната пресуда за екс премиерот Никола Груевски во предметот „Талир 2“ откако ќе ја добие и анализира писмено изработената пресуда и нејзиното образложение.

Изјави денеска државниот јавен обвинител Ненад Савески, прашан дали обвинителството ќе поднесе жалба на судкската одлука.

Во однос на критиките на дел од партиите дека повлекувањето на овластувањата на обвинителката Ленче Ристоска влијаело врз исходот на предметот „талир 2“,савески оцени дека таквите тврдења не одговараат на фактите, а ристовска според него ќе постапувала по предметот доколку не поднесела оставка.

Тагови: Обвинителството

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп пристигнува на финалето на Светското првенство во Њу Џерси

Претседателот на Соединетите Американски Држави, Доналд Трамп, ќе присуствува на финалето на Светското првенство меѓу Аргентина и Шпанија (недела, 21:00 часот), потврди портпаролката на Белата куќа, Керолајн Ливит.

Веста претходно ја соопшти претседателот на ФИФА, Џани Инфантино, а сега е официјално потврдено дека Трамп ќе биде меѓу гостите на завршницата на турнирот.

Неговото доаѓање се случува во момент кога сè уште се дискутира за една од најголемите контроверзии на ова Светско првенство – одлуката на ФИФА да ја укине автоматската суспензија на американскиот репрезентативец Фоларин Балогун.

Наводно, токму Трамп стапил во контакт со Инфантино и побарал да се преиспита црвениот картон на напаѓачот на САД, по што ФИФА ја суспендирала казната и му дозволила на Балогун да настапи на натпреварот од осминафиналето против Белгија.

Трамп претходно присуствуваше на најголемите спортски настани во САД, вклучувајќи ги „Супербоул“, финалето на НБА, тенискиот турнир „Ју-Ес Опен“ и „Рајдер купот“, а за време на својот мандат во Белата куќа бил и домаќин на настани на УФЦ.

Минатата година тој го додели трофејот за светски клупски шампион, во натпреварување што исто така се одржа во САД.

Тагови: Доналд Трамп ФИФА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.