Српската полиција ги растера демонстрантите кои се обидоа да влезат во градското Собрание - Канал 5

Балкан

Српската полиција ги растера демонстрантите кои се обидоа да влезат во градското Собрание

Десетици повредени од кои двајца потешко и 38 приведени – ова е билансот од синоќшниот седми по ред протест на српската опозиција, на кој се бараше поништување на изборите во Србија.

Српската полиција ги растера демонстрантите кои се обидоа да влезат во градското Собрание

Судирот меѓу полицијата и демонстрантите започна пред градското собрание во Белград, каде дел од насобраните бараа да им се овозможи влез, но беа спречени од полициските сили. Во хаосот беше употребен и солзавец, а полицијата потоа ги растера насобраните демонстранти.

-Сите заедно да направиме прстен околу тоа што ни припаѓа на вас, на Белграѓани, на нас а тоа е оваа зграда. Да ја опкружиме. Ја освоивме на изборите на 17 декември, а пратениците и советниците да влезат внатре и да се обратат од балконот како победници на сите нас. Одиме таму, напред. - Мирослав Алексиќ – „Србија против насилство“

-Ова е насилство што се случува тука. Зошто има толку многу полиција тука? Зошто насилство врз народот. Значи народните избраници и советници кои ги избра народот сакаат да се обратат и да говорат за изборната кражба. - Радомир Лазовиќ - „Србија против насилство“

Двете страни денеска меѓусебно се обвинуваат за тоа кој стои зад насилството. Опозициската „Србија против насилство“ тврди дека во толпата имало лица кои биле испратени за да создадат насилство. Српскиот претседател Вучиќ пак, ги обвини дека станува збор за испланиран напад врз државата. Во вонредно обраќање, ги повика граѓаните да бидат мирни и да остават на институциите да се справат со ситуацијата. Потврди дека ги следел протестите од балконот на неговата канцеларија.

-Тоа бев јас, на терасата на претседателството, на моето работно место. Не им се исплашив ниту малку. Не побегнав во друга странска земја, не се скрив во некој бункер, и никогаш од силеџии и насилници нема да се скријам. Секогаш ќе бидам крај мојот народ. Ќе ја одбраниме и зачуваме демократијата, ќе ја одбраниме и зачуваме мирот и стабилноста во нашата држава. Да живее Србија. - Александар Вучиќ – Претседател на Србија

Српската премиерка Брнабиќ пак вели дека западот не ги сфатил сериозно настаните во Белград, и се заблагодари на руската служба, за која тврди дека им доставила податоци за потенцијални инциденти.

-Пред се, податоци на овој начин ни достави и руската служба за безбедност. Кога тоа лично го споделив со одредени амбасадори, не обвинија дека шириме дезинформации, невистини, дека веруваме на руските служби и дека се тоа се глупости. Се потсмеваа, се смееја. И како што рече претседателот, некој го сфати сериозно, некој сакаше да помогне, а многумина знаеја и не сакаа да помогнат.- Ана Брнабиќ – Премиерка на Србија

Во меѓувреме, протестите продолжуваат и денеска. Српските студенти се собраа пред неколку државни институции во Белград, барајќи пристап до избирачкиот список. Тие најавија и дека ќе блокираат две локации во центарот на главниот град, а блокадите ќе траат до шест часа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп, сепак, нема да помогне

За време на телефонски разговор со јеменскиот претседател Рашад ал-Алими, американскиот претседател Доналд Трамп не дал директно ветување за американска воена поддршка во борбата против Хутите, потврдија денес за Ројтерс повеќе независни извори.

Трамп, сепак, нема да помогне

Еден јеменски и еден западен извор наведоа дека Алими побарал американска поддршка за својата влада – која е поддржана од Саудиска Арабија – во борбата против Хутите, кои зазедоа клучни области долж теснецот Баб ел-Мандеб за време на офанзивата овој месец.

Трамп претходно изјави дека САД се во контакт со Хутите и дека групата сигнализирала оти нема да ги напаѓа американските бродови.

Тој, исто така, ги одби барањата на Саудиска Арабија за воена поддршка против Хутите.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Одговор од Москва за Марин Ле Пен (ВИДЕО)

Русија не претставува закана за Франција или за која било друга европска земја, изјави портпаролот на Кремљ, Дмитриј Песков, отфрлајќи ги тврдењата на раководството на партијата „Национален собир“.

Одговор од Москва за Марин Ле Пен (ВИДЕО)

Песков наведе дека Москва не ги прифаќа таквите критики.

„Не се согласуваме со таа изјава. Русија не ѝ се заканува на Франција ниту на која било друга земја во Европа. Претседателот Путин тоа го има нагласено повеќепати. Немаме спорови со европските држави што би можеле да доведат до сериозни несогласувања“, рече Песков.

„Според тоа, Русија апсолутно не претставува закана; таа никого не заплашува ниту уценува. Затоа, категорично не се согласуваме со таквите изјави. Не ги прифаќаме“, додаде тој.

Во заедничката изјава објавена за време на викендот, претседателската кандидатка Марин Ле Пен и претседателот на партијата, Жордан Бардела, изјавија дека „никогаш нема да толерираат странска сила – во овој случај Русија – да се обидува да ја диктира политиката на нашата земја, директно или индиректно, преку заплашување, закани, дестабилизација или психолошки притисок“.

Ова претставува промена во однос на претходниот, поблаг став на партијата кон Москва.

Извор: Б92

Тагови: Марин Ле Пен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Убил три девојчиња во Саутпорт, истурил врела вода врз затворски чувар

Аксел Рудакубана, осуден за убиство на три девојчиња и обид за убиство на уште десет лица во Саутпорт, е обвинет за нови напади извршени додека бил во затвор.

Убил три девојчиња во Саутпорт, истурил врела вода врз затворски чувар

Тој се товари дека истурил врела вода измешана со шеќер врз чувар во затворот „Белмарш“ и дека нападнал друг службеник, пренесува „Скај њуз“.

Пред Судот за прекршоци во Вестминстер денеска беше изнесено дека на 8 мај минатата година, Рудакубана истурил врела течност врз затворски чувар низ отворот на вратата од својата ќелија. Брзата медицинска интервенција спречила трајни повреди. Обвинителката Кетрин Патисон изјави дека, неколку дена претходно, Рудакубана ѝ се заканил на една чуварка, велејќи дека ќе ја „полие“ доколку не му донесе весник. Подоцна тој истурил непозната течност врз неа, иако тоа не предизвикало повреди.

Обвинителите исто така го товарат дека удрил чувар на 28 октомври 2025 година. Инцидентот се случил кога службеникот го запрел додека се обидувал да ја избегне контролата за земање лекови. Патисон додаде дека во јуни минатата година, во ќелијата на Рудакубана биле пронајдени наострени парчиња камен, заглавени под една полица.

Се верува дека тој ги извадил од подот. Кога чувар го прашал за тоа, Рудакубана рекол дека ги чува за самоодбрана. По нападот со врела вода, тој тврдел дека чуварите му ја трујат храната. Рудакубана е обвинет за обид за нанесување тешка телесна повреда, напад врз службено лице и поседување оружје во затворот. Тој е задржан во притвор и треба да се појави пред судот „Олд Бејли“ на 19 октомври.

Дваесетгодишниот Рудакубана издржува доживотна казна затвор за убиствата на деветгодишната Алис да Силва Агијар, шестгодишната Бебе Кинг и седумгодишната Елси Дот Станкомб. Тој исто така беше осуден за обид за убиство на уште осум деца и двајца возрасни. Нападот се случи на 29 јули 2024 година, за време на час по танц со музика на Тејлор Свифт.

Тој беше префрлен во болница. Во јули оваа година, Министерството за правда потврди дека Рудакубана е префрлен од затворот со високо обезбедување „Белмарш“ во психијатриската болница „Бродмур“. Болницата, која се наоѓа во Беркшир, е најстарата од трите британски психијатриски установи со високо обезбедување.

Во неа биле сместени некои од најозлогласените криминалци, како што се Рони Креј и серискиот убиец Питер Сатклиф. Согласно Законот за ментално здравје, одлуките за префрлање на затвореник во установа со високо обезбедување ги носат службени лица кои постапуваат во име на министерот за правда, врз основа на стручно медицинско мислење.

Извор: Индекс.хр

Тагови: напад убиства

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер