Српска вечер на „Охридско лето“ со оперските солисти Љубица Вранеш – мецосопран и Драгољуб Баиќ - Канал 5

Култура

Српска вечер на „Охридско лето“ со оперските солисти Љубица Вранеш – мецосопран и Драгољуб Баиќ

 Претпоследната вечер од музичкиот дел на „Охридско лето“ ќе мине во знакот на уметници од Србија, со концертот на мецосопранот Љубица Вранеш и басот Драгољуб Бајиќ, во придружба на пијанистката Наталија Мијаиловиќ.

Српска вечер на „Охридско лето“ со оперските солисти Љубица Вранеш – мецосопран и Драгољуб Баиќ

Мецосопранот Љубица Вранеш, солистка на Народниот театар во Белград, дипломирала на Факултетот за музичка уметност во Белград во класата на проф. Радмила Бакочевиќ во чија класа и магистрира. Добитник е на прва награда како и награда за најдобра мецосопран на натпреварот „Никола Цвејиќ“, како и на прва награда на меѓународниот натпревар „Петар Коњовиќ“. Била член на оперското студио на Народниот театар со кое раководи проф. Никола Китановски, и на оперското студио „Борислав Поповиќ“ кое го водат проф. Радмила Бакочевиќ и маестро Дејан Савиќ. Член е на оперскиот ансамбл во Народниот театар во Белград. Во улогата на Фенена во Вердиевата опера „Набуко“ дебитира во операта во Темишвар, по што ѝ се отвораат вратите на сцените ширум Романија. Настапува во првата, историска изведба на рок-операта „Кармен“ во Крајова, а потоа и во продукциите на „Кармен“ во Темишвар, Букурешт, Тирана, Пловдив и др. Настапува во продукциите на оперите „Отело“, „Дон Карлос“, „Риголето“, „Набуко“, „Кавалерија Рустикана“, „Самсон и Далила“ и др.

Драгољуб Бајиќ пеење започнува да учи во музичкото училиште „Станковиќ“ во класата на проф. Љубица Живковиќ и набргу станува член на оперското студио на Народниот театар во Белград. Факултетот за музичка уметност на отсекот соло-пеење го завршува во класата на проф. Никола Мијаиловиќ во чија класа докторира во 2023 година, по што станува доцент на овој факултет. Освојува бројни награди во земјата и странство меѓу кои се издвојуваат трите први награди на натпреварите: „Војислав Вучковиќ“, „Петар Коњовиќ“ и „Лазар Јовановиќ“. Лауреат е на републичкиот натпревар за соло пејачи во 2003 година, а лауреат и добитник е на наградата за најдобра изведба на зададена композиција на Меѓународниот натпревар на музичката младина од Белград во 2008 година, како и на натпреварот „Елена Теодорини“ во Крајова. Во периодот 2006-2008 е стипендист на фондацијата „Музички театар“ од Виена како најперспективен глас од Балканот. Во 2009 година соработува со еден од најголемите диригенти на денешницата – Рикардо Мути со него настапува на неколку концерти во Салцбург, Равена и Фиренца, по што следува ангажман во Виенската „Штатс опера“ во сезоната 2009/10. Настапува во оперски куќи и концертни сали во Виена, Кан, Копенхаген,Темишвар, Сараево, Скопје, Дубаи, Сеул, Москва, а во моментот е постојан гостин на Националниот театар во Букурешт. Солист е во операта на Народниот театар во Белград од 2004 година, а од 2017 година е првак на оваа опера на чија сцена успешно ги изведува носечките улоги во неговиот оперски фах.

Пијанистката Наталија Мијаиловиќ е родена во 2003 година во Белград, а музичкото образование го започнува на пет годишна возраст. Средното образование го завршува во музичкото училиште „Мокрањац“, а студент е на ФМУ во Белград во класата на проф. Маја Рајковиќ. Носителка е на бројни награди од државни и меѓународни натпревари меѓу кои и лауреат на натпреварот „Мокрањац“, прва награда на пијанистичките натпревари „Славенски“ и „Петар Коњовиќ“ , а и награди од „Николај Рубинштајн“ во Париз и натпреварите „Open music competition” и „Constantine the great”. Учесник е на бројни фестивали, а посетува семинар за интерпретација на италијанска камерна музика и оперски репертоар во Торино. Ангажирана е од Белградската опера како корепетитор, а настапува солистички на сцената „Раша Плаовиќ“ во Народниот театар, во белградски „Коларац“, во Рускиот дом, во „Гварнериус“, во Италијанскиот културен центар, во музејот на Народниот театар итн.

Концертот ќе се одржува во катедралната црква „Света Софија“ од 21 часот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Заврши најголемиот прекин на авиосообраќајот во САД од 2001 година - хаосот ќе трае со денови

Илјадници откажани летови, преполни аеродроми и патници заглавени со часови. САД се соочија со најголемиот прекин на авиосообраќајот од терористичките напади на 11 септември 2001 година. 

Заврши најголемиот прекин на авиосообраќајот во САД од 2001 година - хаосот ќе трае со денови

Иако забраната за полетување е укината, хаосот не завршува. Последиците ќе се чувствуваат и во наредните денови, откако синоќа пет часа беа приземјени сите авиони на аеродромите, а кон леталата кои сообраќаа се постапуваше индивидулно.

Над 9.000 летови беа одложени и повеќе од 5.000 откажани. Aвиокомпаниите се обидуваат да го вратат нарушениот распоред. Властите отфрлија можност дека се работи за сајбер напад. Појаснија дека станува збор за голем технички дефект во системот за контрола на воздушниот сообраќај.

,,Ова е нашиот стар аналоген ТДМ-систем, кој беше преоптоварен со податоци, поради што почнаа да се појавуваат овие проблеми. Овој систем беше користен во нашите ТРАКОН-центри и во контролните центри низ целиот Национален систем на воздушен простор (НАС). Сега дел од системите во ТРАКОН-центрите и контролните центри се надградени и функционираат дигитално.,, – Шон Дафи, министер за транспорт на САД

И додека американските власти најавуваат модернизација на системот, авиоаналитичарите предупредуваат дека застарената инфраструктура и натаму претставува сериозен проблем, а ризикот од нови прекини останува.

,,Очекувам ваквите проблеми да се повторуваат и во иднина. Сметам дека тоа ќе биде поврзано со несоодветната инфраструктура со која располагаме, додека трае процесот на нејзино развивање и модернизирање, со цел да се доведе на ниво на технологијата на 21 век и понатаму,,

Додека авиокомпаниите се обидуваат да го нормализираат сообраќајот, патниците и натаму се соочуваат со доцнења и неизвесност.

,, Утрово добивме известување дека нашиот лет ќе доцни два часа, па сега чекаме тука. Веќе два часа сме овде и сè уште не добивме никакви информации,,

Во меѓувреме, американскиот претседател Доналд Трамп побара забрзана модернизација на системот за контрола на воздушниот сообраќај. За таа цел, неговата администрација побара дополнителни 30 милијарди долари од Конгресот, со цел да се спречат слични прекини во иднина.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

19-годишна скопјанка проговори за ужасот од семејно насилство - апелира насилството да се пријавува

Првото насислство се случило пред четири месеци кога во кавга нејзиниот сопруг физички ја нападнал, пријавила во полиција. 

19-годишна скопјанка проговори за ужасот од семејно насилство - апелира насилството да се пријавува

„Утрата почнуваа со навреди од свекорот со плукање по мене и викање и клоци, зошто сум го јадела лебот во куќата, а не сум го купила. Попладне добивав шлаканици од сопругот зошто сум се скарала со неговиот татко, бидејќи не можев да ги трпам навредите и клоците“ ова е почетокот на приказната на млада скопјанка која на почетокот се радувала на бракот, а потоа и на нивниот син. А сега, раскажава за одлуката да стави крај на семејното насилство од сопругот и неговите родители. Првото насислство се случило пред четири месеци кога во кавга нејзиниот сопруг физички ја нападнал, пријавила во полиција. По молбите и извинувањата таа ја повлекла пријавата, но теророт не престанал.

„Зошто ве нападна свекорот? Бидејќи сум го земала лебот да го јадам. Ми рекоа тоа што ќе го купам тоа да го јадам. Вие сте сега на породилно имате деветмесечно бебе и не сте во работен однос? Не сум. Му се јавив на сопругот да му каже да не ме вреќа и да не плука додека јадам и да ме колца. Кога се врати се скаравме за сите случувања и ме истепа“, раскажува 19 годишната скпојанка.

Спас од ќотекот бил девет месечниот син, кога го држела во раце не ја тепале. Но, заканите продолжувале да го остави детето, за да заврши „лекцијата“ со тепање кон неа. По оваа пријава во полиција сопругот добил мерки да не си доближува, а свекорот само усмен укор за што таа регира дека тој е исто насилен колку и сопругот. Полицијата регаирала веднаш на јавувањето, но проблемот продолжува во институциите, и лекциите што ќе прави сама со детето?

„Првиот пат ме убедуваа и ми рекоа да не ја повлечам пријавата од полиција, во социјално лошо се однесуваа ми викаше што ќе направам ако јас се оставам со мажот“, објаснува младата жена.

Таа со детето заминува од Македонија, не верува во заштита од институциите, бидејќи само усна опомена од полицијата кон свекорот не е доволно, а голем чекор тој повторно да ја нападне, со образложение “јадела леб во неговата куќа“.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Саем на домашна храна „вкуси ја традицијата“ денеска во Градски парк кај Школка

Во Градскиот парк, кај Школка, денеска се одржува саемот „Вкуси ја традицијата преку домашна здрава храна“. 

Саем на домашна храна „вкуси ја традицијата“ денеска во Градски парк кај Школка

Посетителите имаат можност да дегустираат и органски производи.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер