Среде море најдено живо девојче (11) - ФОТО! - Канал 5

Живот

Среде море најдено живо девојче (11) - ФОТО!

3 дена било без вода и храна, никому не му е јасно како останало живо...

Среде море најдено живо девојче (11) - ФОТО!

Најмалку 40 лица не го преживеале бродоломот, а таа не се откажала.

Повеќе од 40 мигранти загинале во бродолом во Средоземното Море во близина на италијанската Лампедуза, додека 11-годишно девојче од Сиера Леоне го преживеало потонувањето на чамецот во кое се наоѓало. Спасувачкиот тим го пронашол девојчето кое три дена пловело по водата со импровизирани елеци за спасување, благодарение на нејзините повици за помош во раните утрински часови упатени до екипажот „Тротамар III“.

Девојчето им кажало на спасувачите дека чамецот кој тргнал од Тунис потонал поради невреме, а таа била единствената што ја преживеала несреќата.

- Единаесетгодишното девојче, по потекло од Сиера Леоне, три дена лебдело на водата со два импровизирани елеци за спасување направени од цевки исполнети со воздух и обичен појас за спасување - се наведува во соопштението на групата.

-Таа била во водата околу 12 часа, без вода и храна, беше настината, добро се координираше и реагираше добро - изјавил доктор Мауро Марино, кој го прегледал девојчето. Спасувачите ја пронашле со два импровизирани елеци за спасување.

Оваа трагедија ги потврдува сомнежите на спасувачките организации дека повеќе од 40 мигранти загинале, додека останатите исчезнале во брановите. Преживеаното девојче рекло дека чамецот потонал поради лошите временски услови, додека останатите мигранти кои биле со неа на пловилото најверојатно загинале, пренесува DailyMail.

Според спасувачките групи, чамецот бил преполн и преоптоварен, а спасувачката екипа смета дека единствено девојчето успеало да го преживее овој страшен инцидент. Сепак, никому не му е јасно како се случило тоа, па не е ни чудо што медиумите ширум светот ја пренесоа веста за „чудото на Медитеранот“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Борбени авиони на НАТО соборија беспилотно летало над Литванија

Борбени авиони на НАТО соборија беспилотно летало над Литванија откако беше издадено предупредување за главниот град Вилнус и околниот регион.

Борбени авиони на НАТО соборија беспилотно летало над Литванија

Леталото во Литванија дошло од соседна Белорусија и се движело кон запад.

Гитанас Науседа, претседателот на Литванија, утринава објави: „Беспилотно летало што штотуку навлезе во литванскиот воздушен простор беше уништено од борбени авиони на НАТО. Со оглед на тоа што Русија ја засилува агресијата врз Украина, ваквата подготвеност е од витално значење за нашиот регион.“

Во меѓувреме, Полска ги активираше своите воздухопловни сили како превентивна мерка поради руските напади со беспилотни летала врз Украина. Вчера полската војска извлече сомнително руско беспилотно летало од морето кај балтичкиот брег во северна Полска.

Литванија, Латвија и Естонија – сите членки на НАТО на границата со Русија – постојано се соочуваат со навлегувања на беспилотни летала на нивните територии откако Москва ја започна војната против украина.

Тагови: дрон НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп изјави дека веќе нема напади врз енергетски цели, Русите погодија бензинска во Киев

Руски дрон погоди бензинска пумпа во украинскиот главен град Киев рано утринава, изјави градоначалникот Виталиј Кличко .

Трамп изјави дека веќе нема напади врз енергетски цели, Русите погодија бензинска во Киев

Руски дрон погоди бензинска пумпа во украинскиот главен град Киев рано утринава, изјави градоначалникот Виталиј Кличко – само еден ден откако американскиот претседател Доналд Трамп изјави дека Украина и Русија се договориле да не ја напаѓаат енергетската инфраструктура на другата страна.

Во нападот е повредено едно лице, а погодени се и магацини во друг дел од градот, соопшти Кличко на Телеграм.

Сведок на Ројтерс слушнал експлозија во Киев.

Погодени бензинска пумпа и магацини, Русија неодамна почна да ги напаѓа бензинските пумпи во Киев, со што го прошири опсегот на своите цели.

Според украинските власти, Русија погодила околу 300 бензински пумпи во изминатите неколку месеци, главно во областите долж или во близина на линијата на фронтот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кратовец осомничен дека прободел со нож полициски службеник

Кумановското обвинителство ќе спроведе истрага против 40-ет годишен кратовец заради напад со нож на полициски службеник при интервенција.

Кратовец осомничен дека прободел со нож полициски службеник

Според обвинителството, осомничениот на 11 септември нападнал службени лица при вршење работи на јавната безбедност поврзани со спречување кривично дело.

Кога двајца полицајци употребиле сила за да ја отворат заклучената врата од собата во која се наоѓал осомничениот, тој ги нападнал. При нападот, на еден од полициските службеници со нож му нанел тешки телесни повреди, меѓу кои прободна рана и посекотина.

Поради опасност од бегство и можност осомничениот да го повтори делото, јавниот обвинител до судијата на претходна постапка доставил предлог за определување мерка притвор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер