Балкан

Средбите на Курти и Вучиќ во Брисел без резултати

Разговорите меѓу Белград и Приштина се во ќор-сокак, ова е оценката на високиот европски претставник Џозеп Борел по шест-часовните маратонските одвоени средби со Вучиќ и Курти во Брисел.

На средбите на кои покрај Борел и претседателот на ЕС Шарл Мишел, присуствуваа и Шолц, Макрон и Мелони, на двајцата лидери им бил презентиран нов предлог за формирање на Асоцијација на Српски општини. Сепак, според Борел, секоја од страните имала свои предуслови што го отежнало напредокот на разговорите, а постигнувањето на договор невозможно.

-Има голема пречка, а тоа е формирањето на Асоцијацијата на општини со Српско мнозинство во северот на Косово. И за да помогнеме на двете страни да постигнат договор, ние, сите заедно изнесовме европски, сериозен и избалансиран предлог за формирање на овие заедници на општини. За жал, страните не беа подготвени да се договорат за тоа, без предуслови кои беа неприфатливи за другата страна,- - Џозеп Борел – Висок претставник на ЕУ за надворешна политика.

И Белград и Приштина пак по средбите тврдат дека биле подготвени да го прифатат предлогот во Брисел, но дека другата страна била против. Од кабинетот на Курти соопштија дека тие се понудиле да го спроведат договореното за формирање на Асоцијација на Српски општини, но дека српскиот претседател одбил и барал дополнителен документ со кој според нив се поништувале претходните договори. Вучиќ пак, тврди дека бил подготвен да исполни се, освен работи кои би можеле да доведат до признавање на Косово.

-Бев подготвен и бевме подготвени да исполниме се, освен работите кои ќе не доведат до де факто или де јуре признавање на независноста на Косово, членство во ООН, и територијалниот интегритет во Косово. Не се работи за потпишување, се работи за спроведување, се работи за спречување на етничкото чистење на Србите од северот на Косово,- - Александар Вучиќ – Претседател на Србија.

Средбите со Курти и Вучиќ се одржаа на маргините на Европскиот совет, а челниците на Унијата најавија дека токму за односите меѓу Белград и Приштина ќе стане збор и на денешниот состанок. На прашање пак дали се размислува за санкции кон Србија поради инцидентот кај Бањска, шефицата на Европската Комисија Урсула Фон дер лајен истакна дека истрагата е во тек и откако ќе заврши ќе одлучат дали воопшто ќе преземат било какви мерки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Потонаа сите лаги на ВМРО и Мицкоски за модуларната болница - да им се извинат на граѓаните

Пет години ВМРО и Христијан Мицкоски ширеа лаги, конструкции и водеа политичка кампања против претседателот Венко Фулипче со монструозни обвинувања за модуларната болница.

Ја злоупотребуваа трагедијата, ги злоупотребуваа болката и чувствата на семејствата кои ги загубија своите најблиски и бесрамно лажеа.

Денеска сите тие лаги потонаа.

Јавното обвинителство јасно утврди дека нема основа за одговорност на д-р Венко Филипче, нема злоупотреба на службената положба, нема штета на Буџетот, нема никаков криминал.

ВМРО, Мицкски и 40% од медиумите од Орбановата мрежа водеа црна кампања, лепеа монструозни етикети, го нарекуваа Филипче убиец, Менгеле, се оцрнуваше лекар и професор кој целиот свој професионален живот го посветил на лекување пациенти.

По пет години лаги, најмалку што можат да направат Мицкоски и ВМРО е јавно да се извинат.

Да им се извинат на семејствата на загинатите чии болка и трагедија безмилосно ги користеа за дневнополитички поени.

Да им се извинат на граѓаните кои пет години ги лажеа и манипулираа.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Русин скокна од 11,5 километри височина, достигна брзина од над 500 км/ч (ВИДЕО)

Рускиот падобранец Сергеј Бојцов скокна од балон од височина од 11.551 метар над Алтај и постави нов светски рекорд.

Скокот го извел на 22 август, а во слободен пад останал две и пол минути, при што достигнал максимална брзина од околу 501 километар на час.

На височината од која скокнал температурата била околу -59 степени Целзиусови, поради што Бојцов користел специјална опрема за висински услови. Претходниот рекорд за скок од балон изнесувал 10.060 метри и бил во сопственост на полски екстремни спортисти.

Бојцов го отворил падобранот на височина од 1.565 метри, по што безбедно се приземјил во Уст-Калманскиот реон на Алтајскиот крај. Целиот лет на падобранот траел околу седум минути и 19 секунди, додека во проектот биле вклучени околу 100 специјалисти, меѓу кои инженери, пилоти и технички експерти.

Тагови: падобран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Владата има пари за авион - нема за плати!

Власта на Христијан Мицкоски повторно ги покажа своите приоритети – луксуз за функционерите, изговори за граѓаните.

Директорот на СОЗР, Ивица Томовски, јавно кажа дека идејата за нов владин авион не е повлечена, парите се оставени. Се чека само купувањето.

Тоа било за нив „сериозна држава“.

За оваа криминална власт „сериозна“ држава не се мери со платите на работниците, со полни фрижидери, со функционално здравство, со безбедна вода.

Се мери со нов авион за Мицкоски.

„Третата економија во Европа“ на Мицкоски нема пари за минимална плата од 600 евра. За нов владин авион – има.

Се може да почека само авионот не може.

Граѓаните во Гостивар 5 недели да чекаат на вода. Анализите за водата во Гостивар да почекаат.

Работниците со минимална плата да чекаат. Потрошувачката кошничка од 70.000 денари да почека. Дизелот од 100 денари да почека. Земјоделците со нјаниски откупни цени да почекаат.

Само авионот не може да чека.

Велат, авионот бил потребен за ЕУ, за инвеститори и за функционерите да не губеле време на редовни линии.

За Гостивар имаа време. Додека илјадници граѓани се соочуваа со здравствената криза, Мицкоски имаше време за одмор и екскурзија.

А сега нема време да патува со редовна линија и да седи во економска класа.

Оваа власт ги намали странските инвестиции за над 60% за 2 години, да и беше за инвестиции ќе ги зголемеше.

Сериозна држава е држава која прво обезбедува безбедна вода за своите граѓани.

Сериозна држава обезбедува достоинствени плати, функционално здравство и институции што работат. Сериозна држава не слави додека илјадници граѓани завршуваат во болница.

Но тоа не се приоритетите на Мицкоски и ВМРО-ОКГ.

Нивниот редослед е јасен: Прво луксуз за нив, потоа изговори за граѓаните.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.