Регион

Средба шефот на кинеските разузнавачки служби со српскиот вицепремиер Вулин

Средба шефот на кинеските разузнавачки служби со српскиот вицепремиер Вулин за континуирана соработка, споменатата „обоена револуција“.

Српскиот вицепремиер Александар Вулин и министерот за државна безбедност и началник на Службата за разузнавање и контраразузнавање на Народна Република Кина, Чен Јиксин се договорија за „продолжување на соработката меѓу Србија и Кина во областа на безбедноста“, соопшти српската влада.

Ккао што е наведено, состанокот бил оставрен на 13 декември, како дел од официјалната посета на Вулин на Кина. Договорена е и „размена на искуства во областа на контраразузнавачката работа и борбата“ против таканаречените „обоени револуции“, соопшти српската Влада.

Официјален Белград и Пекинг ги интензивираат односите во различни области откако Српската напредна партија (СНС) дојде на власт во 2012 година, јави РСЕ.

Србија во изминативе години има инсталирано повеќе од 1.000 надзорни камери од кинеската компанија Хуавеи, со можност за препознавање лица. Инсталирањето на камерите во Белград беше контроверзно бидејќи Србија нема соодветни закони за приватност на податоците за обработка на биометриските информации земени од снимките со препознавање лице.

Истрагата на РСЕ од 2022 година откри дека српските власти веќе користеле кинеска технологија за следење и таргетирање на активисти и демонстранти, што предизвикува загриженост дека понапредната кинеска опрема за надзор може да биде злоупотребена. /МИА

Македонија

Петрушевски: СДС останаа последното упориште на Артан Груби

СДС останаа последното упориште на Артан Груби.Само СДС не се отргна од Груби. Месец дена СДС молчи за Груби.

Да не беше СДС и нивната желба за власт по секоја цена во прв ред немаше воопшто да се случи Груби.

Артан Груби направи милионски криминал во време кога МВР го водеше Оливер Спасовски, премиери беа Заев и Ковачевски, а судството и обвинителството беа под целосен притисок од нив.

Во таква ситуација СДС не може да кажат дека не знаеле што прави Артан Груби.

Дополнително за Груби и неговото криминално однесување гласно зборуваше и ВМРО-ДПМНЕ и медиумите.

СДС мора да собере храброст и да се извини за Артан Груби. Се додека не се извинат за криминалите на Груби се дотогаш не можат да кажат дека се отргнале од него и од ДУИ.

Само целосно соочување со реалноста и извинување за Груби ќе значат за СДС нов лист. Се додека не го направат тоа, тие покажуваат дека се истата партија која беше коалиција со Груби додека тој крадеше, рече Бране Петрушевски, пратеник на ВМРО-ДПМНЕ.

Свет

Сирени за тревога и експлозии во Ерусалим, ден пред прекинот на огнот во Појасот Газа

Во Ерусалим изутрината одекнале експлозии, набргу откако се огласиле сирените за тревога во градот и централниот дел на Израел, ден пред стапување во сила на договорот за прекин на огнот во Појасот Газа и ослободување на заложниците.

Израелската војска соопшти дека проектили биле истрелани кон Израел од Јемен, но биле пресретнати и уништени од проиввоздушната одбрана.

Јеменските бунтовници Хути започнаа напади на израелска територија по избувнивањето на војната во Појасот Газа, тврдејќи дека се солидарни со Палестинците.

По објавувањето на прекинот на огнот во Појасот Газа, Хутите предупредија дека ќе продолжат со нападите доколку Израел не ги почитува условите од договорот.

Македонија

Посебен сообраќаен режим во Скопје за Водици

По повод верскиот празник Богојавление-Водици, утре ќе има посебен режим на сообраќај на одредени сообраќајници во централното градско подрачје на Скопје, како и во општините Ѓорче Петров, Кисела Вода и Аеродром. 

СВР Скопје соопшти дека во центарот на градот за сообраќај ќе биде затворена улицата „Филип Втори Македонски“ на потег од крстосница со булеварот „Гоце Делчев“ до крстосница со улицата „11-ти Октомври“ во двете насоки.

Во општина Кисела Вода за сообраќај ќе бидат затворени улиците „14-ти Декември“ и дел од улицата „Христо Татарчев“ до салата „Расадник“.

Во општина Ѓорче Петров за сообраќај ќе бидат затворени сообраќајницата од црквата „Свети Петар и Павле“, булеварот „Партизански Одреди“ до улицата „Ѓорче Петров“, потоа улицата „Ѓорче Петров“ до улицата „Васил Чакаларов“, како и од црквата „Свети Пантелејмон“, улицата „Козле“, дел од улицата „Васил Чакаларов“ до Железничкиот мост на реката Вардар.

притисни ентер