Македонија

Средба на Пендаровски со делегација на Институтот за педагогија при Филозофскиот факултет

Претседателот Стево Пендаровски денеска прими делегација од Институтот за педагогија при Филозофскиот факултет на Универзитетот „Св. Кирил и Методиј" во Скопје.

На средбата, на која присуствуваа Ратко Дуев, декан на Филозофскиот факултет, Трајан Гоцевски, поранешен декан на Филозофскиот факултет и професорките Наташа Ангелоска-Галевска и Елизабета Томевска-Илиевска, се разговараше за одбележувањето на 75 години од основање на Институтот за педагогија.

Професорите го информираа претседателот Пендаровски дека во рамки на одбележувањето на овој јубилеј од 16 до 18 мај 2022 година во Охрид ќе се организира меѓународна научна конференција, чија цел ќе биде афирмација и промоција на дејноста на институтот пред пошироката академска јавност.

Конференцијата насловена „75 години Институт за педагогија - Воспитно образовни предизвици и перспективи" ќе се одржи под покровителство на претседателот Пендаровски.

Претседателот Пендаровски, заблагодарувајќи се за поканата да биде покровител, го истакна значењето на оваа меѓународна научна конференција, на која ќе учествуваат бројни универзитетски професори, образовни експерти, истражувачи, едукатори, практичари и студенти од земјава и од десетина други држави, а со која соодветно ќе се одбележи големиот јубилеј - 75 години од основањето на Институтот за педагогија.

На средбата соговорниците нагласија дека конференцијата ќе биде одлична можност да се направи ретроспектива на последните случувања во образовната политика, законодавството и практиката, како и да се промовираат нови концепти и идеи и да се споделат резултати на најнови истражувања и иновации.

Институтот за педагогија при Филозофскиот факултет на Универзитетот „Св. Кирил и Методиј" во Скопје е прва и најстара институција за образување педагози, наставници и воспитувачи во нашата држава од каде потекнале најистакнатите педагози, министри за образование, декани на факултети, директори на просветни институции, магистри и доктори на педагошки науки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Русокосата Дилета повторно предизвика вистински хаос на интернет сега од своето работно место

Една од најубавите спортски новинарки на светот, италијанската новинарка Дилета Леота повторно привлече внимание со својот изглед на социјалните мрежи, откако се јави од студиото за време на еден натпревар минатиот викенд.

Таа објави фотографии од своето работно место, а како и обично, беше во провокативна модна комбинација.

За известување од една средба атрактивната Дилета одбрала црна, проѕирна комбинација, под која јасно се гледаше црн градник, истакнувајќи го нејзиниот буен биста.

Со ова издание, таа уште еднаш ги израдува своите повеќе од 9 милиони следбеници, па така не недостигаа коментари и комплименти.

https://www.instagram.com/reel/DepXu-Usoih/?utm_source=ig_embed

Многумина се фалеа дека „направиле зум на фотографијата“, а други ѝ велеа: „Стануваш сè поубава и поубава...“, „Какво чудо...“ и слично.

Дилета Леота во последните години е заштитно лице на британската компанија DAZN во Италија, а откако во мај годинава се породи по вторпат, нејзиниот изглед е постојано под лупа на јавноста и во центарот на медиумското внимание, бидејќи неверојатно брзо ја врати својата совршена линија.

Дилета и нејзиниот сопруг, германскиот голман Лорис Кариус, имаат две деца. Првото дете, ќерката Арија, го добија на 16 август 2023 година, а интересно е тоа што Арија се роди на истиот ден кога е роденден на Дилета. Второто дете, синот Леонард, го роди на 9 мај 2026 година.

Тагови: Дилета Леота

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Ајкулата Буканги тврдоглаво одбива да си замине: Повторно се врати во каналот

Ајкула по име Буканги, која вчера беше насочена кон излезот откако помина повеќе од еден месец во канал во јужнокорејскиот град Бусан, се вратила во каналот, објави новинската агенција Јонхап.

Утринава, на 22 октомври, ајкулата била забележана како плива во тесен простор помеѓу пловечка платформа – поставена близу излезот од каналот – и заштитна мрежа.

Според набљудувачите, можно е ајкулата да се вратила пливајќи под платформата. Буканги првпат била забележана во каналот на 18 септември. Оттогаш, блискиот парк стана голема атракција, привлекувајќи повеќе од 1,6 милиони посетители заклучно со неделата, пренесува Танјуг.

По два неуспешни обиди ајкулата да се насочи кон отворено море, градските власти и крајбрежната стража вчера успеаја да ја упатат кон излезот користејќи мрежа прикачена на понтон.

Околу 18:00 часот, ајкулата била забележана близу пристаниште надвор од каналот, иако сè уште не била на отворено море. Некои посетители пријавиле дека ја виделе ајкулата како се враќа во каналот синоќа, околу 23:00 часот.

Властите претходно изразија загриженост дека животното би можело да угине доколку температурата на водата дополнително опадне.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје-Известувањето за неработен ден 23.10.2026 година

ЈП Водовод и канализација – Скопје ги известува корисниците на своите услуги дека на ден 23.10.2026 година (петок) шалтерите за наплата и рекламации во Дирекцијата на претпријатието нема да работат.

ЈП Водовод и канализација – Скопје ги известува корисниците на своите услуги дека на ден 23.10.2026 година (петок), по повод државниот празник Ден на македонската револуционерна борба, шалтерите за наплата и рекламации во Дирекцијата на претпријатието нема да работат.

Со редовно работно време ќе се продолжи од 24.10.2026 година (сабота).

Воедно, ги повикуваме корисниците да ги користат електронските сервиси на ЈП Водовод и канализација – Скопје, кои овозможуваат брз и едноставен пристап до услугите.

Повеќе информации се достапни на www.vodovod-skopje.com.mk и пристап до електронските сервиси е овозможен преку e.vodovod-skopje.com.mk

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.