Јозеф Фрицл, озлогласениот силувач кој ѝ направи седум деца на својата ќерка Елизабет, бил прилично несреќен во претходната ќелија бидејќи немало неколку работи.

„Туширањето му беше особено важно“, изјави неговата адвокатка Астрид Вагнер.

Фрицл, кој ја држел својата ќерка затворена во подрумот 24 години, пред десет дена се преселил во нова ќелија, каде што можел да се освежи во туш кабина.

„Оттогаш му оди многу подобро, навистина оживеа“, вели адвокатката.

Адвокатката истакна дека ова „можеби е подобро од ослободување“ иако таа ќе продолжи да се бори нејзиниот клиент да излезе од затворот што го одлежува и да го помине остатокот од животот како слободен човек.

Таа истакна дека Јозеф моментално е многу задоволен од тушот и другите удобности и дека добро се согласува со затворениците.

„Добро се сложува со другите, главно помлади затвореници, а исто така повторно одгледува пиперки и домати“, додал Вагнер, пишува ОЕ24.

Да потсетиме дека Фрицл ја чувал Елизабета како сексуална робинка во куќата уште од нејзината 18-та година. Неговите грозоморни злосторства биле откриени кога едно дете, родено како последица на инцест, било однесено во болница бидејќи животот му бил во опасност. Инаку, тој боледува од деменција, а форензичарот Аделхајде Кастнер кон крајот на 2023 година заклучи дека Фрицл повеќе не е опасен.

Австриецот ја силувал својата ќерка илјада пати во текот на 24 години и станал татко на нејзините седум деца.

Монструозниот, невиден случај во Австрија беше откриен во 2008 година.

Европската комисија (ЕК) денеска соопшти дека, во согласност со соопштението од јуни, воведе привремени повисоки царини за увоз на електрични возила (ЕВ) од Кина, истовремено нагласувајќи дека разговорите со Пекинг за решение на целата ситуација се уште е во тек.

Како што е наведено во соопштението, во иднина за автомобилите BYD ќе се плаќа царина од 17,4 отсто, Geely ќе плаќа 19,9 отсто, а SAIC 37,6 отсто.

Останатите кинески производители на автомобили ќе плаќаат давачки од 20,8 отсто, додека компаниите кои не соработувале во истрагата на ЕУ за субвенции очекуваат царина од 37,6 отсто.

Споредено со однапред објавените стапки на 12 јуни 2024 година, привремените давачки се благо прилагодени надолу врз основа на коментарите за точноста на пресметките поднесени од заинтересираните страни.

Според извештаите, тарифите се воведуваат девет месеци по започнувањето на истрагата за наводните субвенции во Кина, бидејќи ЕК заклучи дека кинеските производители на ЕВ профитираат од неоправданите субвенции, а со тоа им штетат на производителите на електрични возила во Европа.

Консултациите со кинеската влада се интензивирани во последните недели, а контактите со Пекинг продолжуваат на техничко ниво за да се постигне решение кое е компатибилно со правилата на Светската трговска организација, се додава на веб-страницата на ЕК.

Овие привремени царински давачки ќе важат од 5 јули 2024 година за најмногу четири месеци. Во тој рок мора да се донесе конечна одлука за царините со гласање на земјите-членки на Европската унија.

Доколку се изгласаат царините за увоз на кинески електрични автомобили, тие ќе важат во следните пет години.

Членови на семејството на американскиот претседател Џо Бајден, особено неговата сопруга Џил и синот Хантер, ги обвинуваат советниците на американскиот лидер за неговиот катастрофален настап на неодамнешната телевизиска дебата и бараат нивна смена, јави денеска Ен-би-си (НБЦ), повикувајќи се на неименувани извори.

Членовите на семејството на Бајден се повеќе ја оспоруваат неговата предизборна стратегија и бараат начини за „ревитализација“. Според нив треба да бидат сменети советничката во Белата куќа, Анита Дан и најверојатно нејзиниот сопруг, Боб Бауер, личниот адвокат на претседателот.

Членовите на семејството Бајден почнаа да анализираат што се случило на дебатата веднаш по нејзиното завршување, во обид да откријат кој го преоптовари претседателот со статистика наместо да му дозволи да „зборува од срце“ наведува Ен-би-си.

Следната дебата Бајден - Трамп ќе се одржи на 10 септември.