Средба Бока – Муртезани: Неправедно е што Македонија се уште не е дел од Европската унија - Канал 5

Македонија

Средба Бока – Муртезани: Неправедно е што Македонија се уште не е дел од Европската унија

Понудата на унгарскиот премиер Виктор Орбан да помогне во решавањето на спорот со Бугарија за да се одблокираат преговорите на Македонија со ЕУ се уште е на маса, порача унгарскиот министер за ЕУ, Јанош Бока.

Јанош Бока

Понудата на унгарскиот премиер Виктор Орбан да помогне во решавањето на спорот со Бугарија за да се одблокираат преговорите на Македонија со ЕУ се уште е на маса, порача унгарскиот министер за ЕУ, Јанош Бока, по средбата со неговиот домаќин, министерот Орхан Муртезани. Бока, кој е во дводневна посета на Скопје, на почетокот од прес-конференцијатаја изрази длабоко сочувство за трагедијата во Кочани и ја нагласи подготвеноста на Будимпешта и да продолжи да дава помош доколку тоа е потребно.

Унгарскиот министер посочи дека ЕУ треба да биде свесна дека проширувањето без Западниот Балкан е незавршен процес, а Македонија, како што рече, одамна заслужила да биде дел од ЕУ. Унгарија е ваш искрен пријател на тој пат, порача тој.

-Кога станува збор за билатералните политички прашања премиерот на Унгарија веќе изјави дека тој лично и унгарската Влада се подготвени да помогнат во надминувањето на таквите билатерални спорови доколку државите се согласат со тоа. Таа понуда е се уште на маса. Исто така, ги повикуваме сите земји членки на Еу да ја имаат предвид геостратешката важност на регионот за ЕУ. Постојано слушам во ЕУ дека има нов ентузијазам за проширување, се надевам дека е така. И ако биде така Западниот Балкан треба да биде еден од најважните корисници на тој нов ентузијазам, а Унгарија работи токму во таа насока, изјави Бока.

Како нов исчекор во билатералните односи меѓу двете земји, според министерот Муртезани, е потпишувањето на Меморандумот за соработка кој меѓу другото треба да и помогне на земјава во искористувањето на европските фондови, размена на кадри и искуства. На следната средба во Будимпешта ќе се финализира овој работен план преку кој Унгарија во сите сфери ќе ја помага евроинтеграцијата на Македонија.

-Круна на денешните разговори е потпишувањето на Меморандум за соработка кој претставува цврста рамка за долгорочно партнерство во областа на европските интеграции. Ова не е само техничка соработка, ова е всушност инвестирање во европската иднина на нашите граѓани. Со овој чекор Македонија и Унгарија уште еднаш покажуваат дека Европа не е само географија и бирократија туку заеднички вредности и дека политиката на проширување на ЕУ е една од најважните стратешки цели, рече Муртезани.

Унгарскиот министер потсети дека неговата држава за време со претседателствувањето со ЕУ, го ставила во преден план проширувањето и помогнала да се усвои реформската агенда за Македонија. Во таа насока беше и тогашната понуда од унгарскиот премиер Орбан кој лани на меѓувладината седница во Охрид се понуди да посредува во спорот меѓу Скопје и Софија, но ваквиот негов предлог беше експресно одбиен од официјална Софија со образложение дека на Бугарија не и требаат посредници во процесот, а европскиот договор и условите за Македонија се јасни.

YouTube video

Тагови: Виктор Орбан ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Најголемата ѕвезда на OnlyFans го запали интернетот со жешка снимка од модна писта (ВИДЕО)

По неколку недели во медиумите поради нејзиниот личен живот, креаторката на содржини за возрасни, Софи Рејн, повторно е во центарот на вниманието, овој пат со нејзините најнови снимки.

Најголемата ѕвезда на OnlyFans го запали интернетот со жешка снимка од модна писта (ВИДЕО)

Рејн, најголемата ѕвезда на OnlyFans, го имаше своето деби на Неделата на костими за капење во Мајами, а нејзиното појавување на писта брзо го привлече вниманието на фановите, медиумите и корисниците на социјалните мрежи.

За време на шоуто, Рејн се појави на пистата во дводелно бикини со животински принт, кое го комбинираше со впечатливи златни чизми со отворени прсти, пред да се појави во блескаво розово бикини во кое исто така го украде шоуто.

Фотографиите и снимките од настапот брзо се проширија на социјалните мрежи, каде што илјадници корисници коментираа за нејзиниот изглед, но и за фактот дека ја виделе во средина далеку од платформата што ја направи позната.

Голем дел од интересот го предизвика нејзиното неодамнешно тврдење дека е сè уште девица, изјава што предизвика жестока онлајн дебата поради очигледниот контраст со индустријата во која ја изгради својата кариера.

Чекор од интернет до модната писта

Неделата на костими за капење во Мајами 2026 демонстрираше тренд кој е сè повидлив во модната индустрија: спојување на професионални модели, познати личности и инфлуенсери кои можат да достигнат милиони следбеници. Во оваа средина, настапот на Софи Рејн природно се вклопува во новата генерација јавни личности кои ја претвораат својата дигитална популарност во присуство во мејнстрим медиумите.

Креаторката на содржини родена во Флорида стана една од најзборуваните личности во дигиталниот простор. Брзиот раст на социјалните медиуми и заработката за која јавно тврди дека ги остварува преку своите платформи ѝ помогнаа да се етаблира како едно од најпрепознатливите имиња меѓу новиот бран инфлуенсери.

Досега, не е јасно дали овој настап ќе биде еднократен излет во модните води или почеток на потрајна соработка со светот на модата. Сепак, јасно е дека Софи Рејн успеа, барем привремено, да го пренасочи разговорот од контроверзиите кон ново професионално поглавје. Со тоа, таа покажа дека нејзината способност да привлече внимание се протега далеку над темите што нормално доминираат во насловите за неа.

Тагови: OnlyFans пистата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Мечка се нафрли на автомобил на бугарски турист во Романија- повредениот возач вреска и бара помош (ВИДЕО)

Бугарски турист е сериозно повреден откако бил нападнат од женка мечка во планинска област во Романија.

Мечка се нафрли на автомобил на бугарски турист во Романија- повредениот возач вреска и бара помош (ВИДЕО)

Георги Бизев бил на одмор минатата среда и возел по планински пат во близина на браната Видрару кога забележал женка мечка со младенче покрај патот. Го запрел своето возило.

Дивиот ѕвер го нападна

Според првичните извештаи, 46-годишникот ги хранел животните со остатоци од храна и ги фотографирал кога женската мечка одеднаш нападнала.

Снимката снимена од минувач го покажува моментот кога женката мечка се упатила кон прозорецот на автомобилот во кој патувал туристот.

Во друго видео, снимено од самиот Бизев, дивиот ѕвер може да се види како трча по возилото додека тој повикува помош.

Според локалните извештаи, животното се обидело да го извлече човекот од автомобилот, објавува Дејли Меил.

Бизев претрпел повреди од каснување на левата рака. Тој рекол дека мечката го изгребала и каснала додека се обидувал да го заштити лицето и вратот со кревање на раката.

Тој додаде дека безбедносниот појас му помогнал да избегне посериозни повреди, додека другите возачи свиреле и викале за да го исплашат животното.

„Ја видов како ѝ се наѕираа ушите и скокнаа врз мене. Се обиде да ме зграби и да ме извлече од автомобилот“, рече туристот.

Познатиот „мечкин премин“

Службите за итни случаи во Романија реагираа откако Бизев ги извести чуварите на браната Видрару. Службениците рекоа дека мечката веројатно го штитела своето младенче.

Делот од патот каде што се случил инцидентот е познат како „мечкин премин“, каде што туристите често застануваат да ги гледаат и да ги хранат дивите животни.

Бизев рече дека средбите со животните се чести и дека дури и храна се продава на постојките, но рече дека хранењето на мечката не било правилно.

„Влегов во нејзиниот простор, тоа беше грешка за која платив“, рече тој.

По инцидентот, тој се вратил во Бугарија на понатамошен третман.

Локалните власти ги предупредија туристите да не им се приближуваат на мечките ниту да ги хранат, нагласувајќи дека тие се заштитени, но дека на Карпатите се повеќе се навикнуваат на присуството на луѓе.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Ужас во Грција: Мајка ја спасува ќеркичката во последен момент (Вознемирувачко видео)

Безбедносните камери во Нафпактос, Грција, снимија неверојатна сцена!

Ужас во Грција: Мајка ја спасува ќеркичката во последен момент (Вознемирувачко видео)

Снимката, објавена од локалните медиуми, прикажува мајка која успеала да ја спаси својата ќеркичка од речиси сигурна смрт во последен момент!

Сè се случило кога возач, кој ја изгубил контролата врз возилото, се судрил со нејзиниот паркиран автомобил додека го ставала своето дете во возилото, објавува Протагон.

Инцидентот, според ЕРТ, се случил на улица во близина на пристанишниот плоштад во Нафпактос.

Жената стоела до својот паркиран автомобил и во тој момент го ставала своето мало дете во возилото. Одеднаш, автомобил што доаѓал од спротивната насока, под сè уште нејасни околности, скршнал од патот и се судрил со нејзиното возило со голема брзина.

Мајката веднаш ја почувствувала опасноста и реагирала неверојатно брзо. За дел од секундата, го зграпчила детето во раце и избегала од местото на настанот, скокајќи во блиската продавница со детето во раце.

Неколку моменти подоцна, возилото без контрола се удрило во нејзиниот паркиран автомобил, предизвикувајќи голема штета.

Не се пријавени сериозни повреди, што во голема мера се должи на брзата реакција на жената, која буквално го зграпчила детето и го спасила во последен момент.

YouTube video

Тагови: ќеркичка мајка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер