„Авионот „Пајпер ПА28“ се лизна од пистата на генералниот авијациски аеродром во округот Норт Палм Бич и се урна во мочурлива област на крајот од пистата“, изјави Сара Тејлор Салик, портпаролка на Националниот одбор за безбедност на транспортот.

На спасувачите им требало повеќе од еден час да го лоцираат леталото и да ги извлечат Г. Ј и неговиот придружник од него.

Остатоците, кои се распаднале на најмалку два дела, биле забележани од хеликоптер, а спасувачите потоа поминале низ кал длабока до половината за да ги извлечат телата од авионот. На брегот бил извршен CPR, по што двајцата мажи биле пренесени во најблиската болница. За жал, и покрај напорите на лекарите, во болница била констатирана смрт.

Според официјални лица, авионот очигледно имал проблем при слетувањето и се излизгал од пистата кон мочурливото езеро кое се наоѓа во непосредна близина.

„Кога авионот удри во водата, дел од крилото или делот од опашката на авионот се откина. Спасувачите рекоа дека авионот се распаднал на два дела. Неколку противпожарни екипи и членови на канцеларијата на окружниот шериф брзо пристигнале на местото на настанот, имавме и екипажот во воздух“, изјавија официјални лица.

Како што се наведува, во рок од две минути нуркачите биле во вода.

„Хеликоптерот го бараше леталото од воздух и екипажот на хеликоптерот ги забележа остатоците. Кога стигнавме до остатоците, видовме две лица во авионот. Ги извлековме жртвите со помош на корпа на хеликоптерот. " рекоа.

„Нашите нуркачи мораа да минат низ кал длабока до половината за да стигнат до водата каде што може да нуркаат и да стигнат до авионот“, додаваат тие.

Во тек е истрага за тоа како дошло до несреќата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.