Србин пукал во турски ресторан во Виена и избегал- убил Чеченец и тешко ранил друг Србин - Канал 5

Свет

Србин пукал во турски ресторан во Виена и избегал- убил Чеченец и тешко ранил друг Србин

Вчера вечерта, во турски ресторан во Виена се случила пукотница, при што едно лице било убиено, а друго тешко повредено. Се сомнева дека напаѓачот е од српско потекло и во тек е голема потера.

Србин пукал во турски ресторан во Виена и избегал- убил Чеченец и тешко ранил друг Србин

Само неколку часа по смртоносната пукотница, се појавија нови детали кои сугерираат дека кредит од швајцарска банка и исчезнати пари се можни мотиви за конфликтот, објави Телеграф.

Крвавата пресметка се случи вчера вечерта, околу 21:45 часот, во популарниот турски ресторан „Лиман“, недалеку од плоштадот Ипенплац во Виена, познат по чести насилства. На влезот од улицата сè уште виси постер со предупредување за „зона без оружје“.

Еден маж (33), по потекло од Чеченија, бил убиен на местото на настанот во пукотницата, додека еден Србин (55) е тешко ранет и однесен во болница. Неговата состојба сè уште е непозната.

Во текот на ноќта беше објавено дека двајца осомничени мажи се во бегство, напаѓачот и неговиот пријател. Првото апсење беше извршено во зори, но главниот осомничен, за кој се сомнева дека е од српско потекло, сè уште е на слобода.

Според досегашните информации, пукањето е резултат на конфликт меѓу две групи, чеченска и турска, околу голема сума пари. Наводно, член на турската група подигнал кредит од швајцарска банка, во вредност од неколку десетици илјади евра, кој требало да го сподели со својот партнер. Сепак, трето лице, наводно еден од Чеченците, подигнал околу 25.000 евра, што предизвикало конфликт кој кулминирал со трагичен исход.

На средбата во ресторанот требало да се разговара за спорните пари, но тензиите набрзо ескалирале. Според сведоците, најмалку два истрела биле испукани од пиштол што го носел убиениот. Каква улога имале Србите во овој случај сè уште не е јасно.

Еден од сведоците, кој е поврзан и со инцидентот, ја ангажирал познатата виенска адвокатка Ина-Кристин Стиглиќ и дал изјава во полицијата во текот на ноќта.

Истрагата за крвавиот судир сè уште е во тек.

Полицијата се обидува да утврди дали пукањето било планирано и дали зад судирот стои поширока мрежа поврзана со финансиски измами.

Тагови: Виена Србинот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

Неделен лабораториски извештај за квалитетот и безбедноста на водата за пиење.

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 17.08.2026 до 21.08.2026 зема 206 примероци за физичко-хемиска и 206 примероци за микробиолошка анализа на вода за пиење од 47 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Плутон го губи статусот на планета

Плутон беше една од деветте планети во Сончевиот систем во текот на 20-тиот век. Иако е откриен во 1930 година, за неговото постоење се претпоставувало и претходно.

Плутон го губи статусот на планета

На овој ден во 2006 година, Меѓународната астрономска унија го прекласификуваше Плутон само како џуџеста планета и го редефинираше бројот на планети во Сончевиот систем.

Плутон бил откриен во опсерваторија во Аризона. Клајд Томбо поминал една година во потрага по претпоставената деветта планета. Децении претходно, Персивал Ловел го предложил постоењето на деветта планета – која ја нарекол „Планета X“ – но не успеал да ја открие. По 14 месеци потрага, Томбо конечно го забележал големото небесно тело. Името му го дала Венеција Барни, млада девојка од Англија.

По откривањето на „Планета X“, таа предложила таа да го носи името на римскиот бог на подземниот свет. Нејзиниот дедо бил член на академската заедница, која го прифатила новото име, исто како и самиот Томбо. Дополнителна причина за изборот била тоа што првите две букви од името се совпаѓале со иницијалите на Персивал Ловел.

Планетата веднаш беше прифатена како деветта планета во Сончевиот систем, иако нејзиниот дијаметар изнесува само 2.377 километри – што ја прави помала од Земјината Месечина. Тоа беше значајно откритие, а Плутон стана симбол на мистериите во оддалечените предели на Сончевиот систем.

На почетокот на 21-от век, астрономите открија бројни објекти во Кајперовиот појас – регион од Сончевиот систем што се наоѓа зад орбитата на Нептун – од кои некои беа дури и поголеми од Плутон.

Ова откритие поттикна преиспитување на статусот на Плутон како планета. Ширум светот се водеа дебати за Плутон, кои кулминираа на 24 август 2006 година, за време на состанокот на Меѓународната астрономска унија во Прага. Таму беше утврдено дека планета е небесно тело што кружи околу Сонцето, поседува доволна маса за да добие сферичен облик и ја има „исчистено“ својата орбита од други објекти.

Плутон не го исполни овој последен критериум; следствено на тоа, тој беше прекласифициран во џуџеста планета, а од тој ден, Сончевиот систем официјално се состои од само осум планети.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Младите до 16 години да не користат социјални мрежи- нов предлог закон во Нов Зеланд

Пратениците во парламентот во Нов Зеланд ќе го разгледува поднесениот предлог закон за забрана на користење социјални мрежи за помлади од 16 години.

Младите до 16 години да не користат социјални мрежи- нов предлог закон во Нов Зеланд

Предлогот ќе ги обврзе платформите на социјалните мрежи да преземат разумни мерки за проверка на возраста на корисниците. Меѓу можните алатки се користење на веќе достапни податоци за корисничките сметки, технологија за препознавање лица и документи за дигитален идентитет.

За непочитување на обврските, платформите би можеле да бидат казнети со глоба до десет проценти од нивните глобални приходи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер