Србин и Хрват му го однеле цел инвентар од ресторанот на Словенец- не им давал плата - Канал 5

Балкан

Србин и Хрват му го однеле цел инвентар од ресторанот на Словенец- не им давал плата

Целиот кујнски инвентар дуо од Хрватска и Србија го украле од 17 до 19 септември од ресторан во областа Бртонигла, извести истарската полиција.

Србин и Хрват му го однеле цел инвентар од ресторанот на Словенец- не им давал плата

Одзеле фрижидер, машина, рерна за пица, скара, машина за мраз, тезга за сервирање, разни кујнски апарати, како и столици, маси и клупи. Украле и сеф, падобран и други предмети, со што на 55-годишен словенечки државјанин му нанеле штета од над 100.000 евра.

Станува збор за 67-годишен загрепчанец и 39-годишен државјанин на Србија кои полицијата на Умаг ги сомничи дека сториле кривично дело кражба. Двајцата се уапсени во петокот, а се сомнева дека од 17 до 19 септември го украле целиот кујнски инвентар од ресторан во месноста Бртонигла.

По завршувањето на кривичната истрага, 67-годишниот маж вчера е приведен во притворското одделение на Полициската управа на Истра, а против српскиот државјанин е поднесена кривична пријава во редовна постапка.

Неофицијално се дознава дека се работи за поранешни работници на тој угостителски објект, на кои сопственикот не им исплатил плата, па тие го ограбиле.

Овој случај се поврзува со оној од пред 12 дена кога полицијата на Умаг заврши кривична истрага против 55-годишен словенечки државјанин и утврди сомнение дека сторил кривично дело неисплата на плата и повреда на правата од социјално осигурување.

Се сомничи дека од 1 јули до 15 септември не исплатил плати, ниту подмирил придонеси од пензиско и здравствено осигурување, при што за неколку илјади евра оштетил три работнички на возраст од 21, 22 и 34 години. Против словенечкиот државјанин во редовна постапка е поднесена кривична пријава до надлежното државно обвинителство, објави Индекс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Најзгодната мама повторно воодушеви во бикини

Екс манекенката Роузи Хантингтон-Вајтли ужива во одморот со својот славен сопруг, холивудскиот актер Џејсон Стетам и децата.

Фото: Најзгодната мама повторно воодушеви во бикини

Познатото семејство летниот одмор го мининува на егозтичната Малта, каде што Роузи повторно позира во провокативно бикини.

Убавата Роузи Хантингтон-Вајтли ја покажа својата извајана фигура во минијатурни бикини за време на луксузниот семеен одмор со Џејсон Стетам.

39 годишната манекенка моментално ужива на Малта со 20 години повозрасниот Џејсон и нивните две деца – деветгодишниот син Џек и четиригодишната ќерка Изабела.

Парот веќе објави фотографии од одморот, но кога станува збор за Роузи, никогаш не е доволно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Франција пронајдени тела на пет бебиња

Француските обвинители покренаа истрага за сомнително убиство откако во станот на еден пар во градот Оранж, во југоисточна Франција, беа пронајдени посмртните останки на пет новороденчиња, соопштија локалните правосудни органи.

Во Франција пронајдени тела на пет бебиња

Остатоците од бебињата биле пронајдени во картонски кутии за време на претрес на станот во историскиот центар на градот, спроведен од 32-годишниот партнер на жената, откако тој – според обвинителството – дури во напредна фаза дознал дека таа повторно е бремена, пренесува „Франс 24“.

Жената во неделата дома родила здраво дете, по што била пренесена во болница.

По пристигнувањето во станот, нејзиниот партнер пронашол остатоци за кои се сомневал дека се човечки остатоци и ги известил болничките вработени, кои го пријавиле случајот во обвинителството. Според првите наоди на судскиот испитувач, остатоците најверојатно им припаѓаат на пет бебиња, а причината и околностите на нивната смрт ќе бидат утврдени со обдукции.

Истражителите сè уште не разговарале со мајката, соопштија од обвинителството.

Двојката има и две деца на возраст од осум и девет години.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Шпанската пејачка ја откри вистината за нејзината врска со фудбалерот

Шпанската пејачка Ана Мена одлучи да проговори по бројните гласини што ја поврзуваат со сè попопуларниот фудбалер Феран Торес.

Шпанската пејачка ја откри вистината за нејзината врска со фудбалерот

Шпанската пејачка Ана Мена категорично демантираше дека е во врска со напаѓачот на Барселона, Феран Торес – освојувач на Светското првенство во 2026 година со шпанската репрезентација – и ги нарече таквите тврдења „глупости“ и „апсурдни“, откако беа видени заедно за време на прославата на светската титула.

Пејачката веднаш реагираше на гласините што се појавија во медиумите деновиве, особено на оние што ја поврзуваат со фудбалерот на Барселона.

„Ова е бесмислица, за име на Бога. Навистина е смешно“, им изјави таа на собраните новинари, пренесува Goal.com.

Медиумите почнаа да ги поврзуваат Ана Мена и Феран Торес откако беа видени заедно на прослава на плоштадот Сибелес, организирана од Шпанската фудбалска федерација, а потоа и на приватна забава во еден од најпознатите ноќни клубови во Мадрид.

Шпекулациите дополнително се разгореа кога пејачката се појави во дрес со бројот 7, кој Торес го носи во шпанската репрезентација.

Кога ја прашале Анна зошто го носела токму тој дрес, Ана Мена кратко одговори: „Па, тоа е дресот што ми го дадоа, не знам.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер