Србија во временски теснец за НИС- ќе има ли решение за седум дена? - Канал 5

Балкан

Србија во временски теснец за НИС- ќе има ли решение за седум дена?

Решението за српската нафтена индустрија НИС мора да биде донесено во рок од една недела, изјави српскиот претседател Александар Вучиќ кој денеска присуствуваше на вонредната седница на српската влада. 

Србија во временски теснец за НИС- ќе има ли решение за седум дена?

Временскиот теснец со кој се соочува Србија е заради условот на САД кои за суспендирање на санкциите воведени на 9-ти октомври бараат компанијата повеќе да не биде во мнозинска сопственост на Русија. Српската министерка за енергетика на владината седница понуди и своја оставка.

-Да се води ресорот енергетика во ситуација во која нафтената индустрија има санцкии е речиси невозможно и спремна сум да поднесам и оставка бидејќи не гледам начин на кој може да се надмине оваа ситуација.- Џандановиќ, Министерка за енергетика

-Денес нема одлука, но одлуката можеме да ја донесеме утре, задутре, но во следната една недела мора да донесеме конечна одлука. -Вучиќ, Претседател на Србија

Според Вучиќ, Србија ќе ги поддржи русите во преговорите со трета страна за промена на сопственоста во НИС, а ако не се согласат за цената, Србија ќе биде подготвена да им понуди на Русите повеќе пари за да ја купи компанијата. Тој вели дека е против национализацијата, конфискацијата и грабежот на имот, но дека државатамора да има решение во рок од една недела.

-Ние без доток на нафта до 13 февруари сме во тотален колапс. Со тоа не ни работи рафинеријата, не ни работи ништо. Затоа мораме на рационален начин. Јас ќе разговарам со американците, јас ќе ги молам да ни помогнат по тоа прашање, иако тие и го направија ова. -Вучиќ, Претседател на Србија

Дел од српските експерти велат дека прашањето со НИС не е проблем од сега и ја обвинуваат владата дека не презеле чекори за решавање на проблемот.

-Претставниците на власта секоја работа ја драматизираат за да се покажат дека тие нешто жртвуваат за граѓаните, а всушност 10 месеци не работат ништо. Ова беше јасно од самиот почеток, од 10. јануари се знаеше што е барањето, а тоа е русите повеќе да не бидат дел од сопствеништвото.- Горан Радосављевиќ, Професор на ФЕФА

-Оваа приказна се драматизира без било каква важна причина, но треба да се донесе одлука која не е тешка за државата, туку за власта.- Горан Радосављевиќ, Професор на ФЕФА

Министерката за енергетика, Дубравка Џедовиќ Хандановиќ, според српски РТС, вели дека Србија има доволно резерви во случај да дојде до краток прекин на работата на рафинеријата, но мора брзо да се обратат кон владата на САД.

Тагови: НИС Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Она што требаше да биде возбудлива авантура се претвори во кошмар за турист од индиската држава Карнатака, откако паднал од висина од речиси 12 метри додека се возел со жичарница во одморалиште во Дандели.

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Инцидентот се случил кога, според семејството, безбедносниот механизам откажал, објавува NDTV.

Видеото се појави на мрежите

Туристот, идентификуван како К. С. од градот Виџајапура, претрпел повеќекратни скршеници во рацете и нозете откако ја изгубил заштитата на средина од возењето и паднал на земја.

Страшниот инцидент бил снимен со камера, а видеото брзо се проширило на социјалните мрежи.

Според семејството, безбедносната сопирачка на жичарницата „попуштила“, додека К. С. висел во воздух, по што се струполил на земја.

Семејството го обвини менаџментот на одморалиштето за небрежност, тврдејќи дека опремата „не била правилно одржувана“.

Бараат одговорност од менаџментот

Повредениот маж прво бил однесен во Владината болница во Дандели, по што бил префрлен во болница во Виџајапур.

Поради потребата од специјализиран третман, тој подоцна бил префрлен во Мираџ, каде што бил згрижен.

Семејството бара одговорност од менаџментот на одморалиштето, тврдејќи дека „несреќата можела да се спречи“ со редовно одржување на опремата и соодветни безбедносни проверки.

Тагови: туристот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска.

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска, за време на рецитирањето на бројаницата, непосредно пред мисата во 10 часот наутро.

Таа била во главната црква кога била нападната, објавува RTE, по што била однесена во Универзитетската болница Вотерфорд со сериозни, но не опасни по живот повреди.

Полицијата уапсила маж во 30-тите години во блиската куќа и му бил запленет нож. Тој моментално е во притвор во полициската станица во округот Вотерфорд.

Парохискиот свештеник, отец Ричард О'Халоран, потврди дека еден верник е повреден во нападот.

Епархијата Вотерфорд и Лизмор изјави дека е „длабоко шокирана од насилниот инцидент“ што се случил за време на службата, со порака за поддршка на повредената жена и благодарност до верниците кои помогнале „за време на овој ужасен настан“.

Истрагата е во тек, според ирската телевизија.

Тагови: Црква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се обиделе да спасат човек да не се удави, па се удавиле петмина- трагедија во Охајо (ВИДЕО)

Две жени и тројца мажи се удавија во американската држава Охајо.

Се обиделе да спасат човек да не се удави, па се удавиле петмина- трагедија во Охајо (ВИДЕО)

Според канцеларијата на шерифот на округот Делавер, трагедијата се случила во неделата навечер на реката Скиото, во близина на резервоарот О'Шогнеси, околу 16 километри северозападно од Колумбус, главниот и најголем град во државата Охајо, објави Њујорк Тајмс.

Група од најмалку седум лица - два пара, нивниот возрасен пријател и две деца - престојувале покрај брегот на реката при зајдисонце. „Некои од нив ловеле риба кога еден од возрасните влегол во реката да плива“, рече шерифот Џефри Балцер.

Детето истрчало на патот и запрело автомобил

Кога пливачот почнал да се бори да остане на површината, двајца други возрасни се обиделе да му помогнат, но самите почнале да тонат. „После тоа, уште двајца возрасни се обиделе да ги спасат, пред сите петмина да исчезнат во реката“, им рече Балцер на новинарите на прес-конференција.

„Не е невообичаено едно лице да почне да се дави, а други да се обидуваат да го спасат, иако немаат потребни вештини, па затоа завршуваме со повеќе смртни случаи“, нагласи шерифот.

Властите беа известени за несреќата откако едно од двете деца истрча на блискиот пат и го запре автомобилот. На возачот му беше кажано дека „неговото семејство е удавено во реката“. Службите за итни случаи веднаш беа испратени на местото на настанот и брзо ги пронајдоа двете жени и ги извлекоа од водата. Набргу потоа, тие беа прогласени за мртви во блиската болница.

Телата на тројцата исчезнати мажи беа пронајдени следниот ден. Шерифот рече дека двете деца, и двете под десетгодишна возраст, биле згрижени од локалните служби за заштита на деца по трагедијата.

Тагови: Охајо удави

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер