Кошарка

Србија со Јокиќ на Евробаскетот 2025?!

Селектор на кошаркарската репрезентација на Србија, Светислав Пешиќ, денеска информираше кога ќе го објави конечниот список на кошаркари за Европското првенство.

Попупарниот Кари се уште тактизира со составот поради најдобриот кошаркар на светот Никола Јокиќ.

- Како и секогаш, многу сме мотивирани. Ако мене лично ме прашувате, се чувствувам одлично. Подготовките почнуваат сега на 28-ми и ќе бидат специфични бидејќи се неверојатно кратки. Комплицирано е и предизвикувачки да се направи план за подготовки. Се обидовме да ги организираме додека играчите беа во своите клубови. Следува првата фаза од подготовките во Стара Пазова, потоа турнири на Кипар и во Минхен, а потоа и последната фаза во Арената. По сето тоа, веќе сме на пат за Латвија на 25-ти - рече Пешиќ.

Од САД утрово стигна информација што ги израдува Србите, откако новинарот Иван Сидери кој работи за „Форбс“ и важи за добро упатен во НБА-лигата обелодени дека Јокиќ ќе биде дел од Евробаскет 2025.

„Никола Јокиќ, Јанис Адетокумбо и Лука Дончиќ ќе играат за своите национални тимови на претстојното Европско првенство“, кратко напиша Сидери крај промотивното видео што го објави, доволно за еуфорија кај нашиот северен сосед.

Со Јокиќ во тимот бронзената селекција од Олимписките игри во Париз,сигурно била била една од главните кандидати за одличја на ЕП.

Во наредните денови се очекува и официјална потврда дали информацијата на новинарот од САД, Иван Сидери е вистинска, дали центарот на Денвер навистина ќе го облече повторно репрезентативниот дрес.

Инаку, Евробаскет 2025 ќе се одржува од 27 август до 14 септември, а репрезентацијата на Србија е дел од групата А заедно со селекциите на Летонија, Чешка, Турција, Естонија и Португалија.

Тагови: кошарка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп се сретна со Зеленски и Нетанјаху, се разговарало за воздушната одбрана на Украина и за Иран

Американскиот претседател Доналд Трамп одржа одделни средби со украинскиот претседател Володимир Зеленски и со израелскиот премиер Бенјамин Нетанјаху во Вашингтон.

Американскиот претседател Доналд Трамп одржа одделни средби со украинскиот претседател Володимир Зеленски и со израелскиот премиер Бенјамин Нетанјаху во Вашингтон, кои Белата куќа ги оцени како позитивни и продуктивни.

Двајцата лидери престојуваа во главниот град на САД за да присуствуваат на погребот на сенаторот Линдзи Греам, кој беше силен поддржувач на Израел и застапник за американската помош за Украина.

По средбата со Трамп, Зеленски рече дека американскиот претседател го прифатил барањето на Украина за добивање лиценци за производство на системот за противвоздушна одбрана „Патриот“.

Средбата со Нетанјаху пак, Трамп ја оцени како позитивна, а израелскиот премиер за медиумите соопшти дека двајцата имаат разбирање за како што посочи, заедничката цел иран да не произведе нуклеарно оружје...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија прогласи вонредна состојба поради сериозниот недостиг на вода

Унгарскиот министер за заштита на животната средина, Ласло Гајдош, денеска изјави дека владата прогласила вонредна состојба поради сериозниот недостиг на вода предизвикан од сушата.

Во објава на Фејсбук, Гајдош наведе дека индексот на суша во 66 од вкупно 84 унгарски водостопански области ги надминал праговите утврдени со прописите, поради што биле воведени вонредни мерки, пренесе МТИ.

Според него, експерти од Дирекцијата за управување со води ќе спроведат посебни мерки за заштита и управување со водните ресурси на 74 отсто од територијата на земјата, со цел да се ублажат последиците од сушата.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заменик-министерот за јавна администрација Јаќимоски на работен состанок за реализацијата на Реформската агенда

Заменик-министерот за јавна администрација Јаќимоски на работен состанок за реализацијата на Реформската агенда и процесот на европска интеграција.

Заменик-министерот за јавна администрација, Лазе Јаќимоски, денеска учествуваше на работен состанок посветен на реализацијата на Реформската агенда и процесот на европската интеграција, предводен од претседателот на Владата на Република Македонија, проф. д-р Христијан Мицкоски, и директорот на Генералниот директорат на Европската комисија за проширување и источно соседство, Герт Јан Копман.

На состанокот беа разгледани досегашниот напредок во спроведувањето на реформските активности, приоритетите во наредниот период, како и потребата од понатамошна координација меѓу институциите со цел навремено исполнување на преземените обврски од Реформската агенда.

Во фокусот на состанокот беа и реформите во областа на јавната администрација, како значаен дел од процесот на европска интеграција и усогласувањето со европските стандарди. Во оваа насока, беа разгледани активностите поврзани со исполнувањето на обврските од Реформската агенда, како и тековните процеси за унапредување на законската рамка и системските решенија во областа на јавната администрација.

Преку континуирано спроведување на реформите и конструктивна соработка со европските партнери, Министерството за јавна администрација придонесува кон изградба на институции кои функционираат според принципите на професионалност, ефикасност и отчетност. Јакнењето на јавната администрација останува еден од клучните приоритети во процесот на европска трансформација на државата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.