Олимписки игри

Србија освои олимписко злато во ватерполо и го сруши својот рекорд од Рио

Ватерполистите на Србија го одбранија своето злато на Олимписките игри. Во финалето ја победија Грција со 13:10.

На почетокот на последната четвртина, резултатот беше нерешен, а потоа Србија го реши прашањето за победникот со три голови и славеше против најголемото изненадување на натпреварувањето. Ова е деветта победа на Србија на 10 натпревари против Грција, репрезентација од која никогаш не загубила.

Двојните олимписки победници ги предводеа Душан Мандиќ, Никола Јакчиќ и Андрија Прлаиновиќ со по три гола, а по два гола постигнаа Душко Пијетловиќ и Филип Филиповиќ. Бранислав Митровиќ имал осум одбрани. Димитриос Скумпакис, Јоанис Фонтулис и Ангелос Влахопулос постигнале по два гола за Грците.

Во мечот за бронзениот медал, Унгарија ја победи Шпанија со 9-5.

Олимпискиот тим на Србија го сруши и својот рекорд по број на медали. Севкупно, ова е деветти медал за Србија на Игрите во Токио, и со тоа го надмина резултатот од Рио за еден медал.

Милица Мандиќ (таеквондо) и Јована Прековиќ (карате) освоија златни медали со ватерполистите, Дамир Микец (стрелаштво) освои сребро, додека со бронза ќе се вратат српските кошаркари и одбојкарките , Миленко Себиќ (стрелаштво), Тијана Богдановиќ (таеквондо) и Зураб Датунашвили (борење).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Зеленски предложи нов премиер на Украина

Украинскиот претседател Володимир Зеленски во средата го предложи шефот на државната енергетска компанија „Нафтогас“ за нов премиер, пренесува германската агенција ДПА.

Парламентот ја доби номинацијата за Серхиј Корецки, соопшти претседателот на ова тело, Руслан Стефанчук, на социјалната мрежа Фејсбук.

Стефанчук не соопшти кога Врховната рада ќе гласа за неговото потврдување, но се очекува гласањето да се одржи уште во четврток, пренесува ДПА. Зеленски во неделата изјави дека има намера да ја реорганизира владата со цел да ги зајакне односите со клучните меѓународни партнери.

Тагови: Володимир Зеленски украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран нападна цели во Бахреин и Кувајт по новите американски удари и поморската блокада

САД го напаѓа Иран петти ден по ред, насочувајќи се кон крајбрежната одбрана и ракетни бази откако повторно воведоа поморска блокада на иранските пристаништа.

До рано утрово во четврток на Блискиот исток, сирените се огласија во Бахреин, а Кувајт соопшти дека реагира на „непријателски закани со беспилотни летала“ откако Иран вети дека ќе одговори на американските напади.

Главниот преговарач на Иран, Мохамед Бакер Калибаф, изјави дека Техеран е во „егзистенцијална војна“ против САД и дека неговата безбедност зависи од контролата на Ормутскиот теснец.

Американскиот претседател Доналд Трамп тврди дека Иран сака да се смири и дека наскоро ќе биде поразен.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Истече крајниот рок за Изборниот законик партиите останаа без договор

Истече рокот за носење на измените на Изборниот законик, кој е дел од реформите за ЕУ.

Кај власта нема оптимизам дека воопшто е возможен консензус со опозицијата за дијаспората...

Премиерот Мицкоски не очекува дека нешто ќе се смени и во следниот период, иако за важноста на ова прашање вели дека потврда добивме и од еврокомесарката Марта Кос неодамна во Скопје.

Опозициските партии пак се обвинуваат за договор со власта и меѓусебно ја префрлаат топката за тоа кој ги закочил преговорите.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.