Србија ги ограничи цените на прехрмабените производи во наредните 60 дена

Српската влада денеска ги ограничи цените на основните прехранбени производи на ценовното ниво од 15 ноември годинава за период од 60 дена, со можност оваа мерка да биде продолжена доколку има потреба.

Уредбата донесена на денешната седница се однесува на цените на кристалниот шеќер, брашното од типот Т-400, сончогледовото масло за јадење, шунката и свинското месо, млекото со 2,8 отсто млечни масти, соопшти Владата, со образложение дека ценовната граница е поставена за „да се елиминираат штетните последици и спречување на нарушувања на пазарот“.

Регулативата нема да важи за веќе намалените цени - распродажби, сезонски намалувања или промотивни продажби - доколку тие важеле на 15 ноември, туку само за редовните цени пред намалувањето.

Одлуката, која ќе се применува за 60 дена, со можност за продолжување на рокот доколку е потребно, предвидува производителите да не смеат да ги испорачуваат овие производи во количини помали од просекот за последните 12 месеци, а казните се од околу 850 до околу 16.500 евра, и забрана за вршење дејност во траење од шест месеци до една година.

Владата донела и Заклучок за регулирање на меѓусебните права и обврски меѓу јавното претпријатие „Електропривреда Србија“ Белград и откупувачите на електрична енергија на комерцијалниот пазар, со кој се овозможува на сите корисници на кои договорот им истекува на 30 ноември да го продолжат договорот до 31 декември годинава под истите услови, што им гарантира договорни услови за испорака и цени за период од дополнителни 30 дена.

Народната банка на Србија (НБС) кон средината на ноември заклучила дека порастот на инфлацијата во Србија најмногу се должи на растот на цените на енергијата и храната, оценувајќи дека таквата состојба може да трае до средината на следната година, кога, според НБС, се очекува инфлацијата да започне на нивото на кое била пред пандемијата.

Претходно гувернерката Јоргованка Табаковиќ им порачала на големите трговски синџири дека „како бумеранг се обидуваат падот на прометот да го компензираат со високи цени“.

Во средината на ноември, на презентацијата на месечниот извештај на НБС, Табаковиќ потсетила дека инфлацијата во октомври била „6,6 отсто од инфлацијата на годишно ниво, а целниот опсег е три отсто со отстапување од плус-минус 1,5 отсто“.

Иако официјалните податоци сугерираат дека инфлацијата на годишна основа во октомври изнесувала 6,6 отсто, економистите прогнозираат дека на крајот на годината, во споредба со декември 2020-декември 2021 година, таа би можела да достигне осум отсто.

Фото: Тони Кукоч во белградска арена за Јокиќ: „Тој е плејмејкер“

Еден од најдобрите европски кошаркари на сите времиња, асот на Југопластика, Бенетон, Чикаго, Тони Кукоч даде свој коментар за најдобар играч на НБА лигата центарот на шампионот Денвер, Никола Јокиќ.

Легендарниот Пинк пантер од Сплит, Тони Кукоч освои три титули во НБА како член на познатата генерација на Чикаго Булс со Мајкл Џордан, Скоти Пипен и Денис Родман, но освои и три трофеи во Евролигата со славната Југопластика.

Минатата сезона Јокиќ ги предводеше Денвер Нагетс до нивната прва титула во историјата на франшизата од Колорадо, а претходно беше и два пати МВП на лигата.

„Денешните играчи кои доаѓаат од Европа се многу ценети и секој тим што оди во плеј-офот сака да има еден или двајца европски играчи. Европските играчи имаат способност да играат на повеќе позиции, полесно ги поврзуваат тимовите. Јокиќ... може да игра било што, на било која позиција. Кога ќе го погледнеш не е ни брз, ниту добар скокач, но неговиот мозок е две секунди пред нна сите други.Тој ја чита таа кошарка, нема да кажам дека игра, бидејќи во НБА не можеш да се играш, тоа е физички напорно, но се гледа дека тој е таму и ја чита играта. Го контролира целиот тим. Поради неговата висина игра центар, но тој е плејмејкерот на тој тим“, истакна Кукоч.

Славниот југословенски кошаркар потоа откри како легендарниот тренер од шампионските денови на Чикаго, Фил Џексон му објаснил дека шутирањето е можеби најмалку важното нешто во кошарката.

„Можете да ги прашате Џордан и Џексон за кошарката, но најважно е да се погледнете во огледало и да се запрашате што пропуштате. Ако сте искрени, тогаш брзо ќе дознаете. Мојата прва година со Булс , играв 27-29 минути, понекогаш почнував, но кога се врати Мајкл, тогаш почнував од клупа. Затоа Фил Џексон ми објасни дека не зависам од шутот,во кошарката има многу работи на кои треба да се работи.Шутирањето е можеби најважното.Треба да играш одбрана,се да знаеш, ... шутирам, промашувам, сакам да ја пресечам топката, мојот играч постигнува кош... Тогаш Фил Џексон ми рече дека тоа му пречи. “

Тони Кукоч и неговиот соиграч и пријател од Југопластика легендарниот Дино Раџа вчера беа гости на мечпот во Белград меѓу Партизан и Олимпијакос.

Двете кошаркарски легенди добија овации од преполните трибини .

Израелската армија го потврди убиството на висок функционер на Хезболах

Израелската војска потврди дека го убила Али Абед Асан Наим, заменик командант на ракетната дивизија на Хезболах. Тој бил убиен во напад со беспилотно летало во либанскиот регион Базуриех, објавија британските медиуми.

Израелската војска соопшти дека Наим насочил ракетен истрел со тешка боева глава кон израелска територија од Либан. Според израелските воени претставници, убиениот висок функционер на Хезболах бил одговорен за планирање и извршување на напади врз израелски цивили.

„Хуавеј“ минатата година со двојно поголем профит

Кинескиот телекомуникациски гигант „Хуавеј“ денеска соопшти за значително поголем профит во 2023 година, благодарение на силните резултати од неговите оддели за обработка заснована на Интернет и софтвери за автомобили.

Приходите на компанијата се зголемија за 9,63 отсто минатата година, на 704,2 милијарди јуани (99,4 милијарди долари).

Нето добивката се зголеми повеќе од двојно и изнесуваше 86,9 милијарди јуани.

Главниот столб на компанијата минатата година беше неговиот оддел за опрема за ИКТ инфраструктура, со приход од 362 милијарди јуани, што е за 2,3 отсто повеќе од 2022 година. Голем број западни земји забранија инсталирање на опрема на „Хуавеј“ во мобилните мрежи, повикувајќи се на националната безбедност.

притисни ентер