Срамен и манипулативен прашалник за средношколци во прирачникот по Животни вештини

Што сметате дека ја предизвика вашата хетеросексуалност? И дали е можно тоа да е само фаза којашто ќе ја надминете? А ако хетеросексуалноста е нормална, тогаш зошто толку многу хетеросексуалци се лица со ментални нарушувања?

Ова се само дел од прашањата на кои средношколците треба да одговорат во работните листови како дел од наставната програма за „Образование за животни вештини“. Во ваквиот прашаник кој е одобрен од Бирото за оразование и развој во 2011 година, дури се тврди дека најголемиот број лица што злоставуваат деца се хетеросексуалци, врските и браковите помеѓу маж и жена се окарактеризирани како нестабилни и често подложни на прељуби и разводи... а за хетереосекусалците се тврди и дека се промискуитетни?

Од Бирото за образование тврдат дека се работи за прирачник за наставници, како дел од наставата програма која не е задолжителна и дека истиот бил изработен пред една деценија. Оттаму апелираат до граѓаните и родителите да ги земат со голема доза на претпазливост и да ги проверуваат сите информации што се споделуваат во врска со образованието на младите.

„Наставната програма не е задолжителна, односно наставниците во средните училишта имаат слобода да изберат кои содржини (и соодветно на тоа кои работни листови) ќе ги реализираат и во кој период од учебната година со цел да одговорат на потребите на адолесцентите. Наставната програма за Образование за животни вештини не се однесува на наставен предмет, туку може да се реализира на часот на класната заедница со учениците од прва до четврта година во сите видови средно образование.“

Според псиохологот Мирјана Јовановска Стојановска и покрај тоа што станува збор за незадолжителен прирачник, смета дека со ваквите содржини се врши груба и срамна дискриминација, пред се на лицата со ментални болести. Предупредува дека штетно ќе влијаат на учениците предизвикувајќи кај нив раздор, агресивно или депресивно однесување. Сепак смета дека во конкретниот случај најверојатно станува збор за изразување на лично мислење на авторот на прашалникот.. но дека тоа никако не смеело да се најде во нставната програма.

Од Бирото за образование и развој веќе најавија дека конкретните работнитите листови, како, но и целокупната наставната програма за образование за животни вештини ќе бидат предмет на ревизија во наредниот период, за кога се планира и реформа на средното образование согласно новото законско решение.

Кучиња до смрт изгризале мајка со 3 деца, братчето е повредено додека ја спасувал сестра си

Мајка од Џорџија загинала од глутница кучиња кои ги нападнале неа и нејзините три деца во близина на училиште, неколку дена пред Денот на мајката.

Кучињата го нападнале семејството во четвртокот додека мајката чекала со своите деца на автобуска постојка зад училиште во Китман, соопштија властите.

Кортни Вилијамс (35) била пронајдена мртва во блискиот двор.

„Кога полицајците пристигнаа, наидоа на неколку агресивни кучиња“, изјавија официјални лица.

Нејзините деца биле пренесени во болница со повреди, а нејзиниот син се здобил со неколку исеченици од борбата со кучињата во обид да го спаси животот на својата помала сестра, велат од семејството.

„Кајден ја турна сестра си и ја спаси, но кучињата тргнаа по него“, рекла нивната тетка Кристал Кокс.

Таа сподели неколку вознемирувачки слики од болницата на кои се гледа како момчето страда од неколку длабоки рани на рацете, нозете и главата.

Другиот син истрчал во училиштето додека кучињата го напаѓале неговото семејство и налетал на маж, кој успеал да го спаси од животните и да ги однесе во болница.

Сите три деца сега се опоравуваат дома, пренесува The New York Post.

Се уште не е познато каков тип на кучиња го нападнале семејството, но соседите велат дека долго време се жалат и бараат контрола на животните во областа.

Наредена е обдукција за официјално да се утврди причината за смртта на жената.

Две жени се убиени во парк во САД, покрај нив имало дете во крв, а бебето исчезнало

Две жени се убиени во парк во Ново Мексико, детето на едната е пронајдено облеано во крв, додека 10-месечно бебе исчезнало.

Жените, двете од Тексико, Ново Мексико, биле пронајдени мртви во парк северно од Кловис во петокот попладне.

Полицијата одговорила на повикот и ги известила итните служби за загинатите жени во паркот.

Полицајците ги пронашле Саманта Сиснерос (23) и Тарин Ален (23) мртви на земја во близина на сиво комбе.

Полицаецот Тревор Трон изјавил дека полицијата не знае што довело до нивната смрт.

„Знаеме дека требаше да бидат во Волмарт, од она што го кажаа членовите на семејството и да продадат кученца. Имаа пет кученца во нивното возило. Сите мислеа дека се во Волмарт со кученцата. Не сме сигурни дали биле во Волмарт, а потоа отишле во парк, не знаеме“, рече тој.

Во близина е пронајдено повредено дете, ќерка на една од жртвите. Таа била пронајдена со повреда на главата и била пренесена во болница, пренесува Мирор.

Полицајците нашле докази дека со нив било уште едно дете.

Во возилото пронашле седиште за бебе, количка и мало шише. Поради ова, се стравува дека со нив имало и бебе кое можеби е киднапирано, поради што е започната потрага.

Саманта била мајка на девојчето кое е пронајдено со повреда на главата и уште едно дете, 10-месечната Марија Торес. Полицијата смета дека луѓето кои ги убиле жените најверојатно го киднапирале бебето.

Полицијата бара да се јават сите со какви било информации за злосторството или за исчезнатото бебе.

Ердоган кон Нетанјаху: И Хитлер би бил љубоморен на неговите геноцидни методи

Турскиот претседател Реџеп Таип Ердоган изјави денеска дека израелскиот премиер Бенјамин Нетанјаху достигнал ниво со геноцидни методи со кои што дури и Хитлер би го направил љубоморен.

„Дали е можно да се набљудува она што Израел го прави со луѓето во Газа со месеци и да се види дека е легитимно Израел да бомбардира болници, да убива деца, да ги угнетува цивилите и да ги осудува невините луѓе на глад, жед и недостаток на лекови под различни изговори. Што правеше Хитлер во минатото тој ги угнетуваше и убиваше луѓето во концентрационите логори“, рече Ердоган во интервју за грчкиот весник „Катимерини“.

Се прашуваше дали Газа не била претворена во затвор на отворено, не само по 7 октомври, туку и со години пред тоа?

„Зарем луѓето таму со години не беа осудени на ограничени ресурси, речиси како во концентрационен логор? Кој е одговорен за најбруталните и систематски масовни убиства во Газа по 7 октомври?

Според Ердоган, Нетанјаху достигнал ниво што би го направило Хитлер љубоморен на неговите геноцидни методи, пренесе Анадолија.

„Зборуваме за тоа Израел да ги таргетира амбулантите, да ги погоди местата за дистрибуција на храна и да отвори оган врз конвоите со хуманитарна помош“, рече Ердоган.

Претседателот на Турција рече дека се прекршени правата и слободите на жителите на Газа, особено нивното право на живот.

„Ние ги браниме нивните права. Ние го браниме мирот. Израел, од друга страна, продолжува несовесно да ги крши резолуциите на ОН, меѓународното право и човековите права“, нагласи турскиот претседател.

Ердоган рече дека палестинскиот отпор нема да биде неопходен доколку постои „суверена, независна, географски интегрирана држава Палестина, во границите од 1967 година, со главен град источен Ерусалим“.

„Хамас, исто така, најави дека ако тоа се случи, ќе го распушти своето вооружено крило и ќе продолжи да дејствува како политичка партија. Решението за две држави е ефикасен начин да се обезбеди траен и одржлив мир“, рече Ердоган, додавајќи дека палестинската група се согласила на договор за прекин на огнот, но Израел „не сака“ примирје бидејќи сака да ја „окупира цела Газа“.

притисни ентер