Други спортови

Спортски настани кои ја одбележаа 2024 година

Олимписката 2024 година покрај Игрите во Париз на спортски план ја одбележаа и други големи натпревари, значајни достигнувања и трансфери кои предизвикаа голем интерес кај светската спортска јавност.

Хамилтон се пресели од Мерцедес во Ферари

Британскиот возач Луис Хамилтон го напушти Мерцедес и од следната сезона ќе биде член на Ферари. Заврши долгогодишната и плодна соработка меѓу Луис Хамилтон и Мерцедес, соопштија од германскиот тим, а Британецот од следната сезона ќе биде зад воланот на тимот од Маранело.

-Мерцедес е дел од мојот живот уште од мојата 13-та година. Тоа е местото каде што пораснав, така што одлуката да заминам беше една од најтешките што некогаш сум морал да ја донесам, но вистинското време е да го направам тој чекор и возбуден сум што ќе го преземам новиот предизвик. Засекогаш ќе бидам благодарен за неверојатната поддршка на моето семејство Мерцедес, особено на Тото Волф за неговото пријателство, изјави по тој повод Хамилтон.

Канзас Сити победници на СуперБоул 58

Канзас Сити Чифс го освоија 58-то издание на Суперболот, победувајќи ги Сан Франциско Фортинајнерс по продолжение со резултат 25:22.

На овој начин „шефовите“ ја освоија втората последователна титула, а во претходните пет години три пати го подигнаа трофејот „Ломбарди“.

Патрик Махомес по трет пат во кариерата е прогласен за Најкорисен играч на СуперБоул, а со тоа уште еднаш докажа дека е легитимен наследник на легендарниот Том Брејди.

Усик апсолутен светски шампион во бокс

Боксерот Олександр Усик од Украина е апсолутен светски шампион во тешка категорија. Усик го победи Тајсон Фјури од Обединетото Кралство и стана сопственик на појасите во верзиите ВБЦ, ВБО, ВБА и ИБФ.

По 24 години, боксот доби апсолутен шампион во тешка категорија. Усик го победи Фјури со поделена одлука по 12 рунди.

На 21 декември се одржа и реваншот во претсолнината на Саудиска Арабија - Ријад, а Украинецот повторно победи по судиска одлука и ги одбрани титулите.

Усик се уште е непоразен боксер со скор од 23-0 во професионалната кариера. Покрај едно реми и 34 триумфи, Фјури забележа и два порази.

Клоп го напушти Ливерпул по девет години

Германскиот стручњак Јурген Клоп се прости од Ливерпул по девет години на чело на клубот од „Енфилд“.

Клоп уште во јануари неочекувано донесе одлука да го напушти клубот на крајот од сезоната, која ќе заврши со освоен Лига куп.

Поранешниот тренер на Борусија Дортмунд дојде во Ливерпул во 2015 година и освои осум трофеи.

На местото на Клоп како тренер дојде холандскиот стручњак Арне Слот.

Панатинаикос се врати на врвот на Европа

Кошаркарите на Панатинаикос во финалето на „фајналфорот“ на Евролигата го совладаа тимот на Реал со 95:80 и по седми пат во историјата ја освоија титулата европски првак.

Панатинаикос ја освои седмата титула шампион во Евролигата, а прва од 2011 година. Капитенот на тимот, Костас Слукас го крена трофејот со трет различен тим.

Турскиот тренер Ергин Атаман ја освои својата трета титула во првата сезона во Атина, по двете претходно на чело на Ефес.

Бостон по 18. пат шампион во НБА лигата

Кошаркарите на Бостон Селтикс станаа шампиони во НБА лигата со победата над Далас Маверикс од 106:88 во петтиот натпревар од финалната серија.Бостон сега е апсолутен лидер по бројот на освоени титули со 18 трофеи, додека Лос Анџелес Лејкерс е втор со 17 шампионски титули.

Бостон го освои трофејот за прв пат од 2008 година, а откако ги задржа главните играчи на тимот - Џејлен Браун и Џејсон Тејтум - заедно, тие се фаворити и оваа сезона.

Јарослава Махучич собори светски рекорд од 1987 година

Украинската атлетичарка Јарослава Махучич го собори светскиот рекорд во скок во височина на митингот на Дијамантската лига во Париз. Украинката прескокна 2,10 метри.

Махучич со тоа го надмина рекордот на Бугарката Стефка Костадинова од 1987 година, поставен на Светското првенство во Рим.

Со овој скок таа го освои првото место на средбата од Дијамантската лига во Париз.

Шпанија доминантно го освои Европското првенство

Фудбалерите на Шпанија станаа нови шампиони на Европа, откако во финалето на Европското првенство на Олимпискиот стадион во Берлин ја победија Англија со 2:1.

Шпанија по четврти пат стана шампион на Европа.

Избраниците на тренерот Луис де ла Фуенте ја задржаа победничката серија, односно рекордот на ЕП 2024 со импресивна игра, без пораз во текот на турнирот.

Ледецки стана жената со најмногу златни олимписки медали

Американската пливачка Кејти Ледецки четврти пат по ред победи во трката на 800 метри слободно на Олимпијадата, го освои своето деветто олимписко злато и се изедначи со советската гимнастичарка Лариса Латинина, која до моментот беше жена со најмногу олимписки златни медали.

Американката стана само шестата олимпијка кој четири пати по ред триумфирала во една дисциплина.

Одличната пливачка веќе стана најуспешната Американка во историјата на Олимписките игри.

Хелиф, жена со машки хромозоми, освои злато во Париз

Алжирската боксерка, Иман Хелиф во финалето во категоријата до 66 килограми ја победи Кинеската Лиа Јанг и го освои златниот медал.

Хелиф победи со едногласна одлука по многу интензивни три рунди.

Хелиф е една од двете боксерки кои се натпреваруваа на Игрите во Париз и покрај тоа што Меѓународната боксерска федерација (ИБА) ја дисквалификуваше од минатогодишното Светско првенство поради наводно пад на тестот за подобност за полот и присуство на хромозомот HY, кој го имаат мажите.

Двете боксерки се најдоа во центарот на јавноста особено откако Италијанката Анџела Карини ја предаде борбата против Хелиф во осминафиналето на олимпискиот турнир поради силината на ударот што го доби од противничката од Алжир.

Последното парче од сложувалката на Ѓоковиќ

На своите петти Олимписки игри, српскиот тенисер Новак Ѓоковиќ успеа да го освои вториот медал и првото злато, по бронзата во Пекинг во 2008 година.

Србинот го забележа својот најдобар настап во годината и го победи шампионот на Ролан Гарос и Вимблдон, Карлос Алкараз (Шпанија) со 7-6 (7-3) 7-6 (7-2) пред преполната публика во Париз.

Со победата во Париз, Ѓоковиќ конечно го доби единственото признание што му недостига во успешната кариера.

Надал се пензионираше

Еден од најдобрите играчи на сите времиња, двократен олимписки шампион и освојувач на 92 АТП титули, меѓу кои и 22 Гренс слем трофеи, Рафаел Надал се повлече од тенисот.

Полуфинале на Дејвис купот беше неговиот последен настап во кариерата. Тој се прости од професионалниот тенис и шпанските фанови со пораз од Ботик ван де Зандшулп.

Италијанците владеат со тенисот

Машката тениска репрезентација на Италија по трет пат во историјата го освои Дејвис купот, додека женската селекција во Купот Били Џин Кинг по петти пат покажа дека припаѓа на самиот врв на светскиот тенис.

Покрај репрезентативните триумфи, годината ја одбележаа и индивидуалните успеси, а се издвојува едно име - Јаник Синер. Младиот човек од Јужен Тирол не само што освои најмногу титули во сезоната, туку стана и лидер на АТП листата, а на осумте трофеи ја додаде и популарната „салатиера“.

Со само 23 години, Синер веќе влезе во историјата како најуспешен италијански тенисер на сите времиња со (досега) 18 трофеи.

Четврта титула во низа на Верстапен

Холанѓанецот Макс Верстапен од Ред Бул победи на трката за Големата награда на Катар на патеката Лусаил во Доха и ја потврди новата шампионска титула во Формула 1.

За него тоа е четврта титула во низа. Верстапен ја обезбеди титулата седум дена пред тоа, во Лас Вегас, а во Катар го забележа деветиот триумф за сезоната, 63-ти во кариерата.

Мекларен за прв пат од 1998 година шампион во конкуренција на конструктори

Сезоната во Формула 1 заврши со трката за Големата награда на Абу Даби на патеката „Јас Марина“, а возачот на Мекларен, Ландо Норис, заврши прв со време 1:26:33, со што му ја донесе титулата на својот тим во конкуренција на конструктори.

Ривалите Карлос Саинц и Шарл Леклер од Ферари не успеаја да го прескокнат првопласираниот Ландо Норис од Мекларен, па титулата во конкуренција на конструктори заврши во рацете на тимот кој ја бара од 1998 година.

Домараџу го надмина Каспаров и стана најмладиот светски шампион во шах

Осумнаесетгодишниот Индиец Гукеш Домараџу стана најмладиот светски шампион во шах, откако го победи бранителот на титулата, Динг Лирен од Кина.

Индиецот славеше по 14 партии против Лирен на Светското првенство во шах што се одржа во Сингапур.

Наградниот фонд на првенството изнесуваше 2,5 милиони долари, а секоја победа беше вредна 200.000 долари.

Домараџу го надмина рускиот шахист Гари Каспаров кој беше најмладиот светски шампион од 1985 година, откако ја освои титулата на 22 години. Индиецот стана велемајстор кога имал 12 години и седум месеци, а рекол дека сака да стане светски шампион уште од седумгодишна возраст кога го гледал мечот за светската титула во 2013 година помеѓу Вишванатан Ананд и Магнус Карлсен.

Реал Мадрид 15. пат европски шампион

Фудбалерите на Реал Мадрид продолжија да го зголемуваат сопствениот рекорд по бројот на европски шампионски титули.

Реал Мадрид во финалето на Лигата на шампионите ја победи Борусија Дортмунд со 2:0 и го освои 15. трофеј во тоа натпреварување.

Во финалето на Лига Европа, Аталанта му го нанесе првиот пораз на Баер Леверкузен во сезоната 2023/2024 (3:0), додека Олимпијакос ја освои титулата во конференциската лига со победата од 1:0 против Фиорентина.

Родри ја освои „Златната топка“, Реал ја бојкотираше церемонијата како поддршка на Винисиус

Годината заврши со контроверзии околу изборот за „Златна топка“, на кој победи Родри од Манчестер сити.

Освојувачот на Лигата на шампионите, Реал Мадрид се налути што наградата не отиде во рацете на нивниот фудбалер Винисиус Жуниор, кој постигна 24 гола на 39 натпревари за својот клуб во сите натпреварувања, па ја бојкотираа церемонијата во Париз.На крајот на годината на бразилскиот напаѓач му беше врачена наградата на Меѓународната фудбалска федерација (ФИФА) за најдобар играч.

Сезона за паметење на Тадеј Погачар

Словенечкиот велосипедист Тадеј Погачар (26) ја одбележа сезоната со победи на познатите тринеделни трки Тур д'Франс и Џиро д'Италија, заедно со златото на Светскиот шампионат на друмски трки во Цирих и стана првиот велосипедист што ја освоил „тројната круна“ по 37 години.

Во сезоната забележа 25 победи во 57 тркачки денови, при што 32 пати беше на подиумот.

Тој стана третиот велосипедист во историјата кој победил на две тринеделни и две еднодневни трки (Лиеж-Бастоњ-Лиеж и Џиро д'Ломбардија) во истата сезона, а тој успех го остварија уште само Италијанецот Фаусто Копи во 1949 година и легендарниот Белгиец Еди Меркс во 1972 и 1973 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МЗ: Обезбеден итен авионски транспорт и континуирана медицинска грижа за млад пациент

Министерството за здравство информира дека е обезбеден итен медицински транспорт за млад пациент од Македонија, кој се здобил со тешки повреди на вратните пршлени за време на престој во Кушадаси, Република Турција.

По итна постапка и во координација со Владата, Фондот за здравствено осигурување и Службата за општи и заеднички работи (СОЗР), обезбеден е владин авион со кој пациентот утре ќе биде транспортиран во земјава.

За време на транспортот, пациентот ќе биде придружуван од специјализиран медицински тим од Универзитетската клиника за трауматологија, ортопедски болести, анестезија, реанимација, интензивно лекување и ургентен центар (ТОАРИЛУЦ), при што се обезбедени сите неопходни услови за безбеден медицински транспорт.

По пристигнувањето во Скопје, пациентот ќе биде преземен од тимот за спинална хирургија на Клиниката, каде што веднаш ќе биде хоспитализиран и ќе му биде обезбедено натамошно специјалистичко лекување, медицинска нега и соодветна рехабилитација.

Грижата за здравјето и безбедноста на секој пациент останува наш највисок приоритет. Надлежните институции продолжуваат посветено и координирано да обезбедуваат навремена и соодветна здравствена помош секогаш кога тоа е потребно

МЗ

Македонија

Ристовски: Струшкиот ракометен турнир е историја на македонскиот спорт, наша обврска е да ја чуваме традицијата!

Министерството за спорт е главен покровител на 54. издание на традиционалниот Меѓународен ракометен турнир „Струга 2026“ што ќе се оддржи од12 до 15 август, на отвореното игралиште „Горан Попоски – Бабец“.

Струшкиот турнир кој е една од од најпрепознатливите спортски традиции во Македонија, се одржува во организација на РК Струга, со поддршка од Ракометната федерација на Македонија.

На денешната прес-конференција во најава на турнирот, министерот за спорт Борко Ристовски изрази поддршка и истакна дека Владата на Република Македонија и Министерството за спорт секогаш ќе стојат зад вакви турнири, федерации, клубови и поединци кои што продуцираат нешто што значи историја и традиција.

-Во Струга повеќе од 50 години се организира овој турнир и ние секогаш со задоволство ќе бидеме покровители, поддржувачи и ќе помагаме во било која форма да биде побарано од нас, затоа што Струшкиот турнир навистина претставува историја за македонскиот спорт, историја за ракометот, но и историја на Струга и историја на Македонија. Новото раководство на турнирот и на РК Струга го сочинуваат сериозни луѓе кои навистина вложија многу за да се направи добар турнир, иако времето беше кратко. Верувам дека од следната година турнирот ќе расте, а ќе настојуваме конечно да се реконструира и игралиштето во Струга и овој турнир да прерасне во нешто налик на турнирот во Добој, турнир од полузатворен тип – истакна Ристовски.

Министерот за спорт потсети на важноста на Струга како расадник на ракометни таленти и најави поддршка во продолжувањето на оваа традиција.

-Струга отсекогаш била расадник на таленти во ракометот, Струга и денес промовира спортски вредности и во овие неколку турнирски денови градот живее во духот на спортот. Ние како Влада и Министерство за спорт ги поддржуваме овие проекти кои промовираат нешто што е наша заедничка цел – промоција на позитивни вредности и што е можно повеќе деца на спортските терени. Се надевам дека заедно ќе успееме Струга повторно да биде успешна ракометна приказна и расадник на ракометни таленти – порача Ристовски.

Спортскиот директор на РК Струга и претседателот на организацискиот одбор на Струшкиот турнир, Милчо Чакарески, го најави новото издание на турнирот и упати благодарност за поддршката од Владата и од Министерството за спорт.

-Оваа година не зборуваме само за уште еден спортски настан. Зборуваме за почеток на една нова ракометна ера во градот. Сакам искрено да им се заблагодарам на Владата на Република Македонија, Министерството за спорт и министерот Борко Ристовски, кој го прифати покровителството на овој турнир, на Ракометната федерација на Македонија, како и на сите ракометни клубови кои безрезервно ја прифатија поканата за учество. Благодарност и до спонзорите, волонтерите и сите поединци кои несебично се вклучуваат во организацијата и придонесуваат овој настан да продолжи да живее. Струшкиот ракометен турнир е многу повеќе од неколку натпреварувачки денови. Тоа е заедничка приказна која ја градиме веќе 54 години – истакна Чакарески.

Годинава на Струшкиот турнир ќе настапат шест екипи, поделени во две групи. Во групата А се Вардар, Бутел Скопје и Прилеп, додека во групата Б ќе играат домаќинот Струга, Охрид и српскиот претставник Дубочица од Лесковац.

Во досегашните 53.изданија на турнирот најуспешни учесници се РК Вардар и РК Еурофарм Пелистер, кои имаат освоено по 14 трофеи. Актуелен бранител на титулата е РК Охрид, кој минатата година во финалето го совлада РК Бутел Скопје и за првпат го освои турнирот.

Министерство за спорт

Тагови: Борко Ристовски

Свет

Врховниот верски лидер на Иран Моџтаба Хамнеи е наоѓа во исклучително тешка здравствена состојба

Според порталот Iranwire, повикувајќи се на два извори блиски до администрацијата на иранскиот претседател Масуд Пезешкијан, врховниот верски лидер на Иран, ајатолахот Моџтаба Хамнеи, се наоѓа во исклучително тешка здравствена состојба.

Според порталот Iranwire, повикувајќи се на два извори блиски до администрацијата на иранскиот претседател Масуд Пезешкијан, врховниот верски лидер на Иран, ајатолахот Моџтаба Хамнеи, се наоѓа во исклучително тешка здравствена состојба и неговиот живот е доведен во прашање.

Изворите тврдат дека Хамнеи не се сретнал со ниту еден член на владата по нападот на сад врз комплексот на врховниот лидер и убиството на неговиот татко и други членови на семејството на 28 февруари.во највисоките кругови на иранскиот режим, се шират гласини дека состојбата на Хамнеи е сериозна и дека може да дојде до најлошо сценарио во секој момент.дополнителен повод за шпекулации е фактот што откако го презеде лидерството, Моџтаба Хамнеи не се појавил во јавноста ниту одржал официјално обраќање.

Досега биле објавени само неколку пораки што официјалните медиуми му ги припишуваат немузасега нема официјална потврда од иранските власти за овие наводи.