Според европските ревизори, финансирањето на НВО од страна на ЕУ е недоволно транспарентно - Канал 5

Свет

Според европските ревизори, финансирањето на НВО од страна на ЕУ е недоволно транспарентно

При финансирањето на невладините организации Европската комисија не водела сметка за тоа дека биле поддржани и одредени активности, како што е лобирањето. 

Според европските ревизори, финансирањето на НВО од страна на ЕУ е недоволно транспарентно

Европските невладини организации во периодот од 2021 до 2023 година од ЕУ добиле финансиска поддршка од околу седум милијарди евра, но тоа финансирање било направено со недоволна транспарентност и отчетност, се наведува во извештај на Судот на ревизори на ЕУ.

- Откривме дека финансирањето на невладините организации од страна на ЕУ е премногу нетранспарентно и има недостиг на транспарентност, изјави раководителката на тимот ревизори што го изработи извештајот, Лаима Андрикиена.

Според неа, при финансирањето на невладините организации Европската комисија не водела сметка за тоа дека биле поддржани и одредени активности, како што е лобирањето.

- Не постојат ниту активни проверки дали финансираните невладини организации ги почитуваат вредностите на ЕУ, истакна Андрикиена, додавајќи дека ваквите постапки го изложуваат на ризик угледот на ЕУ.

Во извештајот ревизорите посочуваат и дека наишле на докази за злоупотреба на средствата добиени од ЕУ, но дека таа појава не претставува структурен проблем.

Андрикиена посочи дека наишле на два случаи кога со оперативни грантови финансирани од програмата ЛИФЕ, биле поддржани активности за влијание врз креаторите на политиките. Таа додаде дека бил откриен и случај кога „еден голем истражувачки институт“ бил класифициран како невладина организација, иако во него биле вклучени само владини претставници, додека друг субјект, која исто така бил претставен како НВО, имал и комерцијални интереси од своите активности.

Според Андрикиена, клучен проблем е што „нема сигурен преглед на парите од ЕУ платени на невладините организации“.

Во извештајот се посочени и случаи кога средства од Кохезивниот фонд на ЕУ биле префрлани на локални невладини организации за одржување на фестивали и други културни настани.

Извештајот доаѓа во време кога во Брисел се води дебата околу финансирањето на невладините организации од страна на ЕУ. Во тие рамки беа изнесени обвинувања дека „европските бирократи“ ги злоупотребувале невладините организации, преку тајни договори за доделување средства на еколошки групи преку програмата ЛИФЕ.

На оваа невладините организации одговорија дека станува збор за занемарливи средства и дека податокот оти од програмата ЛИФЕ за финансирање на еколошките групи годишно се издвојуваат околу 15 милиони претставува „грешка во заокружувањето на буџетот“.

Во реакција на ваквите тврдења, Европската комисија најави дека ќе утврди „јасна дефиниција“ за тоа што е невладина организација и дека ќе подготвува годишни извештаи за тоа колку пари ЕУ троши на граѓанскиот сектор.

ЕК најави и дека ќе спроведе „активна проверка“ за утврдување дали финансираните групи дејствуваат во согласност со вредностите на ЕУ, со што би се напуштила сегашната практика според која невладините организации само треба да дадат изјава дека ги почитуваат европските вредности.

Во мај минатата година Еврокомисијата ги промени правилата за финансирање невладините организации, што од нивна страна, но и од некои левичарски групи, беше оценето како обид на политичарите од десниот центар „да ги замолчат непожелните гласови преку авторитарни тактики“.

Европратеникот на редовите на Зелените, Даниел Фројнд оцени дека загриженоста за нетранспарентност при распределбата на средствата од ЕУ е оправдана, но дека тоа не е проблем само со невладините организации.

Според него, наместо целиот случај да се „прекрши преку грбот на невладините организации“, треба да се преземат мерки за ставање крај сите сомнежи за злоупотреби на финансирањето од страна на ЕУ. /МИА

Тагови: ЕУ ревизори НВО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Тепачки, пожари и стотици апсења – Франција во хаос по поразот од Шпанија

Навивачите на Франција тешко го прифатија поразот на нивните фудбалери од  рШпанина со 2:0 во полуфиналето на Светското првенство.

Видео: Тепачки, пожари и стотици апсења – Франција во хаос по поразот од Шпанија

Поради тоа, по натпреварот кој се играше на преполниот стадион во Далас, низ Франција започнаа немири.

Во Париз и Лион – каде што масовно се следеше преносот на плоштадите – избија големи немири, при што беа уапсени голем број луѓе. Според француските медиуми, приведени се дури 141 лице поради инциденти и судири со полицијата.

По натпреварот, Париз и Лион наликуваа на вистинска воена зона; ништо не беше фрлено кон полицијата, која едвај успеа да ја смири разбеснетата толпа што имаше само една цел – да предизвика хаос на улиците на Париз.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: АКТ денеска објавува нова бомба, #16

Антикорупцискиот тим на СДСМ денеска објавува нова бомба, нов скандал. Бомба #16.

СДСМ: АКТ денеска објавува нова бомба, #16

Проследете ја денешната прес-конференција на СДСМ, во 12:00 часот, во седиштето на партијата, на која ќе се обрати Јон Фрчкоски, член на Извршниот одбор на СДСМ.

АКТ продолжува со работа.

Скопје, 15.07.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Први рендгенски снимки направени во вселената

Астронаути ги направиле првите рендгенски снимки во вселената. 

Први рендгенски снимки направени во вселената

Членови на екипаж за комерцијален вселенски лет ги направија првите дијагностички рендгенски снимки во вселената, користејќи преносен уред кој би можел да овозможи подобра здравствена заштита на долгите мисии.

Бидејќи вселенските мисии стануваат сè почести и подолги, истражувачите бараат начини да им обезбедат медицинска нега на астронаутите.

Неодамнешна студија, во која се тестираше нов уред за рендгенски снимки на вселенско летало, покажа дека преносните медицински технологии би можеле да играат клучна улога, пишува Euronews.

Членовите на екипажот кои не се медицински лица ги направија првите дијагностички рендгенски снимки за време на лет во орбитата користејќи преносен безжичен дигитален генератор на рендгенски снимки.

Резултатите, објавени во списанието Radiology, покажаа дека квалитетот на сликите е исто толку добар како и оние направени на Земјата. Истражувачите забележаа дека сите слики направени за време на летот се еквивалентни на оние направени пред полетувањето во однос на целокупниот квалитет и резолуција на сликата.

Сепак, една од главните пречки останува правилното позиционирање на пациентот во микрогравитација - состојба во која предметите и луѓето изгледаат бестежински.

Сликите од централното тело - како што се градите, карлицата и стомакот - покажаа полошо позиционирање за време на летот во споредба со сликите од раката или подлактицата. Студијата, исто така, откри дека проценетата изложеност на зрачење на учесниците не била поголема од онаа поврзана со стандардното клиничко снимање на Земјата.

„Во областа на вселенската медицина, долго време сонувавме да имаме повеќе од еден метод на снимање за дијагностицирање на болести и повреди во вселената“, рече Шејна Гифорд, водечки истражувач во клиниката Мајо во Минесота.

Новиот систем „SpaceXray“ им овозможи на членовите на екипажот без медицинска обука да снимаат рендгенски снимки по само четири часа обука пред летот. Уредот беше тестиран за време на комерцијален лет на SpaceX, кој започна на 31 март 2025 година и траеше три дена и 14 часа. При слетувањето и враќањето, генераторот на рендгенски зраци претрпе површински структурни оштетувања, но неговите внатрешни компоненти и способноста за емитување рендгенски зраци останаа неоштетени.

Тагови: вселената

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер