Спиридонов: Екстремни поплави во Југоисточна Европа - Канал 5

Спиридонов: Екстремни поплави во Југоисточна Европа

Поројните дождови во Југоисточна Европа на 14 и 15 мај, во Србија и Босна и Херцеговина предизвикаа катастрофални поплави од невидени размери. Но за жал, оваа елементарна непогода предизвика несакани последици, однесе и човечки животи, причини големи материјални штети по инфраструктурата, додека илјадници луѓе се евакуирани од поплавените места, вели проф. Владо Спиридонов.

Спиридонов: Екстремни поплави во Југоисточна Европа
Поплавите, како што посочува, во најголема мера се предизвикани од формирањето на висински вонтропски супер Циклон „Ивет“ (име добиено според Американската листа), кој е прикажан на сателитската снимка од МОДИС (НАСА).

- Овој бавно движечки-силно изразен вртложен облачен систем со низок воздушен притисок во центарот речиси два дена се манифестираше во Југоисточна Европа, носејќи големи количества на влага од Средоземното Море и предизвикувајќи поројни дождови и поплави од пошироки размери со трансгранични ефекти, како што не се забележани до сега. Најинтензивните врнежи, во просек 100-200 мм со локални количини до 300 мм се регистрирани во Босна и Херцеговина, источно во Србија и на југот во Романија, вели Спиридонов.

Дефинитивно, како што додава тој, не само тропските циклони, (Урагани, Тајфуни, тропски бури) кои се формираат во тропските региони на земјината топка (Мексикански залив, Филипни, Југосточна Азија, Индонезија, Малезија, Тајланд, Индија и други области), но и вонтропските циклони кои се формираат во умерените-географски ширини можат да бидат изразито интензивни и да имаат деструктивен карактер и катастрофални влијанија по луѓето и материјалните добра.

Секако би требало да напоменеме, посочува Спиридонов, дека појдовни услови за настанување на овие поплави од катастрофални размери, помеѓу другото треба да се бараат во процесите кои предходеа, т.е. појавата на влажните процеси во атмосферата во текот на април и мај, 2014 во поголем дел од Југоисточна Европа, проследени со чести врнежи и постепеното зголемување на површинските и подземните води и водостојот на реките и сливните подрачја, како и топењето на снегот во одделни планински области кои дополнително придонесоа за зголемување на водите ресурси во регионот во целост.

Според него, она што има уште подлабока основа, и е индиректно поврзано со овие катастрофални временски состојби е прашањето околу климатските промени и се позачестената појава на атмосферски екстремности.

- Каков е нашиот однос кон природната животна средина - таква е нејзината повратна реакција. Значи, навистина се случува она што научната заедница веќе со години предупредува. Атмосферските и хидролошките екстреми престануваат да бидат исклучок. Се позачестената појава екстремни појави (интензивни циклони, бури, поплави, суши, пожари, екстремни температури, оркански ветрови). Секако, ова е вистински момент кога мора да се укаже на потребата од итна адаптација, вклучувајки ја поддршката на хидрометеоролошките служби, истакнува Спиридонов. /Извор МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Денес е Св. Архангел Михаил

Православните христијани на 21-ви ноември го празнуваат празникот Свети Архангел Михаил, една од најчестите слави кај нас. 

Денес е Св. Архангел Михаил

Денес задолжително помолете се за здравје на најблиските и простете им на тие што ви згрешиле, за да ви се исполни најголемата желба. Именден слават сите што носат име Ангел, Ангеле, Ангелина, Михаил, Мила, Милка, Михаила, Михо, Рајко, Рајна, Ратка...

Пред да го создаде материјалниот свет (земјата, небото, ѕвездите, човекот итн.) Господ ги создал ангелите. На почетокот сите ангели биле добри, но потоа некои од нив се одметнале и почнале да прават злодела, па тие се познати и како ѓаволи.

Архангел Михаил уште е познат и како војвода на ангелите, затоа што кога Луцифер се отпаднал од Бога и со себе повлекол во пропаст еден од ангелите, тој застанал на чело на неотпаднатите ангели и прв се впуштил во борба против злото.

Затоа на фреските и иконите Архангел Михаил најчесто е претставен како борец - војвода, со меч, а според некои верувања се смета дека тој доаѓа и ги зема човечките души на кои им чукнал часот.

Друго верување е дека ако овој Архангел се појави над главата на некој што е болен, тогаш тој ќе оздрави. Постојат голем број приказни за чудотворните исцелувања на ангелот – на еден маж му се јавил на сон и му рекол дека неговата ќерка ќе оздрави ако се измие на еден извор.

За друго негово чудо се смета и спасувањето на момчето Василиј Карастирис, кое паднало и сериозно ја повредило главата. На Василиј морало да му биде направена итна операција, а лекарите предвидувале дека момчето ќе остане слепо и со парализа на ногата и раката.

Момчето раскажувало како додека го подготвувале за операција, пред себе видел светлина, а во неа храм со високи ѕидови и пред него бил Архангелот кој му рекол:

„Дојди тука, Василиј! Не плаши се, ќе оздравиш. Јас ќе ја водам раката на лекарот и операцијата ќе биде успешна“.

Момчето навистина оздравело, а најинтересно е што операцијата била направена на 21-ви ноември, денот кога се слави Архангел Михаил.

Од овие причини, Свети Архангел Михаил е една од најчестите слави како кај нашиот, така и кај другите православни народи. На денешен ден верниците одат во црква и се молат за свое, но и за здравје на своите најблиски.

На Аранѓеловден слават сите што носат име поврзано со архангелите Михаил, Михајло, Мијалче, Михаела, Михајела, потоа Ангел, Ангелина, Ангела, Ангелче, Аранѓел, Аранѓелка.

Во некои семејства именден слават и Гаврил и Габриела, бидејќи празникот е посветен на сите архангели.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Американците ѝ нудат на Украина членство во НАТО во замена за Донбас?

Американските преговарачи ја разгледуваат можноста Украина да добие полноправно членство во НАТО во замена за повлекување на своите сили од деловите на Донбас што сè уште ги контролира. 

Американците ѝ нудат на Украина членство во НАТО во замена за Донбас?

Ова е едно од двете сценарија за ставање крај на војната, кои американските претставници ги изнесоа за време на разговорите со украинските и европските функционери, пренесува „Волстрит џурнал“ (WSJ), повикувајќи се на лица запознаени со преговорите.

Второто сценарио предвидува замрзнување на конфликтот долж сегашната линија на фронтот, при што Украина би ја задржала територијата што моментално ја контролира, а за возврат би добила безбедносни гаранции од САД – а потенцијално и од европските сојузници.

Ваквите предлози би претставувале значителна промена во политиката на САД кон Украина. Доналд Трамп претходно ја отфрли можноста Украина да се приклучи кон НАТО, тврдејќи дека таков потег би бил неприфатлив за Русија и би можел да доведе до директен конфликт меѓу Западот и Москва.

Според „Волстрит џурнал“ (WSJ), зетот и специјален пратеник на Трамп, Џаред Кушнер, во текот на изминатите месеци во неколку наврати разговарал за можноста Украина да стане членка на НАТО во замена за територијални отстапки кон Русија. Оваа идеја била покрената за време на средбите меѓу Кушнер, уште еден американски пратеник – Стив Виткоф – и европски претставници.

Последен пат тоа се случило минатата недела во Даблин, каде што тие се сретнале со украинскиот претседател Володимир Зеленски, неговиот советник Рустем Умеров и европски претставници за безбедност.

Предлогот бил спомнат и за време на преговорите во Обединетите Арапски Емирати, каде што американските претставници разговарале со украински, руски и европски претставници. Еден европски лидер изјавил за „Волстрит џурнал“ дека за слична можност се разговарало уште во август.

Првото сценарио предвидува Украина да ѝ го отстапи на Русија преостанатиот дел од Донбас што е моментално под нејзина контрола, во замена за полноправно членство во НАТО.

Второто сценарио предвидува прекин на конфликтот долж моменталната линија на фронтот. Во овој случај, Украина би задржала дел од Донбас, но наместо членство во НАТО, би добила безбедносни гаранции дефинирани преку меѓународен договор со САД – а потенцијално и со европските сојузници.

Претставник на американската администрација изјави за „Волстрит џурнал“ (WSJ) дека преговарачите разгледуваат различни опции, но нагласи дека секој конечен договор ќе мора да биде прифатен и од Украина и од Русија.

Трамп му се јавил на Кушнер за време на состанок во Берлин.

Оваа нова информација доаѓа по вчерашниот состанок во Берлин на таканаречената „коалиција на волните“, на кој европските лидери, Зеленски и американските преговарачи разговараа за идната безбедност на Украина.

Според двајца учесници на состанокот, Трамп му се јавил на Кушнер од авионот „Ер форс уан“ (Air Force One), додека се враќал од самитот со рускиот претседател Владимир Путин и кинескиот лидер Си Џинпинг. Трамп им рекол на европските лидери и на Зеленски – кои биле собрани заедно со Кушнер – дека Путин е уморен од војната и е подготвен за договор. Тој исто така сугерирал дека, со постигнување мировен договор, би можеле да заштедат значителна сума пари што моментално се трошат за поддршка на Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Променливо облачно со повремен локален дожд и температури до 22 степени

Во Скопје, ќе биде сончево со мала до умерена облачност. Ќе дува слаб до умерен ветер од променлив правец. Максималната температура ќе достигне до 19 степени.

 Променливо облачно со повремен локален дожд и температури до 22 степени

МИНИМАЛНА ТЕМПЕРАТУРА (во 0С)

0 Попова Шапка, 1 Берово, 3 Лазарополе, Крушево, 4 Крива Паланка, Струмица, 6 Штип, 7 Битола, Виница, Прилеп, 8 Претор, Скопје-Зајчев Рид, Тетово, Демир Капија, Велес, 9 Охрид, 10 Кавадарци, 10 Гевгелија.

КОЛИЧИНА НА ВРНЕЖИ за изминатите 24 часа до 07 часот во (l/m2)

11 Попова Шапка, 10 Скопје-Зајчев Рид, 8 Тетово, 6 Пожаране, 5 Лазарополе, Виница, 4 Крива Паланка, Велес, 3 Прилеп, 2 Крушево, Демир Капија, Струмица, Штип, 1 Охрид, Берово.

ВРЕМЕТО ДЕНЕСКА

Во утринските и во раните претпладневни часови времето ќе биде променливо облачно. Претежно во западните и североисточните делови ќе има повремен дожд. Во текот на денот времето ќе биде сончево со мала до умерена облачност. Ќе дува слаб до умерен, а наместа во западните делови повремено засилен ветер од западен правец (над 60 km/h). Максималната температура ќе биде во интервал од 15 до 22 степени.

Во Скопје, ќе биде сончево со мала до умерена облачност. Ќе дува слаб до умерен ветер од променлив правец. Максималната температура ќе достигне до 19 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер