Спиела со 1000 мажи за 12 часа! Објавен документарец за контроверзната Бони Блу: „Срамота е што вакво нешто се емитува“ - Канал 5

Шоу биз

Спиела со 1000 мажи за 12 часа! Објавен документарец за контроверзната Бони Блу: „Срамота е што вакво нешто се емитува“

Документарецот за ѕвездата на платформата „OnlyFans“, Бони Блу, предизвика бес кај гледачите откако беа прикажани „одвратни“ експлицитни сцени.

Спиела со 1000 мажи за 12 часа! Објавен документарец за контроверзната Бони Блу: „Срамота е што вакво нешто се емитува“

Документарниот филм „Bonnie Blue: 1000 Men and Me“ беше емитуван синоќа на британскиот „Channel 4“ и предизвика бурни реакции во јавноста.

Едночасовниот филм го следи провокативниот перформанс на креаторката на содржини за возрасни, која планирала во рок од 12 часа да има односи со 1.057 мажи. Документарецот се обидува да истражи дали Бони „опасно им подлегнува на машките фантазии или, пак, е оснажена претприемачка која ја афирмира сексуалната слобода“.

Заработува милиони

Бони, чие вистинско име е Тија Балинџер, била една од најуспешните креаторки на „OnlyFans“, тврдејќи дека заработувала повеќе од два милиони долари месечно.

Откако станала позната, Бони често била предмет на контроверзии – од признанието дека за време на „Freshers' Week“ во Велика Британија имала односи со момчиња кои штотуку станале полнолетни, до јавното говорење за секс со оженети мажи кои биле незадоволни од своите бракови.

И покрај обвинувањата дека придонесува за мизогинија и сексуална објектификација на жените, таа во документарецот ги отфрла тврдењата дека е „трауматизирана“ поради сето тоа.

Во филмот, пред да бидат прикажани некои од нејзините снимки, се слуша предупредување од нараторот: „Содржи пцовки, целосна голотија, експлицитни сексуални сцени и содржина што може да биде навредлива.“

„Срамота е што се емитува вакво нешто“

Многу гледачи бурно реагираа и го критикуваа документарецот на социјалните мрежи.

„Срамота што ова воопшто се емитува. „Channel 4“ следи жена која мисли дека не е лоша личност, а всушност промовира деструктивни пораки и тоа го нарекуваат документарец. Тажно и срамно,“ напиша Луиз на мрежата Х.

Други се запрашаа зошто Бони воопшто добила простор во програмата:

„Зошто „Channel 4“ ѝ дава простор на луѓе како Бони Блу кои ги поткопуваат правата на жените и промовираат мизогинија?“ – праша Фло.

Еден гледач додаде: „Не ми продавајте приказна дека Бони Блу е некаква пионерка на женските права. Не се сите подготвени да прават тоа што таа го прави за пари.“

„Истражуваме приказни што ги поместуваат границите“

Бидејќи се очекувале негативни реакции, уредникот на документарната програма на Channel 4, Тим Хенкок, ја бранеше одлуката документарецот да се емитува:

„Сметам дека задача на „Channel 4“ е да истражува приказни што ги поместуваат границите на современиот морал,“ изјави тој.

„Оваа приказна за Бони е само врв на ледениот брег. Од пандемијата наваму, има огромни промени во прифаќањето на содржини за возрасни и во профилот на луѓето што ги создаваат.“

Иако документарецот беше емитуван, платформата „OnlyFans“ го оцени како премногу екстремен и забрани негово стримање на својата платформа. Бони е целосно отстранета од OnlyFans, особено по најавата за нов настан наречен „petting zoo“, во кој планирала да биде „ставена во кутија за луѓето да можат да прават со неа што сакаат.“

Пренесува (Blic)

Тагови: OnlyFans Бони Блу Велика Британија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија. 

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала. 

ДЗС: Неексплодирана граната со калибар 75mm извлечена од под вода во Црна Река кај с. Радобор

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

Лишен од слобода црногорец, со „БМВ“ возел со брзина од 205 километри на час

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер