Спасовски: Со акробации во Собрание ВМРО-ДПМНЕ го блокира Законот за Кочани - Канал 5

Спасовски: Со акробации во Собрание ВМРО-ДПМНЕ го блокира Законот за Кочани

Денеска се одржа седница на Комисијата за политика демографија и млади која што беше свикана од страна на претседателот на собранието, Африм Гаши врз основа членот 126.

Спасовски: Со акробации во Собрание ВМРО-ДПМНЕ го блокира Законот за Кочани

Денеска се одржа седница на Комисијата за политика демографија и млади која што беше свикана од страна на претседателот на собранието, Африм Гаши врз основа членот 126 кој е решение беше задолжена пратеничката Благица Ласовска од ВМРО-ДПМНЕ таа да ја води оваа седница. Меѓу другите точки на дневен ред се најде и точката на предлог-законот за поддршка на настраданите во несреќата во дискотеката во Кочани и на нивните семејства како и на повредените. Во предлогот беше под реден број 12. Меѓутоа се случи груба узурпација на правото на претседава со комисијата од страна на колешката Ласовска со тоа што првично не дозволуваше промена дневниот ред. По нашата реакција дзоволи да имаме предлог со којјшто точката на Дневен ред од 12 побаравме да биде прва точка на дневниот ред. За жал не добивме поддршка од ВМРО-ДПМНЕ. Но исто така не дозовли ниту да се предложи нова точка на дневен ред а тоа занете дека бараме на секоја седница, точката за т.н. Закон за бранителите.

Во текот на седницата, кога дојде до моментот да се разгледа предлог Законот за заштита на децата седницата беше прекината.

Во изминатиот период имавме постојано барање дека овој Закон е исклучително важен, да помине за да можат да се лиценцираат луѓе односно кандидати кои што сакаат да работат во детска зашти, во градинки. Денеска се случи нешто што покажа дека немала никаква итност во однос на носењето на Законот за заштитта на децата. Но покажа и дека она што треба да е врвен приоритет а тоа за семејствата на загинатите и оние членови на нивните семејства и на лицата коишто се повредени, над 25 во Кочани. Седницата беше прекината и да не се продолжи.

ВМРО-ДПМНЕ на секој начи ја отежнува и така тешката ситуација и на Кочани и на оние коишто настрадаа во несреќата и на нивните семејства. И воопшто не ни е јасно како и зошто пробуваат со едни вакви акробации, на деловнички кршења итн воопшто да не дојде на дневен ред оваа точка на комисијата. А со тоа да не може да продолжи понатамошната расправа во Собранието односно да премине на наследното читање.

Мислам дека нема поважна тема во државата отколку што е Кочани во овој момент дека нема поважна потреба од носење на законски решенија отколку Законот за настраданите во Кочани. Час поскоро треба ВМРО-ДПМНЕ да поддржи и ние очекувавме дека ова ќе биде точка на дневен ред сите заедно ќе ја пратиме пораката на солидарноста, пораката НА единството и пораката на подавање на рака на институциите од граѓаните заради тоа што е а оваа многу потребна. Ние како пратеничка група инсистиравме да ова законско решение се донесе час поскоро да определиме финансиски средства кои ќе бидат доделени на семејствата.

Меѓутоа очигледно дека тоа не е приоритет за ВМРО-ДПМНЕ приоритет да се именуваат услови за директори за да можат да бидат поставена одредени функции, веројатно приоритет е нешто друго во однос на трошењето на на парите набавки за папаја, за манго итн за владините службеници. А не е приоритет одредување на финансиии и законско решение со коешто ќе се помогне на настраданите во во Кочани, рече Оливер Спасовски – пратеник и координатор на ПГ на СДСМ, се наведува во партиското сопштение.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Дневен хороскоп за 19. ноември 2026 година

Дневен хороскоп за четврток, 19. ноември 2026 година. 

Дневен хороскоп за 19. ноември 2026 година

Шкорпија 24.10-22.11.

Љубов

Усогласувањето на ставовите со саканата личност , веројатно ќе потрае и денеска. Ќе употребите хумор.

Кариера

Вашиот работен ден ќе биде доста шарен. Ќе работите се и сешто и ќе ве има на повеќе места. Динамичен ден.

Здравје и совет

Легнете да спиете на време.

Стрелец 23.11.-21.12.

Љубов

Ќе успеете да спитите пријатно со корисно. Саканата личност ќе ја поврзете со поширок круг луѓе со кои и деловно переговарате.

Кариера

Договорите ќе се одвиваат по системот,,тргни-застани” , но нема да ви претставува тешкотија. Ќе работите со желба и без застој.

Здравје и совет

И натаму сте одлично.

Јарец 22.12.-20.1.

Љубов

Би можело да има застој во односите , зашто зборовите ќе ви бидат премногу љубезни. Внимавајте да не ве прогласат за слаткоречив.

Кариера

Вашите деловни амбиции се големи , но такви се и можностите. Денеска внимавајте да не паднете во стапицата на самодопадливост.

Здравје и совет

Вежбајте.

Водолија 21.1.-19.2.

Љубов

Оние кои сонуваат , мора да се симнат на земја. Саканата личност во тоа ќе им помогне , а тогаш ќе увидат дека тоа е здраво.

Кариера

Ќе дојде до израз нерационално трошење пари , а вие сето тоа ќе мора да го оправдате и да го решавате.

Здравје и совет

Бидете што е можно поразумни.

Риби 20.2.- 20.3.

Љубов

Партнерот ќе има свои желби и барања , кои во прв момент ќе ви изгледаат неразумни , но набргу ќес е снајдете.

Кариера

Ќе има преоден несклад со соработниците , зашто некои од нив ќе покажат нестабилност.Но , долгорочно се се одвива одлично.

Здравје и совет

Прошетајте се на воздух.

Овен 21.3-20.4.

Љубов

Веројатно ќе покажете доза на несигурност , што малку ќе ја обесхрабри дугата страна.Потрудете се да верувате во она што го доживувате.

Кариера

веројатен е трошок на кој не сте сметале ниту вие ниту вашите соработници. Ќе надоместувате за да се снајдете во моментот.

Здравје и совет

Штедете го грлото и гласните жици.

Бик 21.4- 20.5.

Љубов

Кога ќе ви се пристори дека сте тргнале чекор напред , нешто ве враќа наназад. Така е тоа кога се брзате и работите површно. Бидете поискрени.

Кариера

Не се грижете поради трошоците , туку обидете се да работите напорно и без многу размислувања.Резултатите ќе дојдат подоцна.

Здравје и совет

Ви недостига трпение.

Близнаци 21.5.-21.6.

Љубов

Во сексуалните прашања ќе имате мало двоумење околу стилот.Секој сака да ужива на свој начин.

Кариера

Некој би можел да ви пререче дека на работа трошите на неважни ситници. Ќе ги аргументирате своите издатоци.

Здравје и совет

Редовно опуштајте се.

Рак 22.6-22.7.

Љубов

Ќе прифатите мало малтретирање од саканата личност , на која повторно ќе и кажете колку ви значи. Тоа ќе биде добар вовед во убава љубовна приказна.

Кариера

Ќе знаете како да ги насочите и оние соработници кои не се многу вредни. Со личен пример ќе ги мотивирате на работа.

Здравје и совет

Немате грижи.

Лав 23.7-22.8.

Љубов

Се што ќе се случува денеска ќе ви носи само немир , фрустрации и нови прашања. Обидете се да останете мирни и трпеливи.

Кариера

Пред вас е ден полн со предизвици , во кој ќе мора да разграничите што сакаат шефовите , кои се целите , кој е пријател , а кој непријател.

Здравје и совет

Останете будни.

Девица 23.8.-23.9.

Љубов

Освен што и натаму не ви цветаат рози во љубовта, денешниот ден би можел да ви донесе и некои семејни нестабилности.

Кариера

Ќе бидете распнати меѓу желбите и можностите . Ваше е да најдете златна средина и да се прилагодите на позитивен начин.

Здравје и совет

Немир и незадоволство.

Вага 24.9.-23.10

Љубов

Можно е дека со саканата личност ќе разговарате за дестинација на која сакате да отпатувате. Сеуште нема да се договорите.

Кариера

Во вашата работа ќе се вклучат нови луѓе , со кои ќе мора да научите да комуницирате. Ќе има мали несогласувања.

Здравје и совет

Некој нема да ви се допадне .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Зијадин Села во „Само Интервју”

„Само Интервју“ вечерва со Зијадин Села

Зијадин Села во „Само Интервју”

Почитувани гледачи, вечерва во Само Интервју ќе гостува Зијадин Села, лидер на новоформираната Албанска лига..

Меѓу ДУИ и ВЛЕН, има ли место за трета опција во албанскиот политички блок ?

Можен ли консензус за Законот за правична застапеност и за правосудниот испит? Колку етничките прашања реално ги отповаруваат граѓаните, а колку политичарите ги користат за мобилизација на гласачите?

Што покажа изборниот резултат во Брвеница и дали се вовед во предвремени парламентарни избори?

Има ли магично решение за деблокада на евроинтергациите и како да се поврати довербата во односите со Бугарија? Доколку се нужни уставните измени за ЕУ, дали на маса ќе се најдат и други барања?

Зијадин Села во Само Интервју вечерва кај Гоце Михајлоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Како музиката може да го ублажи чувството на болка – истражување врз 204 лица

Што открила студијата?

Како музиката може да го ублажи чувството на болка – истражување врз 204 лица

Нова студија, чии наоди се објавени во списанието “Frontiers in Pain Research”, покажува дека вашата лична плејлиста би можела да биде решение за намалување на болката при инјектирање, пренесува “The Healthy”.

Што открила студијата?

Во студијата учествувале 204 лица кои биле подложени на магнетна резонанца (МР) на мозокот, 'рбетот или главата и вратот. Секој од овие прегледи бара поставување на канила (тенко цевче што се става во вена) за да се аплицира контрастно средство.

Пред постапката, пациентите биле поделени во четири групи. Една група слушала Сонатата К. 448 од Моцарт, за која претходни истражувања покажале дека има терапевтски својства. Втората група слушала музика по сопствен избор, третата група слушала музика за релаксација слично на онаа што се пушта во спа-центрите, додека четвртата, контролната група, не слушала ништо.

Музиката се пуштала пред, за време на поставување на канилата, на 30 секунди по поставувањето на канилата и на 2 минути по поставување на канилата. Пациентите од групата што слушала музика по сопствен избор, сами ги избирале изведувачите или песните.

Изборот бил разновиден: од поп-хитови, како „Someone Like You“ на Адел и „Smooth Criminal“ на Мајкл Џексон, до рок и инди-класици, како „Hells Bells“ на AC/DC и „Pompeii“ на групата Bastille. Меѓу другите застапени жанрови биле класичната музика, R&B, реге музиката, електронската и народната музика.

Истражувачите им понудиле на учесниците визуелна скала за проценка на болката, од 0 до 10. Пациентите ја оценувале болката пред и за време на поставување на канилата, потоа 30 секунди по поставување на канилата и повторно, две минути по завршување на постапката.

„Иако убодот со игла е мала интервенција, нивото на болка може значително да варира од човек до човек“, изјавил главниот автор на студијата, Андреј Кристинел Драгнеа од Универзитетската болница во Цирих. „Во современата медицина, лекарите се стремат не само кон успешна дијагноза и лекување, туку и кон тоа постапката на пациентот да му предизвика што е можно помала непријатност.“

Како музиката влијае на болката

Истражувањето покажало дека учесниците кои слушале музика по свој избор пријавиле значително помала болка на 30 секунди и на две минути по поставување на канилата, во споредба со оние кои не слушале ништо.

Музиката на Моцарт покажала поскромни придобивки. Иако по две минути се забележал тренд кон намалување на болката, резултатите не биле статистички значајни. Сепак, кај пациентите кои слушале Моцарт, а кои веќе чувствувале болка пред почетокот на процедурата, ублажувањето на болката било поизразено. Групата што имала најголема корист од музиката се состоела од поединци кои ги слушале своите омилени песни и пријавиле болка уште пред вметнување на канилата, но почувствувале помала болка во моментот на убод со иглата.

Од друга страна, кај групата што слушала музика за релаксација не било забележано статистички значајно намалување на болката. Се чини дека звуците за смирување кои се идеални за време на масажа или јога не се толку ефикасни за ублажување на болката предизвикана од игли.

„Музиката за релаксација обично се карактеризира со бавно темпо, мала јачина на звукот и отсуство на изразена динамика“, објасни Гарсија Алзамора, главниот автор на студијата. „Овие карактеристики веројатно довеле до тоа пациентите да престанат да ја забележуваат музиката, што објаснува зошто не дошло до ублажување на болката.“

Зошто омилената музика помага

Според истражувачите, музиката што ни е позната може да биде особено ефикасна бидејќи го одвлекува вниманието од непријатното искуство. Тие исто така сугерираат дека музиката може да влијае на природните процеси во телото за ублажување на болка, истовремено намалувајќи го стресот и вознемиреноста – иако оваа теорија не била директно тестирана во студијата.

Сепак, научниците заклучуваат дека слушањето на омилените песни може да биде едноставен и евтин начин за ублажување на непријатноста при помали медицински зафати. Потребни се дополнителни истражувања за да се утврди дали музиката има исто дејство и при поинвазивни зафати, но овие наоди нудат одредена утеха за секој што чувствува страв од средба со игла.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер