Регион

Спасени германски туристи блокирани во албанските Алпи

Спасени се четворица германски туристи блокирани во туристичката област Тет во албанските Алпи, северна Албанија, објави на социјални мрежи албанскиот министер за одбрана Нико Пелеши.

Според министерот за одбрана, еден од нив не е во добра здравствена состојба, за чиј транспорт до Тирана, бидејќи по копнен пат бил невозможен, ангажиран е хеликоптерот за цивилна итна помош ЕЦ 135.

Пелеши напиша дека нивното спасување вчера се случило благодарение на интервенцијата на албанските вооружени сили и хеликоптер со кој биле извлечени туристите.

Тој ги повика туристите и љубителите на природата да избегнуваат непознати и тешки области и терени.

- Вооружените сили се и ќе продолжат да бидат подготвени за секоја потреба што ја има заедницата, но ги повикуваме сите граѓани кои сакаат да ги истражуваат убавините на земјата, особено туристите да бидат внимателни во текот на летната сезона, да избегнуваат вакви ситуации, подрачја со непознат и тежок терен, апелира Пелеши, објавувајќи видео од акцијата за спасување на туристите./МИА

Регион

Камион натоварен со јаглен направи хаос во село во БиХ- урнати бандери, огради, куќи (ВИДЕО)

Невообичаена сообраќајна несреќа се случи денеска во Масловаре кај Котор Варош во БиХ, кога камион натоварен со јаглен изгубил контрола и оштетил делови од дворови на неколку куќи.

Како што може да се види на снимките, урнати се огради во неколку дворови, во еден од нив настрешница, а срушена е и бандера, што им направи дополнителни проблеми на мештаните, објави Независне.

Според локалните жители, се чини дека камионот превезувал руда од локалниот рудник, кој бил затворен со години, но неодамна повторно започнал со работа.

Во оваа несреќа за среќа нема повредени, а полицијата извршила истрага за утврдување на околностите на несреќата.

Македонија

Министерот Минчев со честитка по повод Богојавление – Водици

Во мое лично име и во име на Министерството за јавна администрација, дозволете ми да Ви го честитам големиот христијански празник Богојавление – Водици.

Овој празник нè потсетува на значењето на верата, единството и љубовта меѓу луѓето.

Нека Богојавление донесе мир, здравје и благосостојба во Вашите домови.

Нека овој ден биде поттик за заедништво и зацврстување на врските во нашите заедници.

Со најискрени желби за радост и благосостојба,

Горан Минчев

Министер за јавна администрација

Свет

Украина собори 43 руски дронови во девет нејзини региони, соопшти военото воздухопловство

Украинската воздушна одбрана собори 43 од вкупно 61 дрон лансирани од Русија за време на синоќешните напади насочени кон девет региони на Украина, соопшти украинското воздухопловство.