СП: Македонија вечерва против европскиот шампион Шпанија - Канал 5

Ракомет

СП: Македонија вечерва против европскиот шампион Шпанија

Европскиот ракометен шампион Шпанија е следниот предизвик за најдобрите македонски ракометари на Светскиот шампионат во Германија и Данска.

СП: Македонија вечерва против европскиот шампион Шпанија

Минхен вечерва од 20 часот и 30 минути е домаќин на дерби средбата од 4 коло во групата Б, на Светското првенство меѓу Македонија –Шпанија.

Поразот од Хрватска е веќе заборавен , црвено жолтите сега размислуваат само на следниот противник силната Шпанија.

Според најавите од Минхен по денот одмор нашиот состав воопшто не размислува на калкулации и чување на силите за решавачкиот дуел против Исланд во четврток.

Со идентичен состав како на претходните три средби нашиот селектор Раул Гонзалес ќе се обиде да ги изненади своите сонародници, Шпанците.

Фуријата на дуелот со Јапонија покажа многу слабости, Јапонците беа во водство цели 40 –тина минути. Овие слабости се надеваме ќе ги искористат вечерва и нашите ракометари кои ќе се обидат да го изненадат фаворизираниот противник.

Пред денешните средби во групата Б лидери на табалата со максимален ефект се селекциите на Шпанија и Хрватска , Македонија е на третата позиција со скор од две победи и пораз, потоа следуваат селекциите на Исланд,Јапонија и Бахреин.

Без разлика на епилогот од вечерашниот меч во Минхен, македонскиот национален тим утре против секогаш незгодниот состав на Исланд го игра одлучувачкиот натпревар за пласман меѓу 12- те најдобри селекции на Светскиот шампионат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Разорен земјотрес во Колумбија: Најмалку 20 загинати, 20 згради урнати во еден град

Силен земјотрес со јачина од 7,4 степени според Рихтеровата скала го погоди западниот дел на Колумбија, а потресите се почувствуваа во градови низ целата земја. 

Видео: Разорен земјотрес во Колумбија: Најмалку 20 загинати, 20 згради урнати во еден град

Американскиот геолошки институт (USGS) го регистрираше земјотресот во 7:34 часот по локално време. Епицентарот бил во близина на Сан Хозе дел Палмар во департманот Чоко, на длабочина од 107 километри.

Според првичните информации, загинале најмалку 20 лица и причинета е голема штета.

Се шират снимки од урнати згради. Во градот Кали се урнаа 20 згради. Гувернерката на департманот Чоко, Нубија Каролина Кордоба Кури, потврди дека од главниот град Кибдо пристигнуваат информации за повредени лица и „сериозни оштетувања на згради“.

Таа исто така предупреди на можноста од последователни потреси.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Полицијата речиси 24 часа го истражувала„телото“ пронајдено во куфер: Но, потоа е откриена бизарната вистина

Австралиската полиција била повикана на патот Волгон во Оален, на околу 60 километри јужно од Гулбурн, нешто пред 13 часот во неделата, откако граѓани пријавија дека пронашле предмети што личеле на човечки останки во куфер. 

Полицијата речиси 24 часа го истражувала„телото“ пронајдено во куфер: Но, потоа е откриена бизарната вистина

Полицијата во австралиската држава Нов Јужен Велс денеска соопшти дека „телото“ пронајдено во напуштен куфер покрај патот всушност не било тело, туку реалистична кукла за возрасни – факт што бил утврден дури по неколкучасовна форензичка анализа.

Австралиската полиција била повикана на патот Волгон во Оален, на околу 60 километри јужно од Гулбурн, нешто пред 13 часот во неделата, откако граѓани пријавија дека пронашле предмети што личеле на човечки останки во куфер.

На оддалечена локација, каде што во текот на ноќта кон понеделникот врнело силен дожд, полицијата воспостави место за истрага. Сигналот за мобилна телефонија во тој дел бил слаб, а немало ниту камери за видеонадзор.

Сепак, во понеделникот наутро, полицијата потврди дека во куферот се наоѓала многу реалистична кукла, облечена во облека, со коса и пирсинг на носот.

Полицијата на Нов Јужен Велс соопшти – како што пренесе австралискиот јавен сервис ABC – дека по форензичката анализа е утврдено оти пронајдениот предмет не претставува човечки останки.

„По извршените форензички анализи, полицијата потврди дека предметот пронајден во торбата е реалистична кукла, облечена во облека, со коса и пирсинг на носот“, се наведува во соопштението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Мелони и Фредериксен бараат центри за враќање на мигрантите надвор од ЕУ

Италијанската премиерка Џорџа Мелони и нејзината данска колешка Мете Фредериксен во заедничка изјава предупредија на „неконтролираната миграција“ во Европа, повторно повикувајќи на формирање центри за мигранти надвор од Европската унија.

Мелони и Фредериксен бараат центри за враќање на мигрантите надвор од ЕУ

Италијанската премиерка Џорџа Мелони и нејзината данска колешка Мете Фредериксен во заедничка изјава предупредија на „неконтролираната миграција“ во Европа, повторно повикувајќи на формирање центри за мигранти надвор од Европската унија, со цел барателите на азил чии барања се одбиени да можат да бидат вратени во нивните матични земји.

„Не ја прифаќаме неконтролираната имиграција во Европа и се залагаме за строги имиграциски политики, како во нашите земји, така и на европско ниво“, напиша денеска Фредериксен во објава на Инстаграм. „Никој не може да негира дека илегалната имиграција има негативно влијание врз нашите општества: зголемени стапки на криминал, поголем притисок врз јавните служби и нарушување на јавната доверба.“

„Особено е сериозно кога илегалните мигранти, кои немаат право на престој во нашите земји, вршат насилство и кривични дела, се вклучуваат во трговија со дрога или се одговорни за сексуално насилство“, додаде Фредериксен.

Двете лидерки – единствените две жени што предводат влади во Европската Унија – инсистираа дека „мора да се воспостават центри за мигранти надвор од ЕУ за враќање во трети земји надвор од ЕУ, како и други иновативни решенија надвор од Европа“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер