Советот за безбедност на Иран одобри нови нуклеарни инспекции на ОН - Канал 5

Свет

Советот за безбедност на Иран одобри нови нуклеарни инспекции на ОН

 Врховниот совет за национална безбедност на Иран го одобри договорот со Меѓународната агенција за атомска енергија (МААЕ) за продолжување на инспекциите.

Советот за безбедност на Иран одобри нови нуклеарни инспекции на ОН

Договорот постигнат во Каиро во вторникот меѓу Иран и нуклеарниот надзорник на ОН е разгледан и прифатен, се вели во соопштението на Советот за безбедност во Техеран.

Советот го повтори ставот на владата да го прекине договорот доколку се случат „непријателски акции“ против земјата или нејзините нуклеарни објекти. Се наведува дека ќе биде вклучен во одобрување на сите нови мерки, пренесе ДПА.

Иран и МААЕ во вторникот се согласија за патоказ за инспекции, потпишан од страна на шефот на МААЕ, Рафаел Гроси, и иранскиот министер за надворешни работи, Абас Аракчи, со посредство на Египет.

Агенцијата со седиште во Виена со недели преговараше со иранските претставници за продолжување на инспекциите. Фокусот беше пред сè на местоположбата на повеќе од 400 килограми ураниум, кој, според МААЕ, има чистота близу до степен за оружје.

Техеран не ја откри локацијата и состојбата на овој материјал по нападите врз неговите објекти во јуни. Иран стравува дека таквите информации би можеле да доведат до нови израелски напади.

Некои пратеници во парламентот се критични кон договорот, а некои дури го обвинија Гроси за шпионажа за Израел.

Израел во јуни водеше 12-дневна војна против Иран, таргетирајќи објекти од нуклеарната програма, вклучувајќи го и подземниот објект Фордо, заедно со САД. Многу правни експерти ја сметаат кампањата за прекршување на меѓународното право.

Западните сили стравуваат од можниот развој на нуклеарно оружје од страна на Иран, тврдење што Техеран го негира.

Тагови: Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Хуманитарен настан посветен на Јорданчо Џамов и загинатите ангели

На 15 јуни со почеток во 19 часот во Градски парк- Кочани ќе се одржи хуманитарен настан посветен на Јорданчо Џамов и загинатите ангели.

Хуманитарен настан посветен на Јорданчо Џамов и загинатите ангели

Настанот има за цел да ја обедини хуманоста, љубовта и заедништвото, а сите собрани средства ќе бидат наменети за:

• Изградба на спомен-обележјето „Патека на бесконечноста“

• Помош и поддршка за семејства од ранливи категории

Во рамките на програмата ќе бидат организирани:

• Модна ревија во соработка со Универзитетот „Гоце Делчев“ – Штип

• Продажба на фустани, при што сите собрани средства ќе бидат наменети за поддршка на хуманитарната цел на настанот

🎼 Музичка програма

Тагови: кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарските пратеници се откажаа од 40 проценти од нивните плати

Унгарските пратеници се согласија со 40-процентно намалување на нивните плати, со цел да се намали притисокот врз јавните финансии и да се покаже политичка одговорност.

Унгарските пратеници се откажаа од 40 проценти од нивните плати

Одлуката беше донесена со акламација, односно за неа гласаа сите 189 присутни пратеници на седницата на парламентот. Од следниот месец нивната основната бруто плата ќе изнесува 3.690 евра. Според владејачкото мнозинство, заштедите од мерката ќе ги покријат годишните трошоци за функционирање на парламентот. Со мерката се укинува и надоместокот за мобилни телефони, а се намалуваат и парламентарните додатоци за канцеларии, станови и персонал. Новоизбраниот премиер Петер Маѓар ја поврза реформата со мерките за фискална дисциплина и борба против корупцијата во Унгарија.

Тагови: пратеници

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

14 загинати во нов израелски напад низ јужен Либан

Најмалку 14 лица загинаа во нови израелски напади врз јужен Либан, соопшти либанското министерство за здравство, во ново заострување на безбедносната состојба долж границата со Израел. 

14 загинати во нов израелски напад низ јужен Либан

Нападите биле изведени во повеќе подрачја, меѓу кои Тир, Марваније и Зифта, во округот Набатије. Нападите продолжуваат во период на зголемени тензии меѓу Израел, Хезболах и Иран. Хезболах соопшти дека таргетирал израелски војници на либанска територија, но не презеде одговорност за напади врз израелска територија. Израелските власти, пак, најавија дека операциите во Либан ќе продолжат, со образложение дека цел на нападите е инфраструктурата на Хезболах.

Тагови: Либан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер