Македонија

Советот на обвинители за „мазут“: Одговорност на обвинител се утврдува со докази, а не врз основа на политички изјави

Одговорноста на јавните обвинители се утврдува врз основа на факти и докази а не врз основа на политички изјави или јавен притисок, велат од Советот на јавните обвинители по повиците на владејачката ВМРО ДПМНЕ да реагира .

Одговорноста на јавните обвинители се утврдува врз основа на факти и докази а не врз основа на политички изјави или јавен притисок, велат од Советот на јавните обвинители по повиците на владејачката ВМРО ДПМНЕ да реагира за запирањето на постапката за злоупотреби со мазутот и прозивките на обвинителката Катерина Коларевиќ и шефот на ОЈО ГОКК Ислам Абази. Оттаму велат дека не можат да влијаат врз текот или исходот на конкретните истражни и обвинителски постапки.

-Советот не може да коментира, ниту да прејудицира одлуки донесени во рамки на законски утврдени постапки од страна на надлежното јавно обвинителство. Доколку постојат сомнежи за незаконито, нестручно или несовесно постапување на јавен обвинител, Законот предвидува посебни механизми и постапки за утврдување одговорност, кои се водат врз основа на конкретни факти и докази, а не врз основа на политички изјави или јавен притисок. -Совет на јавните обвинители.

Од ВМРО ДПМНЕ и денеска упатија обвинувања на адреса на Коларевиќ и Абази. со прекинувањето на постапката за случајот „Мазут“ биле заштитени лица блиски до СДСМ и ДУИ, велат од партијата.

-Коларевиќ е со семејни врски со кадри избирани од СДС, на пример, нејзиниот татко бил избран за државен правобранител во 1998 година, а нејзината мајка за уставен судија во 2004 година, додека пак Абази е со познати релации со ДУИ и Али Ахмети, со кој е растен во Зајас и се комшии. Оваа коалиција на Коларевиќ и Абази од обвинителството, ја спаси коалицијата на СДС и ДУИ во политиката. Еден од најсериозните и најголеми енергетски скандали во историјата на Македонија, не заврши во судница, туку заврши уште во обвинителство,- изјави – Миле Лефков – ВМРО ДПМНЕ.

Од ДУИ велат дека ја информирале меѓународната заедница за како што велат политичкиот притисок на власта врз Обвинителството што ја запре истрагата за злоупотреби со мазутот. Али Ахмети пак во изјава за албанските медиуми се осврна на изјавите на пратеникот Антонијо Милошоски.

-Се додека се врши овој притисок и тоа од јавни политички личности и кога се знае дека во минатото Г. Милошоски имал различни проблеми поврзани со имотот и неправдите спроведени кон семејството на Пуцко Петрол, тоа е продолжение на вршење на притисок врз правдата и влијание што сакаат да го извршат врз сите спроведувачи на законите, така да ова е прашање кое не загрижува и тоа ќе го пренесам на сите мои средби,- изјави – Али Ахмети – Претседател на ДУИ.

Вчера и од обвинителството по обвинувањата на АД ЕСМ дека одлуката за затворање на случајот е донесена врз база на некомпетентни лица од компанијата, одговорија дека состојбата не била утврдена паушално. Исказ дале лица кои ги овластил генералниот директор на компанијата и ЕСМ не приложижа конкретни докази за оштетно побарување, а доказите кои ги доставиле од компанијата – покажувале дека немало настаната штета.

Тагови: Советот на јавни обвинители

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Железна Тврдина - проекција, БФФ Охрид (Beach Film Festival )

Во вторник, 21-ви јули, во 20Ч30мин. на плажата “Сараиште”, во Охрид, во склоп на претпрограмата за отварање на осмото издание на БФФ, (Beach Film Festival ), ќе се одржи проекција на новиот филм во продукција на ПирејФилм, “Железна тврдина.

Во вторник, 21-ви јули, во 20Ч30мин. на плажата “Сараиште”, во Охрид, во склоп на претпрограмата за отварање на осмото издание на БФФ, (Beach Film Festival ), ќе се одржи проекција на новиот филм во продукција на ПирејФилм, “Железна тврдина”, во режија на Митко Панов.

Aктерската екипа е составена од штитениците на Центарот за Рехабилитација на Психијатриската Болница во Демир-Хисар, и гости меѓу кои: Paul Gordon, Синоличка Трпкова, Игор Џамбазов, Васко Тодоров, Благоја Грујовски, Мишел Трајковски, Атиџе Муратова и Боби Додевски-Шлукс.

Железна тврдина – филмска работилница, го користи формалниот пристап својствен на документарниот но и играниот филм, и како таков го претставува новиот, хибриден, филмски израз. Базиран на вистински случки, филмот воплотува елементи на фикција и фантазија. “Она што започнува како набљудувачки запис од секојдневниот живот и креативни вежби, полека се трансформира во конструиран филмски свет обликуван од самите учесници. Просторот на болницата станува истовремено реална средина и сцена за фиктивни ситуации, каде што личните приказни, фантазиите и креираните идентитети почнуваат да се преклопуваат. “ ”Железнта тврдина се појавува како слоевит, духовит хибрид во кој реалноста и фикцијата, разумот и лудилото, свесното и несвесното се испреплетуваат, потсетувајќи нè дека ‘видено oдблиску, ништо не е ’нормално’.”

Проекцијата ќе се одржи во присуство на авторите. Влезот е СЛОБОДЕН.

Во програмата која следи ќе биде прикажан и Самоуништување, на продуцентот-актер Јовица Михајловси, познат како прв Македонски независен филм, 1996.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Наумоски од Ѓорче по крајот на музичката кариера во локалните меани, полека станува “експерт” за владеење на право и корупција

Другарот на Венко Заев, Александар Наумоски, поранешен градоначалник на општина Ѓорче Петров од СДС, полека станува “експерт” за владеење на право и корупција.

СООПШТЕНИЕ, РЕАКЦИЈА НА ПРЕС-КОНФЕРЕНЦИЈА НА СДС

Другарот на Венко Заев, Александар Наумоски, поранешен градоначалник на општина Ѓорче Петров од СДС, полека станува “експерт” за владеење на право и корупција.

Откако му заврши музичката кариера во локалните меани во Ѓорче Петров, сега почнува да говори за борба против корупција.

По се изгледа тој мисли дека треба да покаже како тој соработуваше со криминалот и корупцијата во Ѓорче Петров, за што во моментов се води и судски спор против него, а има и 3 кривични пријави по кои надлежните институции треба да постапат.

Дополнително, Наумоски бара зголемување на плати на судиите и обвинителите, затоа што и тој уште првиот ден кога стана градоначалник си ја зголеми градоначалничката плата.

Затоа се борат за судиите и обвинителите, за да можат уште да ги штитат.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Извештајот на ЕК покажува: „Чувствата“ на Мицкоски ги поклопија правото и правната држава

„Чувствата“ на премиерот Христијан Мицкоски ги поклопија правото, Уставот и правната држава.

Најновиот извештај на Европската комисија за владеењето на правото ја разоткрива суровата вистина за Македонија под власта на ВМРО-ОКГ: нема реформи, корупцијата е широко распространета, а судството и обвинителството се изложени на политички притисоци.

Брисел директно алармира дека изјавите на претставници на власта, вклучително и на премиерот, создаваат притисок врз независноста на правосудниот систем и ја загрозуваат поделбата на власта.

Клучните наоди се јасни:

Високи владини функционери водат јавни кампањи за дискредитација на судии и обвинители, со цел да ги замолчат и да ги претворат во партиски послушници.

Измените на Кривичниот законик повторно отвораат опасен простор за неказнивост и заштита на криминалот.

Корупцијата останува широко распространета, а сомнежите за проблематични тендери се множат.

Истовремено, буџетот за правосудството за 2025 година е намален за 4,3%, со што судовите се туркаат во уште поголема финансиска зависност.

Ова е европска дијагноза за заробеното правосудство под власта на ВМРО-ОКГ и потврда на сè што СДСМ го говори со месеци.

Нема реформи. Нема независно судство. Нема правда.

Има политички притисоци, контролирано правосудство и обид за заштита на криминалот и продолжување на неказнивоста.

Затоа ВМРО-ОКГ намерно го кочи пристапувањето кон Европската Унија. Европската интеграција значи посилни механизми за контрола, независни институции и вистинска борба против корупцијата.

Токму од тоа се плаши власта на Мицкоски – од систем во кој законите ќе важат за сите и во кој секој што сторил криминал ќе одговара.

Извештајот од Брисел е црвен картон за Мицкоски и неговата власт.

Со организирана криминална група нема правна држава – има партиска држава во која „чувствата“ на премиерот се поставени над Уставот и законите.

Прес конференција на СДСМ, Александар Наумоски – член на Извршниот одбор

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.