Македонија

Советот на Јавни обвинители и Судскиот совет нема да свикаат седници за одлуката за домашен притвор за Груби

Ниту Советот на јавните обвинители ниту Судскиот совет не гледаат причина зошто би расправале за барањето на обвинителството и одлуката на судот за куќниот притвор на поранешниот прв вицепремиер Артан Груби.

По вчерашниот повик на министерот за правда Игор Филков двете тела да утврдат дали има одговорност кај обвинителот Даниел Коцев и судијата Марин Станевски, претседателот на обвинителствиот совет Башким Бесими вели дека тие немаат ингеренции да расправаат по конкретни предмети.

-Го слушнав во медиумите дека не прозва, ама согласно закон ингеренциите на Судски совет и ингеренциите на Совет на ЈО се други. Значи ние може да расправаме ама за тоа одлучува Републичкиот и Вишиот, има хиерархија. Тоа е став на Јавното обвинителство, јас не можам како претседател на Советот да дадам став во таа насока. Ние можеме да расправаме на таа тема ама нашата расправа е, како да кажам, треба републичкото, има и виш јавен обвинител да си ги следи работите за конкретни предмети, ние работиме само жалби.изјави – Башким Бесими – Претседател на Совет на ЈО.

И во Судскиот совет во овој момент не гледаат простор за постапување.

-Судскиот совет секогаш кога има законско овластување и кога има потреба за тоа постапува во конкретни случаеви, а во поглед на тоа што беше побарано од нас, сметам дека во конкретниот случај ниту еден од тие два услови не е исполнет барем сега засега.изјави – Александар Камбовски – Претседател на Судски совет.

Ставот на претседателот на Судскиот совет Камбовски е на иста линија со членот на советот Сузана Јошевска Анастасовска која во објава на социјалните мрежи напиша:

„Судија НЕ СМЕЕ да изрече мерка притвор ако има предлог од обвинител за куќен притвор. Нема потреба од итна седница на Судски совет за да се расправа основно правило во кривична постапка“.

По низата реакции за куќниот притвор на Груби денеска и Здружението на обвинители со апел до политичарите и функционерите да се воздржат од јавна реторика со која како што велат ја нарушуваат самостојноста на јавните обвинители во одлучувањето.

Поранешниот прв вицепреиер Артан Груби кој е второосомничен во случајот Државна лотарија и повеќе од една година беше во бегство, од понеделникот вечерта е во домашен притвор откако истиот ден се појави на граничниот премин Блаце и беше уапсен.

Наместо претходно определениот ефективен притвор обвинителството се одлучи за поблага мерка со образложение дека МВР и АНБ процениле дека на Груби во притворското одделение во Шутка не може да му се гарантира личната безбедност. Но досега овие институции не одговорија за какви конкретно закани по безбедноста на Груби станува збор.

Тагови: Судски совет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Србија воведе забрана за влез на државјани од Црна Гора

Според локалните медиуми ниту еден црногорски државјанин не преминал во соседната земја на граничните премини Гостун, Јабука и Драченовац.

Според извештаите, од 19:30 часот ниту еден црногорски државјанин не бил пропуштен да влезе во Србија, што предизвикало застои и колони на границите.

Медиумите наведуваат дека мерката е воведена по протерување на повеќе од 80 српски државјани од Тиват поради безбедносни причини. Засега нема официјална потврда за траењето на мерката, а се очекува ситуацијата да се нормализира

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Започна првиот ИКТ бизнис форум - Македонија – Грција: МАСИТ и Setpe потпишаа меморандум за соработка

Форумот, организиран од МАСИТ во соработка со грчката асоцијација SETPE, ги обедини претставниците на ИКТ индустријата.

Со учество на над 130 претставници на компании, институции и организации од Македонија и Грција, денеска во Скопје започна првиот „North Macedonia – Greece Digital Bridge & Business ICT Forum“, настан посветен на продлабочување на економската и технолошката соработка меѓу двете земји.

Форумот, организиран од МАСИТ во соработка со грчката асоцијација SETPE, ги обедини претставниците на ИКТ индустријата, државните институции и бизнис-заедницата со цел создавање нови партнерства, размена на знаење и отворање нови можности за регионален раст.

Во рамки на свеченото отворање беше потпишан и Меморандум за соработка помеѓу МАСИТ и SETPE, документ кој претставува основа за поинтензивна институционална соработка, размена на искуства и заеднички активности во областа на дигиталната економија, иновациите и технолошкиот развој.

Претседателот на МАСИТ, Јордан Димитровски, истакна дека форумот е создаден со јасна цел – да ги поврзе компаниите од двете земји и да создаде конкретни деловни можности.

„Денешниот форум не е само уште една конференција или настан за вмрежување. Тој е создаден со многу конкретна цел – да ги поврзе компаниите, да поттикне директен дијалог и да создаде нови бизнис можности меѓу нашите две земји. Меморандумот што денес го потпишуваме не е крајна дестинација, туку почетна точка за посилна соработка, поголема размена на знаење и повеќе можности компаниите од двете земји да работат заедно“, изјави Димитровски.

На отворањето се обратија и министерот за надворешни работи и надворешна трговија Тимчо Муцунски, амбасадорката на Република Грција во Македонија Н.Е. Софија Филипиду, заменик-министерот за дигитална трансформација Радослав Настасијевиќ Варџиски и претседателот на SETPE, Анастасиос Манос.

Во текот на денот учесниците ќе имаат можност да присуствуваат на презентации, тематски дискусии и над 150 однапред организирани B2B средби насочени кон создавање конкретни деловни партнерства и нови заеднички проекти.

Организаторите очекуваат токму овие средби да резултираат со нови соработки и да придонесат за натамошно поврзување на технолошките екосистеми на Македонија и Грција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Муцунски: Има сериозен интерес од ЕУ за раздвижување на процесите со Бугарија и доколку е искрено ќе има решение

Европската унија има желба да стимулира дијалог меѓу Македонија и Бугарија, има сериозен интерес за раздвижување на процесите и доколку е искрено ќе има решение изјави утринава Тимчо Муцунски министерот за надворешни работи и надворешна трговија.

Според него наредната недела е можна средба со бугарската страна и додаде дека несомено е дека треба да има дијалог.

Тагови: Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.