Советот на амбасадори: По однос новите европски иницијативи за постепена интеграција на земјите од Западен Балкан во Европската Унија - Канал 5

Македонија

Советот на амбасадори: По однос новите европски иницијативи за постепена интеграција на земјите од Западен Балкан во Европската Унија

Советот на амбасадори за европски иницијативи за постепена интеграција на земјите од Западен Балкан во Европската Унија.

Советот на амбасадори: По однос новите европски иницијативи за постепена интеграција на земјите од Западен Балкан во Европската Унија

Овој документ претставува прво формализирање на идеи кои во изминатиот период беа артикулирани низ повеќе иницијативи и политички настапи во рамки на ЕУ, вклучително и во иницијативата на Министерството за надворешни работи на Република Австрија од април оваа година, како и во јавните настапи и писмото на германскиот канцелар Фридрих Мерц.

Во таа смисла, Тиватскиот нон-пејпер може да се разбере како обид за создавање нов европски консензус околу концептот на постепена интеграција. Советот оценува дека овие иницијативи испраќаат значаен политички сигнал дека во земјите-членки расте свесноста дека сегашниот модел на проширување не ги дава посакуваните резултати со очекуваната динамика. Долгото отсуство на нови членки, слабеењето на ентузијазмот кај земјите-кандидатки, вкрстените интереси и влијанија во регионот и актуелните геополитички предизвици укажуваат на потребата од нови и пофлексибилни пристапи кон интеграцијата на Западен Балкан. Особено е значајно што во фокусот на овие иницијативи се наоѓаат секторската интеграција, пристапот до делови од Единствениот европски пазар, учеството во европските програми и постепеното вклучување во политиките на Унијата.

Од перспектива на надворешно-политичките и економските интереси на Македонија и регионот, Советот ги поздравува сите иницијативи кои овозможуваат конкретни придобивки за граѓаните, компаниите и институциите уште пред формалното членство во ЕУ. Ваквиот пристап може да придонесе за побрза економска интеграција, зголемена конкурентност и зајакнување на довербата во европскиот процес. Истовремено, Советот смета дека во тековната дебата недоволно внимание се посветува на прашањето на економската конвергенција како суштинска цел на европската интеграција.

Иако новите иницијативи предвидуваат различни форми на пристап до Единствениот пазар и европските политики, останува нејасно дали и во која мера земјите од Западен Балкан би добиле постепен пристап до клучните инструменти на европската кохезиска политика и структурните фондови. Советот потсетува дека историското искуство на државите од Централна и Источна Европа покажува дека нивната успешна економска конвергенција кон просекот на Европската Унија не била резултат исклучиво на пристапот до Единствениот пазар, туку и на значителната поддршка преку Кохезискиот фонд, Европскиот фонд за регионален развој, Европскиот социјален фонд и другите финансиски инструменти на Унијата.

Оттука, модел на постепена интеграција кој обезбедува пристап до Единствениот пазар, но не и паралелен пристап до инструментите за финансиска конвергенција, носи потенцијален ризик од продлабочување, наместо намалување, на развојниот јаз меѓу регионот и Европската Унија. Следствено, Советот на амбасадори смета дека идните модели на постепена интеграција е неопходно да бидат проследени со постепено и условено отворање на инструментите на кохезиската и структурната политика за земјите кандидатки кои покажуваат капацитет за нивно ефикасно користење. Ова би придонело постепената интеграција да обезбеди реална економска конвергенција и видливи придобивки за граѓаните уште пред формалното членство во Унијата. Во оваа насока, Советот посочува на неопходноста од проактивно и конструктивно вклучување на земјата во претстојната европска дебата за содржината на постепената интеграција.

Ова подразбира и подготовка на јасни национални позиции во однос на секторите подготвени за забрзана интеграција, пристапот до Единствениот европски пазар, учеството во европските политики и програмите, како и идниот пристап до финансиските инструменти на Унијата. Истовремено, успехот на секој модел на постепена интеграција ќе зависи и од капацитетот на самите држави кандидати да спроведуваат реформи, да ги зајакнуваат институциите, владеењето на правото и економската конкурентност, како и ефикасно да ги користат европските политики и средства.

Советот на амбасадори останува цврсто посветен на европската перспектива на државата и смета дека тековните иницијативи отвораат можност за нова динамика во процесот на интеграција. Истовремено, тие треба внимателно да се обликуваат така што постепената интеграција ќе претставува инструмент за побрза политичка, економска и институционална конвергенција со ЕУ, но не и замена за полноправното членство, кое останува крајна цел на процесот на проширување и единствена рамка што обезбедува целосно учество во институциите, политиките и механизмите на одлучување на Унијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американците убиле 153 цивили за една година

Во американските воени операции во 2025 година беа убиени 153 цивили и ранети 243, според проценка на Пентагон од американски функционер кој зборуваше под услов на анонимност.

Американците убиле 153 цивили за една година

Ова е значително зголемување од 2024 година, кога Пентагон процени дека двајца цивили биле убиени, а двајца повредени во американските воени операции, објави Ројтерс.

Според извештајот на Пентагон до Конгресот, сите смртни случаи и повреди на цивили регистрирани во 2025 година биле во три американски напади во Јемен во април истата година.

Американската војска спроведува напади во Јемен со цел ослабување на капацитетите на Хутите.

Пентагон соопшти дека разгледува уште 15 инциденти во Јемен од февруари 2026 година по извештаите од невладини организации за можни цивилни жртви.

Извештајот не ги вклучуваше жртвите на американските напади врз бродови во Карибите и источниот Пацифик.

Од септември 2025 година, американската администрација изврши серија напади врз бродови за кои тврди дека превезуваат наркотици и ги означи целите како „наркотерористи“.

Според бројките за жртвите објавени од САД по нападите, повеќе од 200 луѓе загинале во овие операции.

Хјуман рајтс воч и Амнести интернешнл ги опишаа нападите како незаконски вонсудски убиства, додека Американската унија за граѓански слободи ги критикуваше тврдењата на администрацијата на американскиот претседател Доналд Трамп за луѓето кои беа цел на нападите како неосновани.

Извор: Б92

Тагови: САД цивили

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Неславен рекорд на Владимир Путин

Руските сили претрпеа 42.860 загуби на персонал во јули, што е најголем месечен број од јануари 2025 година, соопшти украинското Министерство за одбрана, повикувајќи се на податоци од Генералштабот на вооружените сили на Украина.

Неславен рекорд на Владимир Путин

Јули беше исто така четвртиот најефикасен месец за украинските сили во однос на загубите на руски персонал од почетокот на целосната руска инвазија.

Генералштабот на Украина проценува дека вкупните загуби на руски персонал од февруари 2022 година достигнале 1.461.660 луѓе.

Во текот на јули, украинските сили продолжија да ги напаѓаат руските капацитети за воздушна одбрана и логистика.

Беа погодени 68 руски системи за воздушна одбрана, додека 13.998 возила беа уништени или оштетени, што е најголем месечен број регистриран за време на целосната војна.

Министерството за одбрана изјави дека украинските сили претходно ги регистрирале своите најголеми месечни загуби на руската артилерија во јуни, кога повеќе од 2.000 руски артилериски системи беа уништени или онеспособени.

Во текот на јули, украинските сили, исто така, погодија 162 руски тенкови, вклучувајќи 28 тенкови на 22 јули. Покрај тоа, беа уништени или оштетени 204 оклопни борбени возила и 2.016 руски артилериски системи.

Украинското воено разузнавање користеше поморски беспилотни летала „Магура“, опремени со беспилотни летала „FPV“, за да нападне два руски лансери на системот за воздушна одбрана С-400 „Триумф“, како и антена што се користи за контрола на беспилотни летала „Орион“ во привремено окупираниот Крим.

Извор: Б92

Тагови: Владимир Путин украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„ChatGPT“ конечно доаѓа на „Linux“

„OpenAI“ ја објави официјалната десктоп апликација „ChatGPT“ за „Linux“ платформи.

„ChatGPT“ конечно доаѓа на „Linux“

„ChatGPT“ е присутен на компјутери низ целиот свет, но имаше едно место каде што недостасуваше: заедницата на „Linux“. Тоа сега се менува.

Одредени сектори од заедницата на развивачи со отворен код долго време бараа од „OpenAI“ да го донесе својот четбот на нивните платформи. Почнувајќи од оваа недела, „OpenAI“ го решава тој недостаток со лансирање на наменска апликација „ChatGPT“ за „Linux“.

„Linux е една од најбараните платформи за десктоп апликација, а ова лансирање ги проширува ChatGPT и Codex на сите главни десктоп оперативни системи“, соопшти компанијата.

Новата апликација, која се објавува како дел од рана верзија, ќе им овозможи на корисниците на „Linux“ да користат „ChatGPT“, „ChatGPT Work“ и „Codex“ на неколку различни дистрибуции. Апликацијата е достапна низ целиот свет почнувајќи од вторник.

„OpenAI“ вели дека поддржаните дистрибуции вклучуваат десктоп варијанти за „Ubuntu 24.04“ и „26.04 LTS“, „Debian 13“, како и „Fedora 43“ и „44“. Целата заедница на „Linu“x вклучува стотици дистрибуции, иако дистрибуциите што „OpenAI“ ги избра тука служат како основа за голем број деривативни десктоп дистрибуции или варијанти, кои затоа треба да бидат компатибилни и со апликациите на „OpenAI“.

„OpenAI“ е малку зад „Anthropic“, кој ја лансираше десктоп апликацијата „Claude“ за „Linux“ пред околу еден месец. Апликацијата на „Anthropic“ е достапна за „Ubuntu 22.04“ или понова верзија и „Debian 12“ или понова верзија.

Тагови: ChatGPT

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер