Советници од Франција, Германија и Италија: Србија да се помири со фактот дека Косово е сосед - Канал 5

Балкан

Советници од Франција, Германија и Италија: Србија да се помири со фактот дека Косово е сосед

Специјални советници за надворешна политика и безбедност на Франција, Германија и Италија- Србија да се помири со фактот дека Косово е сосед

Советници од Франција, Германија и Италија: Србија да се помири со фактот дека Косово е сосед

Специјалните советници за надворешна политика и безбедност на Франција, Германија и Италија, Емануел Боне, Јенс Плетнер и Франческо Тало објавија заедничка авторска статија во која велат дека нацрт-договорот за односите меѓу Косово и Србија, кој беше одобрен од сите ЕУ членовите, треба што поскоро да заживеe со креирање конзистентен патоказ за негово спроведување.

„Косово треба да го исполни ветувањето дека ќе ја заштити српската заедница, да преземе мерки за формирање Асоцијација/Заедница на општини со мнозинско српско население и да обезбеди гаранции за високо ниво на заштита на српското верско и културно наследство. Србија треба да се помири со фактот дека Косово е соседна земја која има своја европска перспектива и свое место во меѓународната заедница, нагласија Боне, Плетнер и Тало, јави дописникот на МИА од Белград.

-Нашите лидери, францускиот претседател Емануел Макрон, германскиот канцелар Олаф Шолц и италијанската премиерка Џорџина Мелони ни дадоа задача да им дадеме поддршка на високиот претставник на ЕУ Жозеп Борел и специјалниот пратеник на ЕУ Мирослав Лајчак во постигнувањето голем исчекор напред во нормализацијата на односите меѓу Србија и Косово, наведуваат специјалните советници во текстот објавен на веб-страницата на германската амбасада во Приштина.

-Зошто е тоа толку важно за нашите земји? И зошто сега се впуштаме во дијалог во кој двете страни се заглавени толку многу години? Причината е што иднината и на Србија и на Косово, како и на целиот регион на Западен Балкан е во ЕУ и сакаме да ве поддржиме што е можно посилно на вашиот пат кон членство во ЕУ, изјавиja Боне, Плетнер и Тало.

-Европа, се наоѓа на крстопат со бруталниот руски напад врз Украина, кој донесе војна од пошироки размери на нашиот континент. Дел од нашиот одговор на овој неприфатлив удар врз европскиот безбедносен поредок е да работиме уште понапорно за да го зајакнеме и да го вклучиме нашиот европски дом. За балканската шесторка, која тргна на патот на евроинтеграциите, мора да вложиме дополнителен напор за да ги отстраниме пречките од минатото, наведоа Боне, Плетнер и Тало во авторски текст за „Блиц“.

Како што додаваат, најочигледна пречка е нерешеното прашање за односите меѓу Србија и Косово, што претставува и безбедносен ризик за Европа.

Таа нестабилност во која постојано сме на работ на ескалација на насилството мора да престане. Мора да заврши, бидејќи граѓаните на Европа со право прашуваат како Србија и Косово некогаш ќе седнат на иста маса во Брисел како пријатели и партнери кога ќе се членки на ЕУ? Како можеме да ги убедиме нашите граѓани дека давање поддршка на Србија и Косово е добра идеја? Оваа ситуација мора да заврши бидејќи инвеститорите од нашите земји ги следат вестите и се прашуваат дали вреди да се инвестира во овој регион. Што да им кажеме ако веќе тлее пламенот на нов конфликт? Но, пред се, оваа ситуација мора да заврши бидејќи граѓаните на Косово и Србија заслужуваат подобра иднина. Иднина во која конечно ќе се надминат споровите кои ги парализираат двете земји, нагласуваат Боне, Плетнер и Тало.

Таа иднина, додаваат, го отвора патот за градење пријателски односи, регионална соработка и единствен пазар. „И таа иднина, на крајот, го отвора патот за реализација на ветувањето дадено на сите земји од Западен Балкан, а тоа е влез во ЕУ како рамноправни партнери, штом ќе ги исполнат критериумите. Можноста да се впуштиме во таа иднина е сега, велат специјалните советници.

-Затоа предложивме нов и одржлив нацрт-договор за односите меѓу Косово и Србија, кој беше одобрен од сите членки на ЕУ и кој е активно поддржан од нашите лидери и нашите американски партнери. Го поздравуваме силниот и охрабрувачки сигнал што претседателот Вучиќ и премиерот Курти го испратија од Брисел на 27 февруари кога го прифатија текстот на нацртот. Тој договор сега треба да заживее што е можно поскоро со изработка на конзистентен патоказ за негова имплементација. Целта на претстојните клучни преговори не е да го искомплицира веќе договореното, туку да се поттикнат конкретни чекори кон негово спроведување, наведуваат специјалните советници.

Тоа што, како што додаваат, и двете страни треба да го избегнуваат е да го реинтерпретираат дадениот збор, бидејќи со тоа би ја потрошиле оваа единствена можност и би ризикувале блокирање на патот кон членството во ЕУ.

-Косово треба да го исполни своето ветување за заштита на српската заедница, преземајќи мерки за формирање на Асоцијација/Заедница на општини со мнозинско српско население и обезбедување гаранции за високо ниво на заштита на српското верско и културно наследство. Србија треба да се помири со фактот дека Косово е соседна земја која има своја европска перспектива и свое место во меѓународната заедница.Времето не ни оди во прилог. И уште поважно, времето не им оди во прилог ниту на Косово, ниту на Србија. Мора да бидеме на ниво на задача и одговорност, свесни за императивите на дадениот момент. Неуспехот би имал последици, посочуваат специјалните советници.

Факт е дека за тоа е потребна мудрост и лидерски квалитети од двете страни, како и одговорен пристап на сите политички чинители во Србија и Косово, но тоа е изводливо.

-Вистинскиот момент е сега! Како пријатели на Косово и како пријатели на Србија, ветуваме дека ќе ве поддржиме на вашиот пат кон ЕУ, наведоа специјалните советници.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Расел Кроу привлекува внимание во Венеција, ослабнал 26 килограми

Расел Кроу се појави на 83-тиот Меѓународен филмски фестивал во Венеција во петокот, привлекувајќи внимание со својата значително послаба фигура.

Расел Кроу привлекува внимание во Венеција, ослабнал 26 килограми

Тој пристигна на црвениот тепих со својата партнерка, Бритни Терио, а парот присуствуваше на проекцијата на филмот „What Love Builds“ во салата „Дарсена“.

За оваа пригода, Кроу (62) избра елегантен црн костум и бела кошула, а сивата коса ја зачешла наназад. Додека позираше за фотографите, ја држеше раката околу половината на својата партнерка. Бритни (42), неговата партнерка со која е во врска шест години, носеше црн фустан што ја следи линијата на телото и има длабоко деколте, а изгледот го надополни со црни чевли со високи потпетици и дијамантски накит.

Откри колку килограми изгубил

Кроу изгубил значителна тежина во текот на изминатата година. За време на неодамнешното гостување во подкастот „The Joe Rogan Experience“, тој откри дека ослабел 26 килограми.

Исто така, сподели дека значително го намалил консумирањето алкохол, иако не се откажал целосно од него. По снимањето на филмот „Nuremberg“, како што рече, тежел 126 килограми. „Сега тежам 100,9 килограми“, откри тој.

Актерот неодамна објави фотографии од теретана на социјалните мрежи, а неговата физичка трансформација ги воодушеви многубројните обожаватели. Во коментарите, тие забележаа дека тој повторно изгледа како „Гладијатор“, алудирајќи на неговата култна улога како Максимус во филмот „Gladiator“ од 2000 година, која ја одбележа неговата кариера. Му помогна и здравствена програма.

Актерот исто така спомена дека во тој период му помогнала програмата „Way2Well“. Како дел од програмата, тој прима инјекции кои, според него, помагаат да се ублажат последиците од стари повреди здобиени за време на физички напорни филмски улоги.

„Не ја разбирам науката зад сето тоа, но чувствувам вистинска корист во рамената и колената. И инјекциите и инфузиите го смирија воспалението во моето тело“, рече Кроу.

Во врска е со Бритни од 2020 година

Кроу и Бритни Терио се заедно од ноември 2020 година; Тие за првпат се појавија заедно на црвениот тепих како пар во октомври 2022 година, на премиерата на неговиот филм „Poker Face“.

Се запознале уште во 2013 година, на снимањето на трилерот „Broken City“. Терио е од Њу Орлеанс и претходно работела како актерка и навивачка.

Кроу претходно беше во брак со Даниел Спенсер, со која ги има синовите Чарлс и Тенисон. Тие стапија во брак во 2003 година, се разделија во 2012 година, а нивниот развод беше официјално финализиран во 2018 година.

Извор: Индекс.хр

Тагови: Расел Кроу

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Би сакал да видам обединета Ирска

Американскиот претседател Доналд Трамп изјави дека „би сакал да види“ обединета Ирска, тврдејќи дека „тоа на крајот ќе се случи“.

Трамп: Би сакал да видам обединета Ирска

За време на средбата со ирскиот премиер на имотот Фармли во Даблин, американскиот претседател рече дека обединета Ирска би била „големо признание за сите“. „Како би можело тоа да биде лошо?“, праша тој.

Еден новинар го праша за неговото мислење за ирското обединување. Свртувајќи се кон ирскиот премиер Михол Мартин, кој седеше до него, Трамп додаде: „Разговараме за тоа, а вие го имате вистинскиот човек овде кој би можел да го придвижи процесот. Но, да, мислам дека тоа би било фантастична работа“.

„Новинарите се обидуваат да ми наместат стапица“

Тој подоцна дополнително го нагласи својот став за време на обраќањето во резиденцијата на американскиот амбасадор. Тој се потсети како еден новинар го прашал што мисли за обединувањето на Северна Ирска и Република Ирска.

„Морате да разберете дека со новинарите – барем кога станува збор за мене – секое прашање е стапица. Тие секогаш се обидуваат да ви наместат стапица, прашувајќи: 'Што мислите за обединувањето на Северна Ирска и Ирска?' Мислам дека дадов добар одговор. Утре ќе читаме за тоа“, предвиде Трамп.

„Тоа е едно од оние прашања на кои, без разлика што ќе кажете или колку добро ќе го кажете, нема добар одговор, нели? Има четири или пет такви – би можел да набројам и други, но нема да ве охрабрувам. Сепак, тоа беше едно од тие прашања. Всушност, реков дека, искрено, тоа би било многу одлична работа. Мислам дека би било одлично“, додаде тој. За време на средбата со Мартин, тој рече дека односите меѓу Ирска и САД „никогаш не биле толку добри како сега“. Тој го опиша Мартин како „пријател“ и рече дека „имале одличен однос уште од почетокот“. Трамп подоцна ќе отпатува во своето одморалиште за голф во Дунбег, округот Клер, каде што се одржува турнирот „Ириш опен“.

Бурнам ја отфрли можноста за референдум

Британскиот премиер Енди Бурнам поттикна политичка дебата на островот Ирска претходно оваа година, кога изјави дека референдум за обединување „не доаѓа предвид“. Според одредбите на Договорот од Белфаст, односно Договорот од Велики петок од 1998 година, британскиот министер задолжен за Северна Ирска е должен да распише референдум за статусот на Северна Ирска доколку смета дека обединувањето ќе биде поддржано од мнозинството гласачи. За да дојде до уставна промена, и граѓаните на Република Ирска мора да гласаат за обединување.

Извор: Индекс.хр

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Зошто Германците ја намалуваат брзината на автопатите дури и таму каде што нема ограничување?

Препорачана брзина од 130 км/ч во Германија: Што значи „Richtgeschwindigkeit“?

Зошто Германците ја намалуваат брзината на автопатите дури и таму каде што нема ограничување?

На одредени делници од германските автопати сè уште не постои општо ограничување на брзината. Сепак, сè поголем број возачи се придржуваат до брзина од околу 130 км/ч, а за тоа постојат неколку причини.

Во Германија постои таканаречена „Richtgeschwindigkeit“ – препорачана брзина од 130 км/ч.

Иако не е задолжителна на делниците без ограничување, надминувањето на оваа брзина може да има последици во случај на сообраќајна несреќа.

Ако возачот ја надмине брзината од 130 км/ч, може – под одредени околности – да сноси делумна одговорност за евентуалната штета.

Компаниите воведуваат сопствени ограничувања

На однесувањето на возачите влијаат и политиките на компаниите. Сè повеќе фирми ја ограничуваат брзината на службените возила на 130 км/ч, делумно за да ја намалат потрошувачката на гориво и трошоците за возниот парк.

Препораки за компаниите издадоа и организациите „Agora Verkehrswende“ и „Öko-Institut“, истакнувајќи дека ограничувањата на брзината можат да придонесат кон помала потрошувачка на гориво и поголема одржливост.

Некои институции одат и чекор понатаму. Државната канцеларија за финансии на Северна Рајна-Вестфалија (*Landesamt für Finanzen Nordrhein-Westfalen*) препорачува максимална брзина од 110 км/ч за службените возила на автопатите.

Ограничување од 130 км/ч важи и за возилата со кои управува „BwFuhrparkService“, организацијата одговорна за голем дел од возниот парк на германската војска.

Според „Autoblog.nl“, постојат и извештаи дека почитувањето на ова правило се следи преку телеметрија. Горивото е уште една причина за возење со помала брзина.

На крајот на краиштата, постои и многу практична причина: цената на горивото.

Кога литар гориво во Германија чини околу 2,30 евра, возењето со поголеми брзини резултира со значително поголема потрошувачка.

Според тоа, фактот што на одредени делници од патот нема ограничувања на брзината, не значи дека повеќето возачи ќе возат со максимална брзина.

За многумина, 130 км/ч е едноставно компромис помеѓу брзината, потрошувачката на гориво, безбедноста и трошоците.

Извор. Б92

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер