Состојбата со Ковид-19 во Гостивар се влошува - Канал 5

Македонија

Состојбата со Ковид-19 во Гостивар се влошува

Последните бројки од ковид статистиката за Гостивар се алармантни. 

Состојбата со Ковид-19 во Гостивар се влошува

Речиси десетина од активните случаи во земјава се на територијата на трите гостиварски општини. Во текот на вчерашниот ден регистрирани се 82 новозаразени. Од компликации со коронавирусот починале две повозрасни лица. Влошената епидемиолошка состојба во градот упатените ја толкуваат со непочитување на заштитните мерки, со оглед дека најголемиот број на новоинфицирани се од семејни кластери и прослави.

Од Министерството за здравство информираат дека во последните 24 часа во гостиварско имало 82 позитивни тестови на Ковид-19. Пријавени се две починати лица (67г и 72г). Во Гостивар има 370 активни случаи.

Зголемениот број новозаболени го потврдуваат и медицинарите во гостиварската болница. Раководителот на инфективното одделението д-р Ратко Наумоски вели дека нагло е пораснат и бројот на пациенти на кои им е потребна хоспитализација. Одделението е речиси полно и се планира повторно отварање и прием на болни во модуларната болница.

Според клиничката слика, дел од нив добиваат кислородна поддршка, а има и случаи во потешка состојба и тоа се пациенти со други коморбидитети. Амбулантски прегледи минатата недела побарале четириесетина лица, а како што вели д-р Наумоски, карактеристично е што станува збор за помлади пациенти, главно под 35 години. Порастот на новозаболени, според него, е поради непочитување на мерките за заштита.

– Луѓето како да заборавија на носење маски, миење раце, одржување дистанца, иако пред два месеци предупредуваме. Сметам дека во голема мерка така е и поради укинувањето на рестриктивните мерки, нема никакви ограничувања. Во затворени простории, маска ретко кој носи, се одржуваат прослави на кои присуствуваат многу луѓе. Граѓаните без ограничување патуваат на одмори, а на граница за влез не се бара тест, потврда за вакцина, вели д-р Наумоски.

Влошувањето на епдимеиолошката состојба на подрачјето го зголеми и интересот за заштита со вакцинирање во регионот Гостивар. Дневно се аплицираат од 300 до 500 вакцини. Медицинскиот персонал работи во две смени од 8:30 до 18 часот. Минатата недела биле дадени речиси 2.500 вакцини.

Деновиве имаше редици пред пунктот за вакцинација. Од здравствен дом Гостивар, институцијата задолжена за спроведување на вакцинацијата против Ковид-19 велат дека се соочени со технички потешкотии во системот. Интернет врските и преоптеретеноста го прават нефункционален на периоди и го забавува работењето. Дополнително оптоварување е и тоа што медицинските власти го скратија рокот за ревакцина. Лекарите повикуваат на трпение.

– Имаме многу работа. Сега почнавме и давање на втората доза вакцини „Синовак" и „Астра Зенека". Иако овие пациенти беа закажани за септември, од Министерство го скратија рокот за ревакцина, па во исто време доаѓаат и тие кои се со термин и тие кои сакаат побрзо да се ревакцинираат. Сега и условите се потешки. Се водиме како четири пункта, но практично граѓаните ги примаме на едно место, па така во еден термин имаме четворица пациенти. вели Дафина Богданоска, одговорната докторка на вакционалниот пункт.

Таа појасни дека до скоро работеле во модуларната болница, но заради влошување на епидемиолошката состојба, просторот требаше да се ослободи и да продолжат во делот Здравствениот дом во делот за вакцинација./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

БМВ во Регенсбург произведе 9 милиони автомобили- славеничкиот е моделот iX1 (ФОТО)

Фабриката на БМВ во Регенсбург го произведе својот деветмилионити автомобил од почетокот на работата во 1986 година. 

БМВ во Регенсбург произведе 9 милиони автомобили- славеничкиот е моделот iX1 (ФОТО)

Јубилејниот модел е електричниот модел iX1 во специфичната боја Velvet Orchid II Metallic, направен по нарачка на клиент од Шведска. БМВ планираше прославата на овој рекорд во производството да се совпадне со 40-годишнината од фабриката.

Од Серија 3 до девет милиони возила

Фабриката во Регенсбург започна со работа во 1986 година со производство на моделот Серија 3 (E30). Според договорот меѓу БМВ и градот во тоа време, планираниот капацитет беше 400 автомобили дневно со 3.500 вработени. За споредба, во текот на 2025 година, фабриката работеше во три смени, а според БМВ, нов автомобил излегуваше од производствената линија приближно на секои 57 секунди.

Поради таквото темпо, во 2025 година, Регенсбург стана фабриката на БМВ со најголем обем на производство во Европа. Таа година, околу 356.000 возила беа испорачани на клиенти низ целиот свет. Денес, приближно 9.000 луѓе работат на поврзаните локации во Регенсбург и Вакерсдорф, што е значително повеќе од првично планираниот број на вработени.

Производствената програма на фабриката денес се базира на кросовер моделите X1 и X2. Бензинските, plug-in хибридните и целосно електричните верзии се склопуваат на истата производна линија. Благодарение на оваа флексибилност, BMW произведе повеќе од 150.000 електрифицирани возила во Регенсбург во текот на 2025 година без да го забави производството на модели со мотори со внатрешно согорување.

Иако точниот процент не е објавен, Серијата 3 беше најзастапениот модел произведен во фабриката четири децении. BMW наведува дека фабриката во Регенсбург произвела повеќе од 8,7 милиони возила до крајот на 2025 година, а дека во септември 2026 година ќе достигне бројка од девет милиони.

BMW iX1 во Velvet Orchid II Metallic боја

Бојата Velvet Orchid II Metallic е дел од специјалната Individual програма на BMW. Оваа опција им овозможува на клиентите да изберат надвор од стандардната палета на бои за да добијат уникатно возило. BMW нагласува дека станува збор за нијанса што се издвојува од толпата.

Изборот на боја од програмата Individual значи дека автомобилот е произведен според точните спецификации на клиентот, а не испорачан од залиха. Ова беше случај и со јубилејниот модел iX1.

BMW го истакнува овој јубилеен автомобил не само како производ, туку и како симбол на можностите на својот производствен систем. Со него, тие ја демонстрираат флексибилноста што овозможува истовремено производство на модели со различни погони, како и стратешки фокус на кросовери базирани на платформа со погон на предни тркала.

Овој пристап одразува поширока транзиција во рамките на гамата на BMW, која се движи од класични модели кон архитектури првенствено развиени за електрични возила. Способноста на фабриката во Регенсбург да ги произведува сите овие варијанти на една линија, без потреба од посебен погон за електрични модели, е клучен индикатор за стратегијата на компанијата.

Тагови: автомобили бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хаос во Сеута- мигрантите ја нападнаа шпанската полиција, ангажирана е и војската- има повредени (ВИДЕО)

Од рано утрово имаше голема тензија во Бенитез и Трамболина, плажите на Сеута.

Хаос во Сеута- мигрантите ја нападнаа шпанската полиција, ангажирана е и војската- има повредени (ВИДЕО)

Илјадници мигранти се обидуваат да се упатат кон пристаништето Пониенте, со трчање и стампедо што во неколку наврати го пробиваа полицискиот кордон. Полицијата спроведува рации, користејќи гумени куршуми и извлекувајќи малолетници што ги пронашла од толпата за да ги заштити од ризикот да бидат прегазени.

Преместувањето на илјадници мигранти кои престојуваат во импровизирани кампови на плажите Трамболина и Бенитез започна во 6:30 часот наутро овој петок, во услови на голема тензија. Националната полиција предводи голема операција со повеќе од 150 полицајци, поддржани од членови на Цивилната гарда и армијата, а операцијата ја координира персонал од Министерството за миграција.

Ситуацијата е исклучително комплицирана од рано наутро. Илјадници луѓе се собраа со надеж дека ќе добијат место во една од приемните зони обезбедени во Сеута, а нетрпението да се напуштат плажите предизвикува постојана тензија, објави Телеграф.

Националната полиција се обидува да ја совлада толпата и да го организира преместувањето, но во неколку наврати притисокот на луѓето ги проби полициските кордони. Имаше трчања, стампедо и полициски напади, а полицијата мораше да користи гумени куршуми за да спречи поголеми групи мигранти неконтролирано да трчаат кон пристаништето Пониенте.

Еден од најголемите ризици е присуството на малолетници во толпата. Полицијата идентификува деца и адолесценти меѓу луѓето и ги извлекува од групата за да ги однесе на безбедно место и да спречи да бидат прегазени за време на трчањето и стампедото.

Операцијата имаше за цел да ги премести мигрантите од почетокот на плажата Бенитез до сервисниот пат на пристаништето Пониенте, но очајот на луѓето да добијат место во приемните зони го направи практично невозможно преместувањето да се одвива на целосно организиран начин.

Во некои моменти, стотици луѓе почнаа да трчаат истовремено, предизвикувајќи вистинско човечко стампедо. Беа регистрирани падови, а неколку лица беа повредени во настанатата конфузија.

Поминаа 49 дена од масовниот влез на мигранти во Сеута, а ситуацијата меѓу оние што сè уште живеат на плажите станува сè поочајна. По недели поминати на отворено, сите сакаат да ги напуштат импровизираните населби и да добијат место во приемните зони.

Сепак, нема место за сите. Обезбедените објекти имаат капацитет за околу 1.700 луѓе, што не е доволно за да се сместат илјадниците мигранти што сè уште чекаат да бидат преместени.

Операцијата продолжува со силно полициско присуство, а приоритет е да се спречат понатамошни стампедоа и да се обезбеди безбедноста на мигрантите, особено на малолетниците.

Иако операцијата за преместување започна во раните утрински часови, големиот број луѓе што треба да се префрлат и хаотичните сцени што се случуваат ја забавија операцијата, оставајќи ги жителите во областа неспособни да ги користат своите возила за да одат на работа или да ги носат своите деца на училиште.

Тагови: мигранти Сеута

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Врховен детектирал пропусти во случајот„Ласкарци“, побара супервештачење и наложи ослободување на еден од осудените

Врховниот суд утврди дека Апелација не докажала како конкретно секој од осудените придонел за трагедијата кај Ласкарци. 

Врховен детектирал пропусти во случајот„Ласкарци“, побара супервештачење и наложи ослободување на еден од осудените

Не е доволно утврдено како постапките на секој од осудените придонеле за автобуската несреќа кај Ласкарци – ова е една од клучните забелешки на Врховниот суд во образложението за укинување на пресудата на Апелација. Врховен посочува дека вештачењата како причина за несреќата го наведуваат пропустот на возачот, а ја нотираат и техничката неисправност на автобусот. Но, останало неразјаснето во која мера таа неисправност придонела за несреќата и како конкретно дејствијата на останатите осудени се поврзани со трагичниот исход. Според вештачењата, немало траги од кочење, а откако автобусот бил насочен налево и ја напуштил средната сообраќајна лента, возачот веќе немал техничка можност со сопирање да го избегне ударот во оградата.

„Останува нејасно, врз основа на кои факти и докази второстепениот суд заклучува дека неспорно произлегува дека во дејствијата на останатите осудени се содржани елементите на кривичните дела кои им се ставаат на товар. За конкретните кривични дела потребно е постоење на субјективна одговорност на сторителот за конкретната сообраќајна незгода, но не и објективна одговорност.“

Забелешки има и за здравствената состојба на возачот Маноил Трифуновски. Поради спротивставените вештачења, според Врховен требало да се утврди дали е неопходно дополнително супервештачење. Највисокиот суд оценува и дека во првостепената пресуда преовладувал дескриптивен пристап со извадоци од доказите, без доволно образложение за заклучоците, а Апелација не ги отстранила овие недостатоци и дала воопштени одговори на прашања од суштинско значење за утврдување на кривичната одговорност.

„Второстепениот суд недоволно ги ценел и наводите кои се однесуваат на начинот на водењето на кривичната постапка, како што е наводот на осудениот М.Т. за неспроведување на супервештачењето за неговата здравствена состојба, и други наводи истакнати во жалбите на осудените. При испитување на ваквите жалбени наводи потребно било да се утврди неопходноста од спроведување на супервештачење, ценејќи го фактот дали станува збор за спротивставени вештачења поднесени од спротивните странки.“

Со веќе укинатата пресуда, возачот Маноил Трифуновски беше осуден на 14 години затвор, сопственикот на „Дурмо турс“ Дурмиш Белули и одговорниот за транспорт Ремзи Мифтари на по 10, Игор Ѓорѓиевски и Горан Дуковски од станицата за технички преглед на по 7, а Јане Боварски на 5 години затвор. Од Кривичниот суд денеска соопштија и дека Боварски се ослободува од понатамошно издржување на казната до донесување нова судска одлука, со објаснување дека станува збор за единствениот осуденик од предметот чија казна се извршувала преку упатен акт издаден од скопскиот суд.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер