Балкан

Состојбата на повредените во несреќата во Нови Сад е многу тешка, биле сослушани 26 луѓе

Тројцата повредени во трагичната несреќа во Нови Сад и натаму се во критична состојба…

Србија тагува за изгубените животи во несреќата во Нови Сад, повредените се борат за живот, досега никој не презеде одговорност за трагедијата во која загинаа 14 лица, меѓу кои македонскиот научник Васко Саздовски. Премиерот на Србија, Милош Вучевиќ, кој е во работна посета на Шангај, оттаму изјави дека обвинителството и полицијата работат на утврдување кривична одговорност за несреќата, но и дека политичка одговорност ќе има и таа ќе се утврди во наредните денови.

-Што се однесува на политичка одговорност, таа мора да постои, тоа не е спорно. Јас и пред малку зборував со претседателот на државата и синоќа, веќе не знам ни по кое време, доцна, по српско време се слушнавме, тоа воопшто не е прашање. Само што ќе ја донесеме таа одлука со ладна глава и рационално, а не не со твитови и објави на социјалните мрежи и лепење на плакати, туку за таа одлука од која не се бега и нема да се бега, ниту тоа се може, таа ќе биде резултат на одговорен политички разговор, изјави српскиот премиер.

Првиот човек на српското МВР, Ивица Дачиќ, соопшти дека вчера биле сослушани 26 лица, меѓу кои и надлежниот министер Весиќ, а распитите продолжуваат и денеска. Во разговор за државната телевизија кажа дека во моментот на уривањето на бетонската натстрешница на Железничката станица под неа биле 17 луѓе, од кои само тројца преживеале, но оти нивната состојба и натаму е критична. Се работи за две девојки и едно момче на возраст од 18 до 25 години. На момчето и едната девојка им се ампутирани двете нозе, додека на другата девојка, која спасувачите првично не можеле да ја видат туку ја слушнале од под рушевините, и е ампутирана раката.

-Јас знам дека спасувачите измерија во текот на подигнувањето на бетонот од една личност која преживеа, тежината била околу 26 тона. Јас кога дојдов ја затекнав таа жена, тоа беше вака на 3 метра, таа беше на самиот крај на оградата. Само главата и се гледаше, се останато беше покриено со бетон. Таа беше жива, гледаше во нас. Пожарникар, односно спасувач, го ризикуваше својот живот, влезе под бетонот да и даде малку вода и да приклучи инфузија, за да и помогнеме, но можеше да се сруши целата таа конструкција...изјави Дачиќ

Новинарка: Цела Србија навистина чека одговор на прашањето: Кој е виновен? Кој е одговорен г-дине Дачиќ?

-Знаете што, тој дел од процесот не е во рацете на министерството за внатрешни работи, туку тоа е истрага која ја води Обвинителството, вели Дачиќ.

Српските граѓани со тага и неверување им оддаваат почит на настрадините од уривањето на бетонската натстрешница, меѓу кои има и деца. Во Војводина е втор ден на жалост.

„Тоа се знае кој е одговорен, оној кој ги изведувал работите, оној кој надгледувал, надзорниот орган, а не Заводот за заштита на споменици на културата. Тоа е веќе еден доказ дека работите сакаат да се тргнат од правиот пат – настрана. Да не се дознае вистината.“

„Јас немам зборови, јас од вчера само чувствуван, бескрајна тага, бес и чувствувам немоќ, велат граѓаните.“

Во меѓувреме неколку стотици луѓе се собраа на протест во Белград пред надлежните институции револтирани од трагедијата во Нови Сад. Насобраните граѓани бараат оставки и кривична и политичка одговорност за несреќата.

Дел од учесниците на протестот ги обоија рацете со црвена боја и оставија отпечатоци со порака до властите дека „рацете им се крвави“. Граѓаните и активистите носат транспарент со пораки „Злосторство, а не трагедија“ и „Оставки“. Протестот започна на плоштадот Сава пред старата железничка станица во Белград со едноминутно молчење за жртвите во Нови Сад и читање на имињата на 14 лица кои загинаа при уривање на настрешницата. Насобраните потоа се упатија кон зградата на Министерството за градежништво, а оттаму кон Владата на Србија во центарот на Белград.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Утре референдумски ден „Д“ за Исланд – ќе тргне ли островската држава повторно кон ЕУ?

Исланд утре пред одлука – за или против обновување на преговорите за членство во ЕУ.

По повеќе од деценија откако ги напушти амбициите, граѓаните на референдум ќе се изјаснат дали земјата да го продолжи европскиот пат. Ова според проценките е првиот чекор на тамошната Влада која сака да го приближи Исланд кон Брисел. Но пред клучниот ден нацијата е поделена. Според последната анкета резултатот засега е неизвесен. 46 отсто од граѓаните се за продолжување на преговорите, исто толку се против, а околу осум отсто сè уште немаат одлучено.

За Исланд едно од најчусвствителните политички прашања е контролата врз сопствените води и рибните ресурси, а граѓаните се поделени и околу воведувањето на еврото како валута наместо исландската круна, како и за трансферот на моќта за донесување одлуки на Брисел.

-Според мене мислам дека најважно е дали имаме нешто да кажеме за нашите ресурси и колкава моќ и даваме на ЕУ. Мислам дека е важно да сме свесни што губиме, а што добиваме.

- Мислам дека е многу важно што размислуваме, јас барем размислувам, за иднината, за моите деца и внуци. Сакам да имаат можности, помали такси, полесна валута како што е еврото наместо круна. Мислам дека е постабилно за нас. Ние сме мала нација и повеќето од поголемите компании користат евра. Па, зошто да не и јавноста?

-Мислам светската клима се менува. Мислам дека вреди барем да се погледне што друго се нуди таму, бидејќи ние сме мала нација, дали може да стоиме сами во менувањето на климата на светот, се дел од ставовите на Исланѓани.

Најтешкото прашање во јавноста, сепак, останува рибарството. Рибарската индустрија, столб на економијата на Исланд и симбол на националниот идентитет, се плаши дека Заедничката политика за рибарство на ЕУ ќе ги отвори исландските води за странски флоти.

-Имаме 100 посто од профитот во Исланд и сакаме така и да остане. Тоа се нашите загрижености, ако се придружиме во заедничката рибарска политика со ЕУ овој синџир на вредности, кој го генерира целиот овој профит за исландската популација, дека тоа ќе биде растргнато, велат дел од експертите.- Хеидрун Мартејнсдотер – експерт за рибарски сектор

Исланд е специфичен кандидат бидејќи веќе е силно интегриран со Унијата. Земјата е дел од Европската економска област, учествува на единствениот европски пазар и е членка на Шенген. Исланд ги напушти преговорите со ЕУ во 2013-та година откако тогашните власти по финансискиот колапс пет години претходно оценија дека економијата закрепнала и островската држава може да се потпре на сопствените сили.

Македонија

Седум активни пожари во Македонија

До 13 часот регистрирани се седум активни пожари, информираат од ЦУК.

Гори во општина Сарај кај село Копаница, кај гостиварско Трново, како и во општина Македонски Брод кон селата Битово, Заград и Страјане. Активни пожари има и над село Нежилово во Чашка, во општина Јегуновце кај село Копанце, над касарната во Прилеп и кај старите гробишта каде горат дива депонија и ниска вегетација. Пожар има и во околината на охридските села Велмеј и Брежани..

Македонија

Православните верници денеска го празнуваат Успението на Пресвета Богородица

Во време на болести од неа се барало здравје, во војни се барал мир, а во очај се барала надеж, скопјани со векови најмногу клекнувале пред својата заштитничка Богородица – шепотејќи и ги своите молитви.

Празникот Голема Богородица не е само црковна прослава, туку празник на духовноста, традицијата и едно од најстарите наследства на Скопје – а за тоа сведочат и бројните храмови кои со векови се издигале во нејзино име во градот кој ја смета за своја покровителка.

Онаа на која денеска дојдовме молитвено да и се поклониме е избраната девојка од Назарет, скромната и понизна Марија која светот не ја знаел, но небото ја знаело, која немала круна, над неа се поклонувале ангелите – порача во своето обраќање Австралиско – новозеландскиот митрополит Никола кој ја водеше литуригијата.

-Денеска земјата го испраќа своето најчисто чедо кон небото, а небото ја прима мајката на животот, денес не плачеме зошто Богородица заминува од нас и се радуваме затоа што гледаме каде води патот на оној кој што целосно му се предал на Бога. Прими ги денес нашите молитви, ти која го носеше Христа во своите раце, научи не како да го примиме во нашите срца. - Никола – Митрополит Австралиско – новозеландски

Илјадници верници денеска се упатија во храмовите низ Скопје, а добар дел од нив традиционално го посетија еден од најзначајните споменици во околината на градот – средновековниот манастир кој го носи името на денешниот празник – Успение на пресвета Богородица, издигнат во кањонот Матка пред повеќе од седум векови.

-Секојдневните грижи и брзање, по минувањето на оваа капија остануваат надвор – верниците ги препуштаат мислите на Бога и молитвите во целосен духовен мир

Здравје, спасение и простување на гревовите беа најчестите молитви меѓу верниците, кои запалија свеќи и се поклонија пред мајка Богородица. Дел од нив денеска го завршија и 14-дневниот пост и се причестија.

-Секоја година доаѓам овде, на тие што не биле им препорачувам да дојдат во овој прекрасен манастир и ова прекрасно место. Духовен и телесен е постот, се чистиш од тие телесни грешки, гревови ги правиме. Секогаш доаѓаме во овој манастир и секогаш сме тука, помагаме, се трудиме да биде се во ред и така. Целта на постот е за духовно да се изградиме себеси, ако можеме да речеме „НЕ“ на некои основни работи, понатаму во животот ќе можеме и за други. Да запалиме свеќа, да се посветиме на бога. Сите да се добронамерни, добри, со добри мисли.

Празникот не е само ден на молитва и духовност, во чест на Голема Богородица со децении трае хуманата, крводарителска традицијата. Димче Филипов, кој во својот живот 83 пати донирал од својата крв, веќе 5та година по ред тоа го прави и во Манастирот на Матка.

-Сум имал можност да видам работи кои не треба да се видат, да кажеме сообраќајки и слично, на некој некаде можеби му треба, спасување живот едноставно. - Димче Филипов – Крводарител

Додека се кажуваат молитвите, не можат а да не се забележат и фреските во овој историски манастир, кои биле нацртани од охридската сликарска школа уште во 1497 година, а денеска живописот стои на забот на времето. Во Јуни министерството за култура испрати ургенција за итно постапување до конзерваторски, но два месеци подоцна, сликата останува иста.