Македонија

Состојба на патиштата: Нема подолги задржувања за влез и излез од државата

Сообраќајот на државните патишта се одвива непречено, по влажни коловози.

Сообраќајот на државните патишта се одвива непречено, по влажни коловози.Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, се вели во соопштението од АМСМ за состобата на патиштата.

19 октомври 2025

СОСТОЈБА: Сообраќајот на државните патишта се одвива непречено, по влажни коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Патниот правец Охрид – Ресен преку националниот парк Галичица од 17.04.2025 г. е пуштен за сообраќај за возила до 3.5 тона.

РАБОТИ НА ПАТ:

На експресниот пат А2, Крива Паланка - Страцин на km 14+200 (близу с.Петралица) започната е регулација на времен режим на сообраќај поради изведување на градежни активности. На тој дел делницата во текот на денот од 07:00 до 17:00 сообраќајот ќе се одвива со рачна регулација со помош на знаменца, а во остатоткот од денот со светлосна сигнализација - семафори.

ВИАДУКТ Трејд Гостивар известува дека на ден 24.09.2025 год. започнa со градежни активности – санација на потпорни ѕидови кај подпатник на Државен пат А2, обиколница Скопје на км 21+840,00 до км 21+987,00, за што ќе се изврши промена на режимот на сообраќај во времетраење од 4 (четири) месеци. (Од 06.10.2025 г. во период од 4 месеци сообраќајот на патниот правец Велес - Тетово и обратно помеѓу клучките Волково и Кондово е целосно затворен поради изведба на градежни работи и истиот ќе се одвива двонасочно во должина од 300 метри во правецот Тетово-Велес.)

Од 12.09.2025 (петок) се започнучува со градежната активноста - санација на свлечиште на регионален пат Р1202 делница Косоврасти - Мелнички Мост, односно ќе се воспостави времена измена на режимот на сообраќај до завршување на активностите.

Виадукт Трејд – Дооел од 01.09.2025 г. започна со нова фаза на градежни активности, односно воспоставена е времена измена на режимот на сообраќај - времена семафоризација со наизменично пропуштање на возилата при санација на мост Здуње (мост на река Вардар), државен пат А2, делница Гостивар - Стража во временски период од 6 (шест) месеци.

Поради изведба на проектот „Изградба на патна делница Градско – клучка Дреново“, дел од Коридор 10д, ќе има временa изменa на режимот на сообраќај на Експресниот пат А1, делница Градско – Дреново. Измените ќе важат од 04.08.2025 до 16.09.2025 година, при што сообраќајот ќе биде пренасочуван и регулиран со поставена соодветна сообраќајна сигнализација.

Од ден 26.05.2025 започнaa со градежни активности - санација на мост на река Драгор на ул. “Довеџик” општина Битола, со што има затворање на сообраќајот кај мостот на ул. “Довеџик" при што сообраќајот се пренасочува по времен премин - девијација.

Патниот правец Р2337 Кичево – крак со с. Цер од ден 12.05.2025 е целосно затворен за сообраќај од 10.00ч. – 16.00ч. поради изведување на градежни работи на пат – (асфалтирање).

На ден 13.05.2025 започнa со градежни активности - санација на мост на река Вардар на државен пат А2, делница Гостивар-Стража, односно ќе се воспостави времена измена на режимот на сообраќај.

Од 24.04.2025 г. има привремена промена во сообраќајот на делот од државнот пат А2 – делница Желино - Тетово, помеѓу бензинската станица Макпетрол и северниот влез на Тетово. На овој дел од патот се врши геодетско снимање и една сообраќајна лента ќе биде затворена во неколку фази. Работите ќе траат до нивно завршување.

Синтек Инженеринг известува дека отпочнува времена измена на сообраќајот на автопат А1, делница Демир Капија – Смоквица од 17.4.2025 г. до 31.5.2025 г., поради изведба на реконструкција на десната тунелска цевка на Тунел Т2. Десната тунелска цевка на тунел Т2 е целосно затворена за сообраќај, а сообраќајот е пренасочен во левата тунелска цевка.

Според известување од Виадукт Треј Дооел – Гостивар од 09.04.2025 година (Среда), ќе се врши реконструкција на дилатациони спојки на дел од автопатот Неготино-Велес (клучка Неготино), каде сообраќајот ќе се одвива во една сообраќајна лента во правец од Неготино кон Велес во времетраење од 15 дена.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани. Овој времен режим е започнат од 03.04.2025 година и ќе трае до завршувањето на градежните активности

На експресниот пат А1, делница Градско – Дреново, од 17.03.2025 г. до 04.04.2025 г., поради монтажа на дилатација на еластичната одбојна ограда на вијадукти и мостови, сообраќајот ќе биде пренасочен и регулиран на одредени делови од оваа делница.

На автопат А1, делница Демир Капија – Смоквица од 20.02.2025 г. до 31.05.2025 г., поради изведба на реконструкција на левата тунелска цевка на Тунел Т2 ќе има времена измена на сообраќајот. Левата тунелска цевка на тунел Т2 е целосно затворена за сообраќај, а сообраќајот е целосно пренасочен во десната тунелска цевка со двонасочно одвивање на сообраќајот.

“Доо Стентон Градба – Битола” известува дека согласно Одобрение за времена измена на режим на сообраќај, на магистрален пат А1 делница Фариш – Прилеп ќе врши санација на ударни дупки од 19.12.2024 г. до завршување на градежните работи.

Времена измена на режим на сообраќај на регионален пат Р1306 делница Прилеп-Крушево -Сладуево, заради започнување со градежни активности во врска со проект Санација на оштетувања на регионален пат Р 1306 делница Прилеп-Крушево-Сладуево, во вид на слегнувања на трупот на патот на стационажа од км 15+100 до км 15+600. Заради тоа од 16.12.2024 год. па се до завршување со градежни активности ќе се изврши целосно затворање на делницата во потег од Мало Коњари до Кривогаштани. При тоа сообраќајот ќе се одвива по друга делница во склоп на поставената сообраќајна сигнализација, согласно Одобрение за времена измена на режим сообраќај и Сообраќаен проект.

На 08.10.2024 година поради изградба на патен коридор 10Д, делница Прилеп - Битола, извршено е пренасочување за секаков вид на сообраќај и тоа од клучка Тополчани по Р1101 до депонија Алинци. Временскиот режим ќе трае во временски период од една година.

СТРАБАГ АГ Подружница СТРАБАГ Скопје известува за времена измена на сообраќајот од 08.10.2024 до 31.12.2024 година на автопат А1 делница Велес – Неготино поради изградба на делница Градско - клучка Дреново. Сообраќајот ќе се одвива под времен режим со соодветно поставена сообраќајна сигнализација.

Од 09.07.2024 г., на десна коловозна лента на автопат Скопје - Куманово извршена била времена измена на режим на сообраќај, при што во должина од 1000 метри (пред НС Миладиновци до НС Миладиновци), сообраќајната лента за принудно запирање и сообраќајната лента за возење ќе бидат затворени, додека сообраќајот ќе се одвива по левата сообраќајна лента за претекнување.

Жикол Дооел Струмица известува дека поради вршење на градежни активности на објект: Реконструкција со проширување на регионален пат Р1109 делница Понов мост - влез во Богданци, сметано од 24.06.2024 година ќе биде поставен времен режим на сообраќај.

Времена измена на режим на сообраќај на автопат А1, делница Петровец - Катланово, заради извршување на градежни активности. Измената на режим на сообраќај ќе започне да се применува од петок, 31.05.2024, а во врска со проектот за завршување на работите на рехабилитација со проширување на наведената делница од автопатот.

Времена измена на режим на сообраќај на регионален пат Р1101 делница Прилеп - Битола заради интезивирање на градежни активности во врска со проект "Санација на трупот на патот кај мост на река Шемница на Државен пат Р1101 км 85+903, делница Прилеп - Битола", и тоа од 27.03.2024 ќе има целосно затворање на делницата.

На 26.03.2024 година од 14.15 часот извршена е времена измена на режимот на сообраќајот на делницата од автопатот 300м после надвозник „Маџари“ до клучка „Белви“ за време на поправка и рехабилитација на државен пат А1/А2 делница Скопје-Куманово (десна коловозна лента) каде што со ветикална сообраќајна сигнализација во должина од 200м сообраќајот се канализира и успорува од левата (за претекнување) сообраќајна лента во средната (за возење) сообраќајна лента за да потоа во должина од 1500м целиот сообраќај ќе се одвива по сообраќајната лента за претекнување (левата), а средната и сообраќајната лента за принудно запирање ќе бидат затворени за сообраќај.

Од 18.03.2024 г. има измена на режимот на сообраќај на државниот пат Р1101, делница Прилеп – Битола, заради интезивирање на градежните активности во врска со проект Санација на патот, кај мост на река Шемница.

Започнувајќи од 11.12.2023 год. ќе биде изменет режимот на сообраќај на магистралниот пат A3, делница Прилеп - Битола поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните работи.

Започнувајќи од 05.12.2023 год. е изменет режимот на сообраќај на државен пат A2, делница Тетово - Гостивар во двата правци на движење поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните.

Oд 24.11.2023 година, режимот на сообраќајот на делницата од автопатот А-1, Куманово – ГП „Табановце “поточно кл. Куманово-кл. Кр. Паланка, десната сообраќајна лента за присилно запирање и застанување е затворена за сообраќај во должина од 500м, додека сообраќајот се одвива по сообраќајната лента за возење и претекнување.

ГД Гранит АД Скопје известува дека согласно ново издаденото одобрение за времен режим на сообраќај поради изведување на градежни работи на Автопат А4, делница ГП "Блаце" - Скопје (клучка "Стенковец") Подделница 1 – од 08.11.2023 г. постоечкиот локален пат до с. Блаце од магистраниот пат А4 пред граничниот премин ќе биде затворен, а пристапот до с.Блаце ќе биде обезбеден по привремен пат пред граничниот премин, согласно поставената сообраќајна сигнализација. Останува и претходно воспоставениот времен режим на сообраќај согласно кој на 2 км пред граничниот премин "Блаце" на местото на изведување на градежните работи сообраќајот се одвива по двонасочен режим на сообраќај (со два нови кружни тека) и поставена соодветна сообраќајна сигнализација.

На 07.11.2023 г извршена е времена измена на режимот на сообраќајот на делницата од Автопат А1, Пeтровец – Катланово - рехабилитација со проширување на автопатот А1 (лево и десно коловозот во двата правца) во должина од 6000 м, сообраќајот ќе се одвива по новоизградената коловозна лента (Катланово - Петровец) двонасочно, со вертикално поставена сигнализација, додека коловозната лента Петровец - Катланово ќе биде затворена за сообраќај.

Oд 24.10.2023 година ќе се започне со реконструкција на регионалниот пат 1301 (Охрид-Свети Наум). Сообраќајот ќе се одвива непречено и ќе биде регулиран со содветна сообраќајна сигнализација.

ГД Гранит АД Скопје известува дека согласно издаденото одобрение за времен режим на сообраќај на Автопат А4, делница ГП "Блаце" - Скопје (клучка "Стенковец") Подделница 1 - проширување на постоен пат А4 од ГП "Блаце" до с. Блаце до ниво на автопат и изградба на дел од автопат со клучка за поврзување со локален пат до с. Блаце, на 2км пред Граничниот Премин "Блаце" од 06.10.2022 г. на местото на изведување на градежните работи се одвива нов времен двонасочен режим на сообраќај (со два нови кружни тека) со поставена соодветна соорбаќајна сигнализација. Сообраќајот се одвива континуирано без застој. Препорака до возачите за прилагодена брзина на движење и почитување на поставената сообраќајна сигнализација.

Oд 11.9.2023 г. воспоставен е времен режим на сообраќај во тунелот на патниот правец Блаце – Скопје, поради изведување на градежни работи – санација на тунелот. Поставена е светлосна сигнализација со наизменично пропуштање на возилата.

БИОН ДОО Тетово известува дека од 20.05.2023 година на патниот правец "Државен пат А3, делница: Буково - Охрид, подделница Буково - влез во Охрид" ќе има измена на времениот режим на сообраќај поради изведување работи што се предвидени на објектот "Поставување на сообраќајна сигнализација и опрема на државен пат А3, делница Буково - Охрид, подделница Буково - влез во Охрид". Режимот ќе биде според сообраќајниот проект. Работите на објектот се предвидени да завршат на 29.02.2024.

Од 14.06.2023 година почнува проектот „Санација на трупот на патот Р1303, делница Македонски Брод – Прилеп, премин Барбаpос. Сообраќајот на овој патен правец ќе се одвива непречено со ограничување на максимална брзина до 30 км/час.

Поради изведување на градежни работи (реконструкција на коловозот) на патниот правец Подмоље – Охрид на магистралниот пат А3, сообраќајот ке биде пренасочен преку регионалниот пат Р-1208. Работите започнуваат на 09.6.2023,на местото ќе биде поставена соодветна сообраќајна сигнализација.

Почнувајќи од 06.03.2023 г., на автопатот А1, делница Петровец – Катланово, започнуваат градежни активности поради што има изменет режим на движење на возилата. Сообраќајот се одвива непречено и се препорачува внимателно пристапување.

Поради изведување на работи на експресниот пат од Градско до Дреново на државен пат А1, делница Велес-Неготино, ќе се применува времена измена на режим на сообраќај. Времениот режим ќе се применува во двата правци на автопат Е-75. Сообраќајот ќе се одвива непречено, со брзина од V=80km/h во зона на градилиште. Режимот ќе се применува се до целосна изградба на новата клучка Градско.

На патниот правец Градско - Прилеп се изведуваат градежни активности и затоа препорачуваме внимателно возење и прилагодена брзина на движење.

На патниот правец Кичево - Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење.

ИНФОРМАТИВЕН ЦЕНТАР

Тел. (02)15-555

Тагови: АМСМ Државни патишта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хегсет смени важен генерал во американската војска- откривал тајни за Иран?

Американскиот секретар за одбрана Пит Хегсет го отпушти еден од главните воени планери во Пентагон, генерал-полковник Брет Силвија, додека претседателот Доналд Трамп размислува за нови напади врз Иран.

Смената доаѓа по серијата заминувања на високи американски офицери, а Пентагон се уште официјално не ги објаснил причините, објави Ројтерс.

Силвија беше директор за стратегија, планирање и политика во Здружениот началник на Генералштабот на вооружените сили на САД. На оваа позиција, тој учествуваше во изработката на воени планови и стратешки препораки за американското воено раководство. Неговиот наследник сè уште не е именуван, објавија АП, Атлантик и Вашингтон пост.

Пентагон: Сомнение за протекување доверливи информации

Според информациите доставени до Си-Би-Ес Њуз и Фокс њуз од претставници на Пентагон, Силвија била отпуштена поради сомнение дека на новинарите им дала доверливи информации поврзани со војната против Иран и војната на Русија во Украина.

Еден официјален претставник тврди дека Силвија паднала на три полиграфски тестови поврзани со сомнителни протекувања. Според истиот извор, случајот е проследен до Министерството за правда на САД.

Ова се тврдења на анонимни функционери кои се уште не се независно потврдени. Не е објавено дека Силвија е обвинета, а неговата изјава за наводите не е достапна.

САД ги предупредија арапските земји за можен нов напад врз Иран

Смената доаѓа во особено чувствителен момент. Волстрит журнал објави дека Вашингтон предупредил неколку арапски земји од Заливот да се подготват за можна кратка, но интензивна воена операција против Иран по американските избори на 3 ноември.

Според извори запознаени со разговорите, предупредувањата биле пренесени преку дипломатски и воени канали. САД и Израел, наводно, подготвуваат нова рунда големи напади за да ги ослабат воените капацитети на Иран и да го принудат Техеран да преговара.

Американските сили истовремено го преместуваат персоналот од ранливите бази, обновуваат муниција и ја зајакнуваат противракетната одбрана на Блискиот Исток. Во регионот се испраќаат и дополнителни поморски сили.

Трамп се уште нема донесено конечна одлука за нови напади. Белата куќа соопшти дека нема да коментира за можните воени планови и дека претседателот ги држи отворени сите опции за да го спречи Иран да развие нуклеарно оружје.

Веќе втор генерал е отстранет од истата позиција

Силвија е вториот висок офицер кој Хегсет го отстрани од таа позиција. Неговиот претходник, генерал-полковник Џозеф Мекги, беше принуден да се пензионира минатата година.

Пред да дојде во Пентагон, Силвија командуваше со 101-та воздушно-десантна дивизија на американската армија. За време на неговата 32-годишна воена кариера, служел во Ирак и Авганистан, каде што бил ранет и одликуван за храброст.

„Вашингтон пост“ пишува дека неговото ненадејно отпуштање предизвикало незадоволство кај неговите колеги, кои го сметале за искусен и внимателен командант.

Силвија, исто така, претходно беше цел на десничарската активистка Лаура Лумер, блиска до Трамп, која јавно го повика Хегсет да ја преиспита својата позиција во војската.

Хегсет отстрани голем број високи офицери

Од доаѓањето на Хегсет на чело на Пентагон, голем број високи американски офицери беа сменети или оставени. Меѓу нив се и началникот на Генералштабот на армијата Ренди Џорџ и други генерали на важни командни позиции.

Според извештајот на АП, за време на мандатот на Хегсет, речиси дваесетина високи воени команданти си заминале, а причините за повеќето заминувања не се јавно објаснети.

Хегсет вели дека кадровските промени се дел од напорите за зголемување на одговорноста и ефективноста на војската. Тој, исто така, нареди намалување на бројот на највисоките офицерски позиции за 20 проценти до јануари 2027 година.

Неговите критичари, сепак, предупредуваат дека честите смени може да ја поткопаат стабилноста на командниот систем и да создадат притисок врз офицерите кои не се согласуваат со политичкото раководство.

Демократскиот конгресмен Сет Мултон, поранешен офицер на маринците, претходно предупреди дека политички мотивираните отпуштања може да доведат до политизација на војската и создавање на авторитарен синџир на команда.

Отстранувањето на Силвија доаѓа додека САД се подготвуваат за можност за нова ескалација во осуммесечната војна со Иран. Не се знае кој ќе ги преземе неговите обврски при планирањето на американските воени операции.

Тагови: Генерал Пит Хегсет

Култура

Пронајден е дрвен плакар во Помпеја- во него се најдени накит, монети, парфеми, прибор за шминкање...

Археолозите во Помпеја реконструираа дрвен плакар затворен речиси 2.000 години.

Во него се наоѓал накит, монети, парфем, алатки за шминкање и прибор за готвење, што дава увид во секојдневниот живот на жителите на градот пред ерупцијата на Везув во 79 година од н.е.

Делови од кабинетот се откриени во куќа на Виа дел’Абонданка, една од најпрометните улици во античка Помпеја, соопшти администрацијата на археолошкото наоѓалиште, објави Ројтерс.

Меѓу наодите е и ѓердан со најмалку 24 мали предмети направени од коска, стаклена паста, глинени садови и камен кристал, вклучувајќи претстави на боговите Бес и Меркур, како и минијатурни раце, стапала, борови шишарки и гроздови грозје. Ваквите ѓердани, познати како крепунтија, им биле давани на римските деца како заштитни амајлии и ѕвечкалки, а понекогаш се чувале и во зрелоста како сувенири од детството.

„Не можеме со сигурност да го реконструираме идентитетот на лицето кое живеело во куќата, но овие фрагменти нè доближуваат до нивниот секојдневен живот“, рече Габриеле Зактригел, директор на Археолошкиот парк Помпеја.

View this post on Instagram

A post shared by Parco Archeologico di Pompei (@pompeii_parco_archeologico)

Во плакарот се пронајдени и пинцети, мало стаклено шише за парфем или маст, кадилница, бронзени, стаклени и керамички садови и садови за готвење. Оловни тегови во дрвена кутија укажуваат дека некој се занимавал со трговија во куќата, додека мал плетен сад содржел 38 бронзени монети, соопшти Археолошкиот парк Помпеја.

Фактот дека парите и сентименталните предмети останале во куќата сугерира дека сопствениците немале време да ги отстранат по ерупцијата на Везув, се вели во извештајот.

„Помпеја не е само место на големи уметнички дела. Тоа е и место каде што најобичните предмети ја враќаат човечката димензија од минатото“, рече Зактригел.

Куќата е привремено поврзана со човек по име Корнелиј Максимус, врз основа на натписи пронајдени на локацијата. Неговата фасада првпат била ископана во 1912 година, додека некои од просториите зад неа неодамна биле истражени како дел од поширок проект за реставрација. За време на ископувањата, фрагментираните скелети на два млади глувци биле пронајдени во амфора лоцирана на подигнат простор за складирање.

Тагови: монети Помпеја

Автомобилизам

БМВ се пофали- милион возила се преместени во фабриките без возач

BMW Group регистрираше еден милион движења на возила во своите фабрики кои биле извршени без возач зад воланот.

Технологијата, позната како „Автоматизирано возење во фабрика“ (AFW), моментално се имплементира во четири фабрики на два континента. Системот беше лансиран како пилот-проект во 2022 година во фабриката во Динголфинг, а денес извршува околу 3.500 автоматизирани движења дневно.

Автоматизираното возење се користи во фабриките во Динголфинг, Лајпциг и Регенсбург и во производствениот погон на Mini во Оксфорд. БМВ ја разви технологијата во соработка со швајцарската компанија Embotech. Следниот чекор е воведување во сериска примена во фабриката на BMW Group во Спартанбург, Јужна Каролина, што е планирано за 2027 година.

Милион движења без возач

Оваа бројка ги вклучува сите автоматизирани движења од почетокот на пилот-проектот во 2022 година. Системот независно ги пренесува готовите возила и оние во фазата на производство помеѓу различни зони во рамките на објектот. Рејмонд Витман, член на одборот на BMW AG задолжен за производство, го поврза овој резултат со пошироките цели на компанијата. „Еден милион возила преместени со технологија за автоматизирано возење и примената на системот на четири локации досега се доказ за иновативната моќ и скалабилност на нашата производствена мрежа“, рече Витман.

Само фабриката на Mini во Оксфорд регистрираше повеќе од 53.000 автоматизирани движења во текот на изминатата година. Ова ја направи четвртата и најнова локација што системот ја користи во својата секојдневна работа. Искуствата собрани во британската фабрика му помагаат на BMW во планирањето на проширувањето на технологијата на американскиот пазар.

Како функционира системот

AFW возилата не се движат по јавни патишта, туку во рамките на јасно дефинирани производствени и логистички зони. Системот е дизајниран да реагира на луѓе, виљушкари и други возила во областа. BMW објаснува дека станува збор за најголемата LiDAR инфраструктура во Европа, која доставува податоци до сензорите, така што секое возило има преглед на околината.

Во фабриката во Оксфорд, автоматизираните возила се директно поврзани со постојните системи за контрола на возењето. Таа интеграција овозможи да се надмине бројката од 53.000 движења без да се забават производствените линии по кои работи системот. BMW наведува дека системот работи без прекин, а неговата сигурност надминува 99,5 проценти. Токму затоа BMW го проширува AFW во својата производствена мрежа надвор од Германија и Обединетото Кралство.

Фабриката во Спартанбург ќе стане петта локација за AFW и прва во САД кога системот ќе започне со производство таму во 2027 година. BMW ќе го примени истиот модел како во Европа, што значи дека ќе започне со помала гама, а потоа ќе ја прошири откако технологијата ќе биде докажана во реални услови на производство. Компанијата сè уште не објавила колку возила ќе преместува автоматски објектот во Спартанбург, но тоа е еден од најголемите производствени капацитети на BMW во светот.

Тагови: бмв возила