Македонија

Состојба на патишта

Сообраќајот на државните патишта се одвива непречено, по суви коловози, соопшти АМСМ.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Патниот правец Охрид – Ресен преку националниот парк Галичица од 17.04.2025 г. е пуштен за сообраќај за возила до 3.5 тона.

На експресниот пат А2, Крива Паланка - Страцин на km 14+200 (близу с.Петралица) започната е регулација на времен режим на сообраќај поради изведување на градежни активности. На тој дел делницата во текот на денот од 07:00 до 17:00 сообраќајот ќе се одвива со рачна регулација со помош на знаменца, а во остатоткот од денот со светлосна сигнализација - семафори.

ВИАДУКТ Трејд Гостивар известува дека на ден 24.09.2025 год. започнa со градежни активности – санација на потпорни ѕидови кај подпатник на Државен пат А2, обиколница Скопје на км 21+840,00 до км 21+987,00, за што ќе се изврши промена на режимот на сообраќај во времетраење од 4 (четири) месеци. (Од 06.10.2025 г. во период од 4 месеци сообраќајот на патниот правец Велес - Тетово и обратно помеѓу клучките Волково и Кондово е целосно затворен поради изведба на градежни работи и истиот ќе се одвива двонасочно во должина од 300 метри во правецот Тетово-Велес.)

Од 12.09.2025 (петок) се започнучува со градежната активноста - санација на свлечиште на регионален пат Р1202 делница Косоврасти - Мелнички Мост, односно ќе се воспостави времена измена на режимот на сообраќај до завршување на активностите.

Виадукт Трејд – Дооел од 01.09.2025 г. започна со нова фаза на градежни активности, односно воспоставена е времена измена на режимот на сообраќај - времена семафоризација со наизменично пропуштање на возилата при санација на мост Здуње (мост на река Вардар), државен пат А2, делница Гостивар - Стража во временски период од 6 (шест) месеци.

Поради изведба на проектот „Изградба на патна делница Градско – клучка Дреново“, дел од Коридор 10д, ќе има временa изменa на режимот на сообраќај на Експресниот пат А1, делница Градско – Дреново. Измените ќе важат од 04.08.2025 до 16.09.2025 година, при што сообраќајот ќе биде пренасочуван и регулиран со поставена соодветна сообраќајна сигнализација.

Од ден 26.05.2025 започнaa со градежни активности - санација на мост на река Драгор на ул. “Довеџик” општина Битола, со што има затворање на сообраќајот кај мостот на ул. “Довеџик" при што сообраќајот се пренасочува по времен премин - девијација.

Патниот правец Р2337 Кичево – крак со с. Цер од ден 12.05.2025 е целосно затворен за сообраќај од 10.00ч. – 16.00ч. поради изведување на градежни работи на пат – (асфалтирање).

На ден 13.05.2025 започнa со градежни активности - санација на мост на река Вардар на државен пат А2, делница Гостивар-Стража, односно ќе се воспостави времена измена на режимот на сообраќај.

Од 24.04.2025 г. има привремена промена во сообраќајот на делот од државнот пат А2 – делница Желино - Тетово, помеѓу бензинската станица Макпетрол и северниот влез на Тетово. На овој дел од патот се врши геодетско снимање и една сообраќајна лента ќе биде затворена во неколку фази. Работите ќе траат до нивно завршување.

Синтек Инженеринг известува дека отпочнува времена измена на сообраќајот на автопат А1, делница Демир Капија – Смоквица од 17.4.2025 г. до 31.5.2025 г., поради изведба на реконструкција на десната тунелска цевка на Тунел Т2. Десната тунелска цевка на тунел Т2 е целосно затворена за сообраќај, а сообраќајот е пренасочен во левата тунелска цевка.

Според известување од Виадукт Треј Дооел – Гостивар од 09.04.2025 година (Среда), ќе се врши реконструкција на дилатациони спојки на дел од автопатот Неготино-Велес (клучка Неготино), каде сообраќајот ќе се одвива во една сообраќајна лента во правец од Неготино кон Велес во времетраење од 15 дена.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани. Овој времен режим е започнат од 03.04.2025 година и ќе трае до завршувањето на градежните активности

На експресниот пат А1, делница Градско – Дреново, од 17.03.2025 г. до 04.04.2025 г., поради монтажа на дилатација на еластичната одбојна ограда на вијадукти и мостови, сообраќајот ќе биде пренасочен и регулиран на одредени делови од оваа делница.

На автопат А1, делница Демир Капија – Смоквица од 20.02.2025 г. до 31.05.2025 г., поради изведба на реконструкција на левата тунелска цевка на Тунел Т2 ќе има времена измена на сообраќајот. Левата тунелска цевка на тунел Т2 е целосно затворена за сообраќај, а сообраќајот е целосно пренасочен во десната тунелска цевка со двонасочно одвивање на сообраќајот.

“Доо Стентон Градба – Битола” известува дека согласно Одобрение за времена измена на режим на сообраќај, на магистрален пат А1 делница Фариш – Прилеп ќе врши санација на ударни дупки од 19.12.2024 г. до завршување на градежните работи.

Времена измена на режим на сообраќај на регионален пат Р1306 делница Прилеп-Крушево -Сладуево, заради започнување со градежни активности во врска со проект Санација на оштетувања на регионален пат Р 1306 делница Прилеп-Крушево-Сладуево, во вид на слегнувања на трупот на патот на стационажа од км 15+100 до км 15+600. Заради тоа од 16.12.2024 год. па се до завршување со градежни активности ќе се изврши целосно затворање на делницата во потег од Мало Коњари до Кривогаштани. При тоа сообраќајот ќе се одвива по друга делница во склоп на поставената сообраќајна сигнализација, согласно Одобрение за времена измена на режим сообраќај и Сообраќаен проект.

На 08.10.2024 година поради изградба на патен коридор 10Д, делница Прилеп - Битола, извршено е пренасочување за секаков вид на сообраќај и тоа од клучка Тополчани по Р1101 до депонија Алинци. Временскиот режим ќе трае во временски период од една година.

СТРАБАГ АГ Подружница СТРАБАГ Скопје известува за времена измена на сообраќајот од 08.10.2024 до 31.12.2024 година на автопат А1 делница Велес – Неготино поради изградба на делница Градско - клучка Дреново. Сообраќајот ќе се одвива под времен режим со соодветно поставена сообраќајна сигнализација.

Од 09.07.2024 г., на десна коловозна лента на автопат Скопје - Куманово извршена била времена измена на режим на сообраќај, при што во должина од 1000 метри (пред НС Миладиновци до НС Миладиновци), сообраќајната лента за принудно запирање и сообраќајната лента за возење ќе бидат затворени, додека сообраќајот ќе се одвива по левата сообраќајна лента за претекнување.

Жикол Дооел Струмица известува дека поради вршење на градежни активности на објект: Реконструкција со проширување на регионален пат Р1109 делница Понов мост - влез во Богданци, сметано од 24.06.2024 година ќе биде поставен времен режим на сообраќај.

Времена измена на режим на сообраќај на автопат А1, делница Петровец - Катланово, заради извршување на градежни активности. Измената на режим на сообраќај ќе започне да се применува од петок, 31.05.2024, а во врска со проектот за завршување на работите на рехабилитација со проширување на наведената делница од автопатот.

Времена измена на режим на сообраќај на регионален пат Р1101 делница Прилеп - Битола заради интезивирање на градежни активности во врска со проект "Санација на трупот на патот кај мост на река Шемница на Државен пат Р1101 км 85+903, делница Прилеп - Битола", и тоа од 27.03.2024 ќе има целосно затворање на делницата.

На 26.03.2024 година од 14.15 часот извршена е времена измена на режимот на сообраќајот на делницата од автопатот 300м после надвозник „Маџари“ до клучка „Белви“ за време на поправка и рехабилитација на државен пат А1/А2 делница Скопје-Куманово (десна коловозна лента) каде што со ветикална сообраќајна сигнализација во должина од 200м сообраќајот се канализира и успорува од левата (за претекнување) сообраќајна лента во средната (за возење) сообраќајна лента за да потоа во должина од 1500м целиот сообраќај ќе се одвива по сообраќајната лента за претекнување (левата), а средната и сообраќајната лента за принудно запирање ќе бидат затворени за сообраќај.

Од 18.03.2024 г. има измена на режимот на сообраќај на државниот пат Р1101, делница Прилеп – Битола, заради интезивирање на градежните активности во врска со проект Санација на патот, кај мост на река Шемница.

Започнувајќи од 11.12.2023 год. ќе биде изменет режимот на сообраќај на магистралниот пат A3, делница Прилеп - Битола поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните работи.

Започнувајќи од 05.12.2023 год. е изменет режимот на сообраќај на државен пат A2, делница Тетово - Гостивар во двата правци на движење поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните работи.

Oд 24.11.2023 година, режимот на сообраќајот на делницата од автопатот А-1, Куманово – ГП „Табановце “поточно кл. Куманово-кл. Кр. Паланка, десната сообраќајна лента за присилно запирање и застанување е затворена за сообраќај во должина од 500м, додека сообраќајот се одвива по сообраќајната лента за возење и претекнување.

ГД Гранит АД Скопје известува дека согласно ново издаденото одобрение за времен режим на сообраќај поради изведување на градежни работи на Автопат А4, делница ГП "Блаце" - Скопје (клучка "Стенковец") Подделница 1 – од 08.11.2023 г. постоечкиот локален пат до с. Блаце од магистраниот пат А4 пред граничниот премин ќе биде затворен, а пристапот до с.Блаце ќе биде обезбеден по привремен пат пред граничниот премин, согласно поставената сообраќајна сигнализација. Останува и претходно воспоставениот времен режим на сообраќај согласно кој на 2 км пред граничниот премин "Блаце" на местото на изведување на градежните работи сообраќајот се одвива по двонасочен режим на сообраќај (со два нови кружни тека) и поставена соодветна сообраќајна сигнализација.

На 07.11.2023 г извршена е времена измена на режимот на сообраќајот на делницата од Автопат А1, Пeтровец – Катланово - рехабилитација со проширување на автопатот А1 (лево и десно коловозот во двата правца) во должина од 6000 м, сообраќајот ќе се одвива по новоизградената коловозна лента (Катланово - Петровец) двонасочно, со вертикално поставена сигнализација, додека коловозната лента Петровец - Катланово ќе биде затворена за сообраќај.

Oд 24.10.2023 година ќе се започне со реконструкција на регионалниот пат 1301 (Охрид-Свети Наум). Сообраќајот ќе се одвива непречено и ќе биде регулиран со содветна сообраќајна сигнализација.

ГД Гранит АД Скопје известува дека согласно издаденото одобрение за времен режим на сообраќај на Автопат А4, делница ГП "Блаце" - Скопје (клучка "Стенковец") Подделница 1 - проширување на постоен пат А4 од ГП "Блаце" до с. Блаце до ниво на автопат и изградба на дел од автопат со клучка за поврзување со локален пат до с. Блаце, на 2км пред Граничниот Премин "Блаце" од 06.10.2022 г. на местото на изведување на градежните работи се одвива нов времен двонасочен режим на сообраќај (со два нови кружни тека) со поставена соодветна соорбаќајна сигнализација. Сообраќајот се одвива континуирано без застој. Препорака до возачите за прилагодена брзина на движење и почитување на поставената сообраќајна сигнализација.

Oд 11.9.2023 г. воспоставен е времен режим на сообраќај во тунелот на патниот правец Блаце – Скопје, поради изведување на градежни работи – санација на тунелот. Поставена е светлосна сигнализација со наизменично пропуштање на возилата.

БИОН ДОО Тетово известува дека од 20.05.2023 година на патниот правец "Државен пат А3, делница: Буково - Охрид, подделница Буково - влез во Охрид" ќе има измена на времениот режим на сообраќај поради изведување работи што се предвидени на објектот "Поставување на сообраќајна сигнализација и опрема на државен пат А3, делница Буково - Охрид, подделница Буково - влез во Охрид". Режимот ќе биде според сообраќајниот проект. Работите на објектот се предвидени да завршат на 29.02.2024.

Од 14.06.2023 година почнува проектот „Санација на трупот на патот Р1303, делница Македонски Брод – Прилеп, премин Барбаpос. Сообраќајот на овој патен правец ќе се одвива непречено со ограничување на максимална брзина до 30 км/час.

Поради изведување на градежни работи (реконструкција на коловозот) на патниот правец Подмоље – Охрид на магистралниот пат А3, сообраќајот ке биде пренасочен преку регионалниот пат Р-1208. Работите започнуваат на 09.6.2023,на местото ќе биде поставена соодветна сообраќајна сигнализација.

Почнувајќи од 06.03.2023 г., на автопатот А1, делница Петровец – Катланово, започнуваат градежни активности поради што има изменет режим на движење на возилата. Сообраќајот се одвива непречено и се препорачува внимателно пристапување.

Поради изведување на работи на експресниот пат од Градско до Дреново на државен пат А1, делница Велес-Неготино, ќе се применува времена измена на режим на сообраќај. Времениот режим ќе се применува во двата правци на автопат Е-75. Сообраќајот ќе се одвива непречено, со брзина од V=80km/h во зона на градилиште. Режимот ќе се применува се до целосна изградба на новата клучка Градско.

На патниот правец Градско - Прилеп се изведуваат градежни активности и затоа препорачуваме внимателно возење и прилагодена брзина на движење.

На патниот правец Кичево - Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење.

Тагови: АМСМ Државни патишта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Зошто „жена на жена е непријател“?

Психолошката позадина на љубомората и зависта наместо да постои меѓусебна поддршка

На повеќето луѓе им е тешко да разберат зошто жените честопати не им даваат поддршка на други жени. Иако ова однесување обично се гледа низ лична или морална рамка, современата психологија и истражувањата укажуваат на посложени механизми што вклучуваат емоции, социјална динамика и внатрешни конфликти.

Психолошки корени на негативното однесување меѓу жените

Едно клучно објаснување лежи во психолошкиот механизам познат како психолошка проекција, во кој лицето ги припишува своите непријатни емоции и несигурности на другите. Стравот, зависта, љубомората, несигурноста или ниската самодоверба може да бидат потиснати, но се изразуваат преку критика или непријателско однесување кон другите жени.

На работното место, ваквите реакции често се активираат кога нова колешка или личност која се разликува по стилот, способностите или однесувањето се доживува како закана. Таквото однесување често се базира на потреба за контрола или страв од губење на статусот.

Социјален контекст, негативна толеранција и нормализација на лошото однесување

Однесувањето кое е непријатно или штетно може да опстојува во односите бидејќи поминува без последици. Во некои средини, ваквите обрасци се нормализираат или дури се охрабруваат како форма на социјална игра, вентил за фрустрација или начин за воспоставување хиерархија. Недостатокот на емпатија и љубопитност кон другите дополнително ја намалува подготвеноста разликите да се прифатат и разберат.

Луѓето се социјални суштества и функционираат во групи кои личат на „семејни системи“. Во такви системи, често постои тензија помеѓу позитивните и негативните аспекти на личноста. Кога оваа дуалност не е интегрирана, се јавуваат конфликти и прекини на врските.

„Темната страна“ на личноста и потребата за контрола

Современите психолошки модели укажуваат на постоење на таканаречената сенка на личноста, или потиснати делови од себе кои не се прифатени или развиени. Колку повеќе некој се претставува себеси како екстремно „добар“ или супериорен, толку е поголема веројатноста дека потиснатите аспекти на личноста ќе најдат начин да се изразат преку манипулација, контрола или агресија.

Оваа динамика често вклучува внатрешен конфликт помеѓу желбата за моќ и истовремено чувство на несигурност. Непријатното однесување кон другите жени може да биде начин да се ублажи или прикрие овој конфликт.

Динамика на групата и феноменот на исклучување

Во работна средина, која функционира како затворен општествен систем, членовите на групата често имитираат доминантно однесување за да одржат чувство на припадност и безбедност. Ако едно лице заземе доминантна, непријателска позиција, постои голема веројатност дека другите несвесно ќе го следат истиот модел.

Овој феномен е поврзан со општествениот притисок и стравот од отфрлање. Поединците честопати се на страната на мнозинството или доминантната личност за да избегнат самите да станат цел. Ова создава маѓепсан круг во кој се репродуцира и одржува непријатно однесување.

Недостаток на емоционални и комуникациски вештини

Друг важен фактор е неразвиената способност за препознавање и регулирање на сопствените емоции, што во психологијата се поврзува со поимот емоционална интелигенција. Луѓето кои немаат развиени меѓучовечки и интраперсонални вештини потешко го препознаваат влијанието на нивното однесување врз другите и имаат помала веројатност да го променат.

Влијание врз менталното здравје и поранливите поединци

Луѓето кои се емоционално посвесни и емпатични често доживуваат негативни искуства подлабоко. Таквите жени може да доживеат поинтензивен психолошки стрес, што може да има долгорочни ефекти врз менталното здравје, самодовербата и професионалното функционирање.

Современите истражувања во областа на социјалната психологија сугерираат дека хроничната изложеност на микроагресии и социјално исклучување може да го зголеми ризикот од анксиозност, депресија и исцрпување на работа.

Нови научни откритија: Скриената конкуренција меѓу жените

Неодамнешните истражувања укажуваат на феноменот на таканаречената индиректна или релациона агресија меѓу жените, што вклучува суптилни форми на непријателство како што се игнорирање, озборување или социјално исклучување. Студиите покажуваат дека оваа форма на однесување често се поврзува со перцепцијата за ограничени ресурси, како што се напредување во работата или општествен статус.

Истражувањата, исто така, сугерираат дека организациските култури кои поттикнуваат соработка и транспарентност значително ги намалуваат овие модели на однесување, што укажува на важноста на системските промени, а не само на индивидуалната одговорност.

Како да реагирате и да се заштитите

Првиот и најважен чекор е да побарате поддршка, без разлика дали преку разговор со професионалец, ментор или доверлива личност. Разбирањето на сопствените реакции и зајакнувањето на вашата самодоверба играат клучна улога во заштитата на вашето ментално здравје.

Образованието преку стручни текстови, литература и психолошки ресурси може да ви помогне да ги препознаете моделите на однесување и да развиете стратегии за справување.

Непријатното однесување кај жените е сложен психолошки и социјален феномен што произлегува од комбинацијата: внатрешната несигурност, динамика на групата и недостатокот на емоционални вештини. Разбирањето на овие механизми е првиот чекор кон нивно надминување, како на индивидуално, така и на општествено ниво.

Забава

Најголемата ѕвезда на OnlyFans, која лани заработи 83 милиони долари, лажела за годините (ВИДЕО)

Најголемата ѕвезда на OnlyFans, Софи Рејн, призна дека лажела за своите години.

Американската креаторка на содржини за возрасни, која стана позната по своите огромни заработки, до неодамна тврдеше дека има 19 години, но сега откри колку години всушност има.

Зошто лажела за своите години?

Како гостин во YouTube емисијата Vlad TV, Рејн одговараше на прашања за своите години. Водителката ја соочи со фактот дека во минатото дала различни информации.

„Но, во интервјуата, твојата возраст се менуваше неколку пати. Сега имаш 23 години?“, праша таа. „Имам 21 година“, откри Рејн.

Кога ја прашаа зошто дала неточни информации, таа објасни дека го сторила тоа за да ја заштити приватноста.

„Намерно објавувам различни информации за луѓето да не знаат колку години навистина имам. Луѓето сакаат да ме следат и поради тоа не го откривам моето вистинско име или какви било други вистински информации“, рече таа.

„Ако го преплавам интернетот со еден куп лажни информации, никој нема да знае што е вистина“, додаде таа.

Водителката забележа дека таквите информации на крајот станале јавни. „Но, на крајот, луѓето го откриле вашето вистинско име, вистинска возраст и сè друго. Претпоставувам дека тоа е неизбежно“, рече тој.

Рејн се согласи. „Да. Живеам во Флорида, а таму тоа е јавна информација. Речиси е невозможно да се сокрие“, заклучи таа. Поради ова, вели таа, нејзините родители се загрижени. „Тие навистина се загрижени само за мојата безбедност. Тоа е нивната главна грижа, но освен тоа, тие се подготвени да ме заштитат ако нешто се случи.“

Заработка од 83 милиони долари минатата година

Софи Рејн, која има повеќе од 8,8 милиони следбеници на Инстаграм, исто така се појави во медиумите поради вртоглавите суми што, според нејзините сопствени тврдења, ги заработува. Таа изјави дека само минатата година, во 2025 година, заработила 83 милиони долари од својата содржина. Во првата година на платформата OnlyFans, заработила 43 милиони долари.

Поради огромните заработки, таа плаќа и многу даноци, а претходно откри како потрошила петцифрена сума само за еден викенд на музичкиот фестивал Коачела.

Вештачката интелигенција влијае на заработката

Иако OnlyFans не објавува официјални податоци за најуспешните креатори, водителката истакна дека Рејн е сигурно на врвот и ја праша дали нејзината заработка се намалила во последната година.

„Искрено, заработката е доста стабилна. Мислам дека минатиот месец малку се намали бидејќи не работев толку многу, бев зафатена. И исто така мислам дека вештачката интелигенција многу влијае на сè“, призна таа.

Таа објасни дека можноста корисниците да користат алатки за вештачка интелигенција за да ги стават своите омилени креатори во различни сцени веројатно веќе влијае на индустријата.

Ѕвездата нагласи дека вештачката интелигенција е нејзината единствена вистинска грижа, но повтори дека, и покрај сè, „нејзината заработка останува повеќе или помалку иста секој месец“.

Тагови: OnlyFans ѕвезда

Бизарно

Патници на брод снимиле морничави сцени од огромни фигури како лебдат над морето: Ова се вонземјани

Патувањето со брод по брегот на Корнвол се претвори во необично искуство, откако патниците видоа бизарна глетка на хоризонтот.

Набрзо, на мрежите се појавија фотографии, кои привлекоа големо внимание и покренаа бројни прашања, објавува „Мирор“.

„Беше нереално...“

Патниците велат дека мистериозниот феномен „се променил“ пред нивните очи, земајќи еден облик, па друг, додека се чинеше дека „лебди“ над површината на морето.

Фотографиите се направени во близина на градот Сент Ивс, за време на туристичко патување организирано од компанијата „Сент Ивс Ботс“.

„Беше нереално да се набљудуваат овие огромни „структури“ и чудни атмосферски промени. И ние и нашите патници понекогаш бевме целосно запрепастени. Убедени сме дека ова е „визуелно нарушување“ на контејнерските бродови, видени во далечината“, велат претставници на компанијата.

Експертите веруваат дека драматичната сцена веројатно е предизвикана од оптичка илузија позната како фатаморгана. Обично се јавува кога светлината се прекршува и поминува низ слоеви на воздух со различни температури. Како резултат на тоа, далечните објекти можат да изгледаат искривени, издолжени или подигнати над хоризонтот.

Онлајн коментари

Оваа оптичка илузија ги фасцинирала набљудувачите со векови и често се поврзува со народни приказни и легенди. Приказните за „фантомски острови“, „лебдечки замоци“ и „магични земји“ често се поврзуваат со слични феномени.

Фотографиите предизвикаа бројни реакции на социјалните медиуми, при што корисниците нудеа свои теории, како и шеги за тоа што го гледаат.

Еден напиша: „Бродови на духови во маглата од некое далечно време“. Друг додаде: „Тие се вонземјани“.

Тагови: брод патници