Македонија

Состојба на патишта

СОСТОЈБА: Сообраќајот на државните патишта се одвива во зимски услови, по претежно суви коловози.

Состојба на патишта

ЗИМСКА ОПРЕМА: Од 15.11.2024 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2025 година. Повеќе информации може да прочитате на овој линк.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Патниот правец Охрид – Ресен, преку националниот парк Галичица од 15.11.2024 е затворен за сообраќај за сите видови возила.

ИЗВЕСТУВАЊЕ: Синтек инженеринг ДООЕЛ известува дека реконструкцијата на тунелски цевки на автопат А1, делница Демир Капија – Смоквица , фаза 1 е завршена и сообраќајот се пушта во траен режим на сообраќај од 10.12.2024 година.

ПРЕКИН НА СООБРАЌАЈ: Мостот на река Вардар на регионалниот пат Р1312, кај Башино село е затворен за секаков вид на сообраќај.

РАБОТИ НА ПАТ:

“Доо Стентон Градба – Битола” известува дека согласно Одобрение за времена измена на режим на сообраќај, на магистрален пат А1 делница Фариш – Прилеп ќе врши санација на ударни дупки од 19.12.2024 г. до завршување на градежните работи.

Времена измена на режим на сообраќај на регионален пат Р1306 делница Прилеп-Крушево -Сладуево, заради започнување со градежни активности во врска со проект Санација на оштетувања на регионален пат Р 1306 делница Прилеп-Крушево-Сладуево, во вид на слегнувања на трупот на патот на стационажа од км 15+100 до км 15+600. Заради тоа од 16.12.2024 год. па се до завршување со градежни активности ќе се изврши целосно затворање на делницата во потег од Мало Коњари до Кривогаштани. При тоа сообраќајот ќе се одвива по друга делница во склоп на поставената сообраќајна сигнализација, согласно Одобрение за времена измена на режим сообраќај и Сообраќаен проект.

На 08.10.2024 година поради изградба на патен коридор 10Д, делница Прилеп - Битола, извршено е пренасочување за секаков вид на сообраќај и тоа од клучка Тополчани по Р1101 до депонија Алинци. Временскиот режим ќе трае во временски период од една година.

СТРАБАГ АГ Подружница СТРАБАГ Скопје известува за времена измена на сообраќајот од 08.10.2024 до 31.12.2024 година на автопат А1 делница Велес – Неготино поради изградба на делница Градско - клучка Дреново. Сообраќајот ќе се одвива под времен режим со соодветно поставена сообраќајна сигнализација.

Од 09.07.2024 г., на десна коловозна лента на автопат Скопје - Куманово извршена била времена измена на режим на сообраќај, при што во должина од 1000 метри (пред НС Миладиновци до НС Миладиновци), сообраќајната лента за принудно запирање и сообраќајната лента за возење ќе бидат затворени, додека сообраќајот ќе се одвива по левата сообраќајна лента за претекнување.

Жикол Дооел Струмица известува дека поради вршење на градежни активности на објект: Реконструкција со проширување на регионален пат Р1109 делница Понов мост - влез во Богданци, сметано од 24.06.2024 година ќе биде поставен времен режим на сообраќај.

Времена измена на режим на сообраќај на автопат А1, делница Петровец - Катланово, заради извршување на градежни активности. Измената на режим на сообраќај ќе започне да се применува од петок, 31.05.2024, а во врска со проектот за завршување на работите на рехабилитација со проширување на наведената делница од автопатот.

Времена измена на режим на сообраќај на регионален пат Р1101 делница Прилеп - Битола заради интезивирање на градежни активности во врска со проект "Санација на трупот на патот кај мост на река Шемница на Државен пат Р1101 км 85+903, делница Прилеп - Битола", и тоа од 27.03.2024 ќе има целосно затворање на делницата.

На 26.03.2024 година од 14.15 часот извршена е времена измена на режимот на сообраќајот на делницата од автопатот 300м после надвозник „Маџари“ до клучка „Белви“ за време на поправка и рехабилитација на државен пат А1/А2 делница Скопје-Куманово (десна коловозна лента) каде што со ветикална сообраќајна сигнализација во должина од 200м сообраќајот се канализира и успорува од левата (за претекнување) сообраќајна лента во средната (за возење) сообраќајна лента за да потоа во должина од 1500м целиот сообраќај ќе се одвива по сообраќајната лента за претекнување (левата), а средната и сообраќајната лента за принудно запирање ќе бидат затворени за сообраќај.

Од 18.03.2024 г. има измена на режимот на сообраќај на државниот пат Р1101, делница Прилеп – Битола, заради интезивирање на градежните активности во врска со проект Санација на патот, кај мост на река Шемница.

Започнувајќи од 11.12.2023 год. ќе биде изменет режимот на сообраќај на магистралниот пат A3, делница Прилеп - Битола поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните работи.

Започнувајќи од 05.12.2023 год. е изменет режимот на сообраќај на државен пат A2, делница Тетово - Гостивар во двата правци на движење поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните.

Oд 24.11.2023 година од 16:00 часот режимот на сообраќајот на делницата од автопатот А-1, Куманово – ГП „Табановце “поточно кл. Куманово-кл. Кр. Паланка, десната сообраќајна лента за присилно запирање и застанување ќе биде затворена за сообраќај во должина од 500м, додека сообраќајот ќе се одвива по сообраќајната лента за возење и претекнување.

ГД Гранит АД Скопје известува дека согласно ново издаденото одобрение за времен режим на сообраќај поради изведување на градежни работи на Автопат А4, делница ГП "Блаце" - Скопје (клучка "Стенковец") Подделница 1 – од 08.11.2023 г. постоечкиот локален пат до с. Блаце од магистраниот пат А4 пред граничниот премин ќе биде затворен, а пристапот до с.Блаце ќе биде обезбеден по привремен пат пред граничниот премин, согласно поставената сообраќајна сигнализација. Останува и претходно воспоставениот времен режим на сообраќај согласно кој на 2 км пред граничниот премин "Блаце" на местото на изведување на градежните работи сообраќајот се одвива по двонасочен режим на сообраќај (со два нови кружни тека) и поставена соодветна сообраќајна сигнализација.

На 07.11.2023 г извршена е времена измена на режимот на сообраќајот на делницата од Автопат А1, Пeтровец – Катланово - рехабилитација со проширување на автопатот А1 (лево и десно коловозот во двата правца) во должина од 6000 м, сообраќајот ќе се одвива по новоизградената коловозна лента (Катланово - Петровец) двонасочно, со вертикално поставена сигнализација, додека коловозната лента Петровец - Катланово ќе биде затворена за сообраќај.

Oд 24.10.2023 година ќе се започне со реконструкција на регионалниот пат 1301 (Охрид-Свети Наум). Сообраќајот ќе се одвива непречено и ќе биде регулиран со содветна сообраќајна сигнализација.

ГД Гранит АД Скопје известува дека согласно издаденото одобрение за времен режим на сообраќај на Автопат А4, делница ГП "Блаце" - Скопје (клучка "Стенковец") Подделница 1 - проширување на постоен пат А4 од ГП "Блаце" до с. Блаце до ниво на автопат и изградба на дел од автопат со клучка за поврзување со локален пат до с. Блаце, на 2км пред Граничниот Премин "Блаце" од 06.10.2022 г. на местото на изведување на градежните работи се одвива нов времен двонасочен режим на сообраќај (со два нови кружни тека) со поставена соодветна соорбаќајна сигнализација. Сообраќајот се одвива континуирано без застој. Препорака до возачите за прилагодена брзина на движење и почитување на поставената сообраќајна сигнализација.

Oд 11.9.2023 г. воспоставен е времен режим на сообраќај во тунелот на патниот правец Блаце – Скопје, поради изведување на градежни работи – санација на тунелот. Поставена е светлосна сигнализација со наизменично пропуштање на возилата.

БИОН ДОО Тетово известува дека од 20.05.2023 година на патниот правец "Државен пат А3, делница: Буково - Охрид, подделница Буково - влез во Охрид" ќе има измена на времениот режим на сообраќај поради изведување работи што се предвидени на објектот "Поставување на сообраќајна сигнализација и опрема на државен пат А3, делница Буково - Охрид, подделница Буково - влез во Охрид". Режимот ќе биде според сообраќајниот проект. Работите на објектот се предвидени да завршат на 29.02.2024.

Од 14.06.2023 година почнува проектот „Санација на трупот на патот Р1303, делница Македонски Брод – Прилеп, премин Барбаpос. Сообраќајот на овој патен правец ќе се одвива непречено со ограничување на максимална брзина до 30 км/час.

Поради изведување на градежни работи (реконструкција на коловозот) на патниот правец Подмоље – Охрид на магистралниот пат А3, сообраќајот ке биде пренасочен преку регионалниот пат Р-1208. Работите започнуваат на 09.6.2023 г., а на местото ќе биде поставена соодветна сообраќајна сигнализација.

Почнувајќи од 06.03.2023 г., на автопатот А1, делница Петровец – Катланово, започнуваат градежни активности поради што има изменет режим на движење на возилата. Сообраќајот се одвива непречено и се препорачува внимателно пристапување.

Поради изведување на работи на експресниот пат од Градско до Дреново на државен пат А1, делница Велес-Неготино, ќе се применува времена измена на режим на сообраќај. Времениот режим ќе се применува во двата правци на автопат Е-75. Сообраќајот ќе се одвива непречено, со брзина од V=80km/h во зона на градилиште. Режимот ќе се применува се до целосна изградба на новата клучка Градско.

На патниот правец Градско - Прилеп се изведуваат градежни активности и затоа препорачуваме внимателно возење и прилагодена брзина на движење.

На патниот правец Кичево - Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење.

ВРЕМЕНСКА ПРОГНОЗА СПОРЕД УХМР

ВРЕМЕТО ВО НАРЕДНИТЕ ДЕНОВИ: До среда времето ќе се задржи стабилно и студено особено наутро, потоа утринските температури ќе бидат во постепен пораст. Утре попладне на југозападот ќе има појава на слаб повремен снег, а во среда најпрвин во планинските региони потоа преку ноќта и во четврток ќе има повремени локални врнежи претежно од снег на пониските места од дожд и снег. Постојната снежна покривка особено во западниот дел ќе се прошири понекаде и на повисоките места.

Авто мото сојуз на Македонија

Свет

Шефицата на ЕУ дипломатија на удар на критики: Како да сме во војна со Русија

Новиот почеток на Каја Калас на чело на дипломатијата на Европската унија беше сè само не мирен.

Шефицата на ЕУ дипломатија на удар на критики: Како да сме во војна со Русија

На првиот ден од нејзиниот мандат, за време на посетата на Киев, Калас објави: „Европската унија сака Украина да победи во оваа војна“.

Оваа изјава, иако е во согласност со политиката на многу земји-членки, предизвика немир во Брисел. На некои европски дипломати им пречеше фактот што новиот шеф на Европската служба за надворешни работи (ЕЕАС), според нивното мислење, ја премина границата на вообичаената дипломатска реторика на првиот ден.

„Таа се однесува како да е премиер“, изјави еден европски дипломат за Политико, барајќи анонимност, како и девет други функционери кои ја критикуваа Калас за, како што рекоа, серија непромислени потези во нејзините први месеци на функцијата.

Без консултации и со преголема амбиција

Официјалните лица ја критикуваат дека дејствувала без претходни консултации, наметнува амбициозни предлози без поддршка од главните членки и зазема исклучително остар став кон Русија, што не го делат сите земји-членки, вклучително Шпанија и Италија, како и Унгарија и Словачка. „Кога го слушате, звучи како да сме во војна со Русија, а тоа не е официјалната линија на ЕУ“, рече еден висок функционер.

По враќањето од Минхенската безбедносна конференција во февруари, Калас на членовите им испрати документ од два и пол часа во кој предлага ЕУ итно да собере милијарди евра за воена помош за Украина, особено откако американскиот потпретседател Џеј Ди Венс ја минимизира Русија како закана.

Без предупредување, документот пристигна во неделата навечер, непосредно пред состанокот на министрите за надворешни работи на ЕУ. Калас побара секоја земја да учествува во согласност со големината на нејзината економија, што беше обид да се принудат поголемите земји, како што е Франција, да го зголемат својот придонес. Но, многумина тоа го доживеаја како принуда. Поради силно противење, Калас беше принуден да го намали тонот на предлогот, а првиот чекор сега бара само 5 милијарди евра за артилериска муниција.

„Дојде со празни раце“

Иако е погодена од критики, Калас сè уште има поддршка од некои северни и источни членови. Данската премиерка Мете Фредериксен, на пример, продолжува да ја поддржува.

Официјален претставник на ЕЕАС го бранеше нејзиниот стил, велејќи: „Тие ја ангажираа поранешната премиерка со причина - не за тивко да се умерени, туку за да ги туркаат работите напред. Ако самите лидери велат дека на Украина ѝ треба повеќе помош, тогаш е време за акција, а не само за зборови“.

На крајот на февруари, нејзината закажана средба со американскиот државен секретар Марко Рубио беше откажана, наводно затоа што Калас однапред не дефинирала јасно што носи на маса.

„Таа само дојде со празни раце“, рече поранешен висок функционер на ЕУ, додека нејзиниот портпарол тврди дека средбата била потврдена и добро подготвена.

Тензии со Вашингтон

Тензиите дополнително се зголемија откако Калас, коментирајќи ја непријатната средба на претседателот Зеленски со Трамп и Џеј-Ди Венс, рече дека „на слободниот свет му треба нов лидер“. Таа изјава наиде на одобрување од делови од Европа, но и неодобрување од оние кои се обидуваат да го одржат мостот до Белата куќа под Трамп.

„Повеќето земји не сакаат дополнително да ги заоструваат односите со Америка. Таа реченица не е пораката што повеќето лидери би сакале да ја испратат“, рече еден дипломат.

И покрај критиките, многумина признаваат дека се уште е рано да се донесе конечна пресуда. „Поротата е надвор“, рече еден висок функционер на ЕУ. Во Брисел работите брзо се менуваат.

Живот

Патник пали запалка за време на лет- авионот принудно слетал во Денвер (ВИДЕО)

Авион на „Фронтиер ерлајнс“ на домашна линија меѓу Канзас Сити и Феникс бил пренасочен кон Денвер поради необичен инцидент во кабината.

Патник пали запалка за време на лет- авионот принудно слетал во Денвер (ВИДЕО)

Имено, еден од патниците упорно палел запалка за време на летот и покрај постојаното предупредување од кабинскиот екипаж да престане и да ја предаде запалката, објави Aviation24.

На видеото кое брзо се појави на социјалните мрежи, може да се види како патникот ги игнорира барањата на екипажот, што предизвика загриженост за безбедноста на другите патници и персоналот. Капетанот, по последното предупредување кое исто така не вродило со плод, донел одлука да го пренасочи авионот до најблискиот аеродром - во овој случај, Денвер.

При слетувањето, патникот бил приведен од органите на редот, по што, според пишувањата на медиумите, бил префрлен во блиската болница на медицинска евалуација.

Членовите на кабинскиот екипаж секојдневно се соочуваат со предизвици во одржувањето на редот и безбедноста во авионот, особено кога станува збор за непредвидливи испади на патници. Авионот подоцна продолжил до првобитната дестинација.

Македонија

Сиљановска-Давкова на одбележувањето на 135 години од раѓањето на д-р Анастас Коцарев

Претседателката Гордана Сиљановска-Давкова денеска присуствуваше и се обрати на настанот посветен на 135 годишнината од раѓањето на д-р Анастас Коцарев, познат онколог во светот, роден во Македонија.

Сиљановска-Давкова на одбележувањето на 135 години од раѓањето на д-р Анастас Коцарев

Годишнината од неговото раѓање паралелно се одбележува во Скопје и во Париз, кадешто пред неколку години беше откриен неговиот гроб.

Настанот започна со едноминутен молк во чест на загинатите во катастрофалниот пожар во Кочани.

Во продолжение е интегралниот текст од обраќањето на претседателката Сиљановска-Давкова.

Деновиве недостигаат зборови и едно знам - додека сум жива ќе ги носам овој товар и оваа болка. Никогаш нема да ги заборавам.

Анастас Коцарев е доказ дека големите научници ја бришат разликата меѓу малите и големите држави и малото го прават големо.

Од една страна јас се чувствувам големо, голема и големо кога зборувам за Македонец од светски глас, а од друга страна ја сфаќам амбивалентноста на националната припадност кога зборувам за научник преселник, светски профил, чиј гениј е цивилизациско обележје и му припаѓа на светот, оти поседува ум, како што вели Тихон, побрз од светлината, знаењето и мислата што пропатувале низ вековите и денеска се со нас. Јас верувам дека и денес патува низ универзумот формирајќи го Коцаревото македонско-француско-швајцарско созвездие.

Отсекогаш сум верувала дека има нешто посебно во Охрид, не затоа што сум родена во Охрид. Анастас е посебен охриѓанец, израснат во старо, угледно семејство. Образовниот пат го почнал во родниот град, го продолжил во Солун, а дипломата по медицина и двата докторати ги стекнал едниот во Женева, другиот во Париз каде што станал асистент и доцент на универзитетската клиника. Кариерата го води во Париз, каде - ако не, кај професорката и директорката на Лабораторијата за радиум на Универзитетот „Сорбона“, нобеловката Марија Склодовска-Кири. За жак, починал млад во 1931 година, веројатно од смрт поврзана за неговата работа.

Оваа област во која тој е врвен, не ми е блиска и затоа сум восхитена. Знам дека неговата научна преокупација била дијагнозата и третманот на ракот со помош на радиумот, што јас го обвинувам за неговата прерана смрт.

Знам дека е првиот научник кој изработил рендгенографија на фотографска плоча на пациент заболен од рак. Но, не ми е многу јасно што значи тоа. Но едно е јасно. За нас Македонците, д-р Коцарев е познат како вистински, инспиративен zoon politikon, храбар, луциден македонски политички активист во Швајцарија и во Франција. Тој е иницијаторот, предводникот на обединувањето на македонските друштва во Цирих и во Лозана, во Заедничкото друштво на Македонците за независна Македонија, чијшто претседател станал. Веќе беше спомената Версајската конференција - да, тој е човекот којшто поднел барање за тричлена комисија којашто би ги застапувала интересите на македонскиот народ, но и тој кој поднесувал бројни петиции за праведно решавање на македонското прашање.

Многупати сте ме чуле како се повикувам на Вилсоновото начело и на правото на самоопределување и не само историчарите, туку и ние политиколозите и правниците добро знаеме што подразбира правото на самоопределување. Впрочем врз основа на правото на самоопределување македонскиот народ влегува во југословенската федерација и врз основа на правото на самоопределување, повикувајќи се на него, си замина од неа. Колку за размислување. Сите знаеме дека самоопределувањето значи право на свој Устав, на име, на знаме, на химна, на политички систем. И тоа е нешто на што се повикуваме и се повикувавме и во случајот на Украинскиот народ и на Украина.

На неговиот прекрасен ум, Нобеловата награда за медицина, меѓу двете светски војни, му била на дофат.

Анастас Коцарев, сè уште, е цитиран пионир во радиографијата и онкологијата - тоа за мене го прави безвременски научник, личност на којашто човештвото, заради доброто што му го дал, многу ѝ должи.

За мене тој е олицетворение на моќта на науката, којашто не познава граници, а воден од максимата „ubi bene, ibi patria“, ама никогаш не ја заборавил својата patria, Анастас ги поврза Македонија, Франција и Швајцарија.

Мене ми е многу мило што и денеска овде се присутни францускиот амбасадор и швајцарската амбасадорка.

Она што сакам да го кажам е дека заедничкото македонско-француско-швајцарско чествување на великиот научник, во нивно присуство, токму ја манифестира и ја докажува огромната обединувачка моќ на науката. Затоа јас честопати велам дека инвестициите во науката се најдобрите инвестиции.

Анастас е охридскиот вруток на научната инспирација.

На париските откривачи на „Заборавените Македонци“ и на домаќините од Музејот на македонската борба за независноста во Скопје им посакувам успешно пишување на романот-река, како што велат Французите, на одисејата на многуте знајни и незнајни умови коишто порано или подоцна блеснуваат и се вгнездуваат во македонската историја.

Силно го поздравувам македонско-француското партнерство меѓу општината Бонди и Охрид, посакувам да видам улици и плоштади со негово име, сакам да застанам и да се поклонам пред спомен посветен на Коцарев, сакам да видам обележја со името на овој научен горостас.

Се разбира, копнеам раскошниот и бунтовен дух на Анастас Коцарев да се врати дома во Охрид!

На крајот една поука. Не знам дали е клетва, ама доцна дознаваме за најдобрите Македонци. Затоа, јас благодарение на Институтот за хемија имав можност да ја чујам видео пораката на Светлана Мојсов од Њујоршкиот Универзитет. И да откријам, да дознам дека и таа била дел од два тима што се одликувани со Нобелова награда за медицина и велам, да не треба ние навреме, бидејќи слушам дека повторно Светлана со нејзините истражувања во поглед на липидите и на дијабетесот има шанса да блесне како кандидат за Нобеловата награда, навреме да си ги заштитиме и да си ги почитуваме и да си ги славиме најдобрите", се наведува во соопштението.

притисни ентер