Балкан

Состанок на претставници на студентите во блокада и челниците на Универзитетот во Белград

Состанок на претставници на студентите во блокада и челници на Универзитетот во Белград ќе се одржи денеска кога се очекува студентите да го објават својот став за претходната Иницијатива за спасување на Универзитетот во Белград.

Состанок на претставници на студентите во блокада и челници на Универзитетот во Белград ќе се одржи денеска кога се очекува студентите да го објават својот став за претходната Иницијатива за спасување на Универзитетот во Белград, на која Ректорскиот колегиум и деканите предлагаат излез од сегашната криза.

Тоа треба да биде трет состанок на претставници на студентите и Универзитетот.

Ректорскиот колегиум предлага заедничко дејствување на студентите, наставниот и ненаставниот кадар од сите факултети на Универзитетот во Белград.

Ректорскиот колегиум, исто така, предложи насоки за понатамошни протести и блокади, а првиот е комбиниран модел што подразбира блокади, со делумно враќање на наставата, така што најмалку два часа на ден ќе бидат посветени на одржување пленуми и мезопленуми, со заеднички протести најмалку еднаш неделно или со еден ден пленуми и блокади или онлајн настава со дневни пленуми и блокади.

Се нагласува дека факултетите ќе го одржат присуството на студентите во блокадата, ќе го прилагодат распоредот на часовите и достапноста на простории за нивните активности и ќе соработуваат со службата за студентско обезбедување, и се нагласува дека Универзитетот и факултетите ќе продолжат да инсистираат на исполнување на барањата на студентите преку разни акции и активности.

Во случај на продолжување на наставата, Универзитетот во Белград е подготвен да преговара со претставници на Владата на Србија и Министерството за образование.

Доколку Министерството не најде заеднички јазик со нив во разумен рок, а по враќањето на настава на сите членови на Универзитетот во Белград, Универзитетот ќе мора да разгледа други начини за борба за остварување на своите права загарантирани со закон и да влезе во протестен прекин на работата со цел да ги оствари своите права, велат од Иницијативата за спас на Универзитетот во Белград.

Тагови: Србија студенти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Се потврди дека на Мицкоски не му е ниту до реформи, ниту до Изборен Законик - целта беше изборен грабеж

Истата ВМРО што тврдеше дека веќе обезбедиле договор со Левица и ДУИ, сега сака да го префрли проблемот кај СДСМ.

Нели седнаа заедно со Левица и со ДУИ, нели се договорија?

Постојано само лаги и спинови.

Ја укина техничката Влада на сила и без консензус. Откако не му пројде моделот за електронско гласање на дијаспората, се обиде да протне нов за гласање по пошта - и повторно без никаква контрола и без да се гарантира волјата на граѓаните.

Проблемот е кај власта, кај Мицкоски кој сака да манипулира со 200 илјади гласови.

Реформската агенда ја користи само како изговор и алиби за сопствената неспособност да ги реализира обврските од евроинтеграцискиот процес.

СДСМ има принципиелен став, нема да дозволиме изборен грабеж, ќе го заштитиме гласот на секој граѓанин од злоупотреби и манипулации.

Скопје, 08.07.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Разочаран сум од НАТО, ако самитот не беше во Турција, можеби немаше ни да присуствувам

Доналд Трамп во Анкара за време на самитот на НАТО упати остри критики кон алијансата, оценувајќи дека сојузниците не им дале доволна поддршка на Соединетите американски држави во нивните акции против Иран..

За време на средбата со турскиот колега, Ердоган, Трамп рече дека е разочаран од односот на сојузниците, посочувајќи дека САД со години вложуваат огромни средства во безбедноста на земјите-членки на НАТО.. Toj воедно повторои дека би сакал да ја преземе контролата врз гренланд и предупреди дека „може“ да ги повлече сите американски трупи од Европа..

Тагови: Доналд Трамп НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Новак Ѓоковиќ по пет сета во полуфиналето на Вимблдон!

Најтрофејниот светски тенисер во историјата, Србинот, Новак Ѓоковиќ се избори за ново полуфинале на Грен слемот во Вимблдон.

Ѓоковиќ по повеќе од 5 часа врвен тенис и пет одиграни сета во најдолгото четврфинале во историјата на Вимблдон го победи третиот носител на турнирот во Лондон, Феликс Оже-Алијасим со 3:2 во сетови и се пласираше во полуфиналето

Седумкратниот освојувач на титулата во Вимблдон го совлада Канаѓанецот со 7:6, 6:3, 3:6, 7:6 и 7:6.

По исцрпувачката победа над Феликс, Ѓоковиќ закажа реприза на минатогодишното полуфинале на Грен слем турнирот во Лондон против Јаник Синер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.