Сопругот ми е дебел, но не се грижам, важно заработуваме 10.000 евра месечно од објави (ВИДЕО) - Канал 5

Забава

Сопругот ми е дебел, но не се грижам, важно заработуваме 10.000 евра месечно од објави (ВИДЕО)

Сиена Кира е фитнес ентузијаст, а ја гледала британската хит-серија „Луѓето не прават ништо“ кога еден од ликовите, кој го игра Џорџ Кивуд (28), веднаш ѝ паднал во очи.

Сопругот ми е дебел, но не се грижам, важно заработуваме 10.000 евра месечно од објави (ВИДЕО)

И покрај растојанието меѓу двајцата (Џорџ живее во Обединетото Кралство), Сиена одлучила и му испратила порака на актерот. Оттогаш нивната врска процветала, таа започнала ново поглавје во нејзиниот живот во Велика Британија, а двајцата имаат заедничко дете.

@siennakeywood ♬ original sound - 🍀

Џорџ ја запросил Сиена на гондола во Венеција, Италија, а се венчале во мај 2022 година. Меѓутоа, откако јавно ја објавија врската и бракот, и двајцата се соочија со критики од луѓето кои претпоставуваа дека сето тоа е измама. Актерот беше безмилосно нападнат поради својата тежина. Исто така, во многу наврати му било кажано да се држи настрана од социјалните мрежи. Во меѓувреме, витката Сиена е прозвана дека е со него само поради парите.

- Сигурно е луда да се омажи за тебе - му рекле мажот.

Двојката инсистира дека тоа не е така, бидејќи тие заработуваат огромни 10.000 евра месечно споделувајќи го својот живот на интернет.

- Луѓето ме нарекуваат „спонзорка“ и велат дека Џорџ треба да размислува за своето здравје - вели Сиена, која признава и дека кога била многу помлада сакала поголеми момци, додека на сите нејзини пријатели им се допаѓале момците од теретана. Двојката сака да ја сруши стигмата околу изгледот во врските и да тврди дека не треба да се менувате за да најдете љубов или да бидете среќни.

@siennakeywood

A lovely family day out in London 🫶

♬ Acoustic guitar chill (no wave sound)(1254171) - KBYS

- Апсолутно ги сакаме нашите животи и изградивме живот за нашиот син за кој не верувавме дека е возможен - вели парот.

Парот троши три часа дневно создавајќи содржини и велат дека месечно може да им донесе и до 10.000 евра заработка. Тежината на Џорџ не го спречува да прави нормални работи, тој сепак може да оди на шопинг и е одличен татко за Оливер, пренесува The Sun.

- Дури и се закануваа дека ќе ме силуваат, тоа е страшно. Сега ова е наша работа, се фокусираме на позитивни работи, па дури и кога добиваме коментари со омраза, имаме повеќе прегледи, повеќе реклами и повеќе договори со брендови за да не го земаме при срце – вели таа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски со честитка за 11 Октомври: „Слободата е дело што секоја генерација мора да го продолжи“

Премиерот Христијан Мицкоски упати честитка по повод 11 Октомври – Денот на народното востание, потсетувајќи на храброста и пожртвуваноста на предците кои се бореле за слободата на Македонија.

Мицкоски со честитка за 11 Октомври: „Слободата е дело што секоја генерација мора да го продолжи“

Во објавата, Мицкоски истакнува дека борците од пред 85 години немале гаранција за победа ниту сигурност дека ќе се вратат во своите домови, но верувале дека слободата вреди повеќе од сопствениот живот.

Пред осумдесет и пет години, во една од најтешките ноќи на нашата историја, имало луѓе кои не знаеле дали ќе го дочекаат утрото. Но, знаеле дека татковината мора да дочека подобро утро. Тие немале гаранција дека ќе победат. Немале сигурност дека ќе се вратат во своите домови. Немале можност да знаат како ќе изгледа светот што ќе го остават зад себе. Но, имале нешто посилно од стравот. Имале верба дека слободата вреди повеќе од сопствениот живот.

Нашите предци го направија она што во нивното време изгледало невозможно. Ја отворија вратата на слободата. Нашата должност е таа врата никогаш да не се затвори и низ неа да поминат генерации кои ќе живеат подобро, послободно и подостоинствено.

Нека овој 11 Октомври не биде само ден на сеќавање. Нека биде ден на нова одговорност. Одговорност да ја чуваме слободата. Затоа што слободата не е завршена приказна. Слободата е дело што секоја генерација мора да го продолжи.

Честит 11 Октомври!

Да е вечна Македонија!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Масакр на аеродромот во Ријад: 12 загинати, повеќе од 300 повредени

Дванаесет лица загинале, а повеќе од 300 беа повредени во вчерашниот ракетен напад врз Меѓународниот аеродром „Крал Калид“ во Ријад, соопштија саудиските власти. 

Видео: Масакр на аеродромот во Ријад: 12 загинати, повеќе од 300 повредени

Одговорноста за нападот ја презедоа јеменските Хути, кои се поддржани од Иран.

Меѓу загинатите има четворица државјани на Саудиска Арабија, како и државјани на Бангладеш, Палестина, САД, Египет, Јордан, Сирија и Судан. Некои од повредените се во критична состојба.

Проектилот погоди дел од аеродромскиот комплекс каде што се наоѓаат терминалите 3 и 4 за домашни летови. Ова беше трет напад врз аеродромот во Ријад во рок од неколку дена.

По нападот, сите аеродромски операции беа привремено прекинати, а летовите наменети за Ријад беа пренасочени кон други аеродроми. Очевидец изјави за Ројтерс дека по експлозијата видел неколку повредени лица како лежат во терминалот. Друг повреден патник раскажа дека видел нешто на небото непосредно пред ударот, по што дел од таванот се урнал во близина на излезот за качување во авион.

Саудиската управа за цивилно воздухопловство претходно извести за жртви, повредени лица и материјална штета како последица на претходни напади. Тројца саудиски државјани загинаа во нападите на 8 октомври, додека еден судански државјанин почина претходниот ден во посебен напад врз аеродромот во Ријад.

По најновиот напад, Хутите изјавија дека авиокомпаниите треба да го избегнуваат саудискиот воздушен простор, кој тие го прогласија за зона на воени дејствија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Столе Наумов на „Кавга со Иван“

Утре, во оригиналното шоу „На кавга со Иван“ ќе гостува Столе Наумов

Столе Наумов на „Кавга со Иван“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер