Живот

Сопругата на Џулијан Асанж тврди дека најважно сега е тој повторно да биде здрав

 Сопругата на основачот на Викиликс, Џулијан Асанж, Стела, денеска изјави дека приоритет е тој повторно да биде здрав.

Асанж го напушти затворот во Велика Британија откако американските обвинители рекоа дека тој треба да се изјасни за виновен оваа недела за кршење на американските закони за шпионажа, во договор што може да му овозможи да се врати дома во Австралија.

Стела Асанж изјави за Би-Би-Си дека немала време да разговара за тоа што ќе прават двајцата кога тој ќе биде ослободен, но дека приоритет е Асанж да оздрави, бидејќи веќе пет години е во, како што наведе таа „ужасна состојба“, повторно да биде во контакт со природата и да има „свое време и приватност“.

Таа побара помош од поддржувачите бидејќи има намера да основа итен фонд за закрепнување на нејзиниот сопруг.

Родителите на ко-основачот на Викиликс, 52-годишниот Асанж, изјавија дека се среќни што неговото легално мачеништво завршило.

Американските обвинители во судските документи рекоа дека Асанж се согласил да се изјасни за виновен по едно обвинение за заговор поради собирање и откривање доверливи документи за националната одбрана на САД, според поднесоците во Окружниот суд на САД за Северните Маријански Острови.

Се очекува утре тој да се појави пред американскиот федерален суд на Маријанските острови. Потоа ќе му се даде право да патува во Австралија, соопшти Викиликс.

Македонија

Муртезани: Најдлабоко сочувство до сите погодени во оваа трагедија

Министерот за европски прашања Орхан Муртезани изрази жалење и сочувство до сите погодени од трагедијата во Кочани.

- Денeшниот ден се раздени со на жалосната вест за трагичната несреќа во Кочани каде згаснаа живототите на 51 лица. Моето најдлабоко сочувство до сите погодени од оваа голема трагедија. Стоиме покрај нив во овие тажни моменти со верба дека ќе ја најдеме потребната сила и трпение да ја надминеме оваа голема болка што не зафати сите денес, наведува Муртезани во објава на Фејсбук.

Според последните информации, 51 лице загина, а 152 се хоспитализирани во пожарот што изби во раните утрински часови во дискотеката „Пулс“ во Кочани.

Регион

Рама: Сочувство на браќата и сестрите од Македонија за големата трагедија во Кочани

Премиерот на Албанија, Еди Рама, изрази сочувство за големата трагедија во Македонија и изрази подготвеност да пружи секаква неопходна помош.

- Со длабоко чувство на тага им го пренесувам моето сочувство на браќата и сестрите од Македонија за големата трагедија во Кочани. Кога ја дознав веста останав без зборови и се молам повредените да закрепнат а семејствата на жртвите да најдат сила да се справат со нивната неутешна загуба. Исто така, во име на Албанија и Албанците го пренесувам моето сочувство до премиерот Мицковски и властите на соседната земја, изразувајќи ја нашата подготвеност за каква било помош што е потребна, напиша Рама на Х.

Македонија

Амбасада на Швајцарија изрази сочувство за трагедијата во Кочани

 Шокирани сме и длабоко тажни од веста за трагичниот настан во Кочани, соопшти Амбасадата на Швајцарија во земјава.

- Нашите мисли се со семејствата на жртвите. На повредените им посакуваме брзо закрепнување, се вели во објавата на Х потпишана од амбасадорката Вероник Улман.

притисни ентер