Култура

Сопранистката Милена Арсовска со главна улога во чешката опера „Бура"

На сцената на Моравскослезскиот театар во чешкиот град Острава вечет ќе биде изведена премиерата на операта „Бура“ во која една од главните улоги ја има македонската оперска певица Милена Арсовска, јави дописникот на МИА.

Операта „Бура" во 1895 година ја напишал композиторот Фибих Здењек, кого го нарекуваат чешки Вагнер, на адаптиран текст од истоимената Шекспирова драма, а на чешката сцена се враќа по 47 години.

Претставата во себе ја крие животната приказна на Просперо, избрканиот поранешен војвода од Милано, кој живее на магичен остров опкружен со езотерични книги, но истовремено ја крие и приказната на Шекспир, за која критичарите сметаат дека токму таа е збогување со уметничкиот свет.

- Го толкувам ликот на духот Ариел, кој е напишан за женски глас, колоратурен сопран, но во машко тело. Со интересни движења, спори, брзи и на некој начин нестварни или воздушести, Ариел е постојано на сцената. На моменти зол, на моменти комичен и романтичен му слугува на Просперо со цел да ја добие својата слобода, изјави Арсовска за МИА.

Таа додаде дека пее на чешки јазик, уживајќи во прекрасната музика.

Со поставувањето на „Бура", оперскиот ансамбл на чешкиот Национален театар се вклучува во проектот „Шекспир Острава 2016", со кој се одбележува 400-годишнината од смртта на големиот писател.

- Навистина сум среќен, дека можам да учествувам како творец на една од Шекспировите инсценации. Оваа извонредна оперска обработка на последната претстава на Шекспир на либрето на Јарослав Врхлицки во Острава беше слушната пред 69 години, вели директорот и режисер на операта Јиржи Неквасил, за кого враќањето на претставата е голем предизвик, одговорност и особена радост.

Арсовска, која живее и работи во Виена, минатата година, на главната сцена на Народниот театар во Прага, ја пееше главната улога во операта „Славеј“ од рускиот композитор Игор Стравински.

Сопранистката Милена Арсовска дипломирала на Факултетот за музичка уметност при Универзитетот „Св. Кирил и Методиј“ во Скопје, а магистерските студии по оперско пеење ги завршила во Виена. Дебитирала на 17 години на сцената на Македонската опера и балет.

Покрај во Македонија и Австрија, има настапувано и во Шпанија, Италија, Германија, Швајцарија, Шведска, Холандија, Малта, Франција, Јапонија и во САД. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Казни до 1.800 евра за градилишта што го нарушуваат комуналниот ред и узурпираат јавни површини

Инспекциските служби на Општина Центар за една недела изрекоа глоби, во износ од 1.300 до 1.800 евра, за четири градилишта на територијата на локалната самоуправа.

Казните се изречени поради оставање градежен материјал и градежен шут на јавни површини, со што биле нарушени комуналниот ред и јавната чистота, а биле отежнати движењето на пешаците и одвивањето на сообраќајот.

„Нашите инспектори се на терен и будно ја следат состојбата на активните градилишта. Контролите продолжуваат, а особено внимание посветуваме одржувањето на чистотата и непреченото користење на јавниот простор. Секој што нема да ги почитува прописите ќе биде соодветно санкциониран“, порача градоначалникот на Општина Центар Горан Герасимовски.

Од Општина Центар апелираат до инвеститорите и градежните компании да не оги узупираат а јавните површини, да ги почитуваат законските обврски и да се грижат за безбедното движење на граѓаните.

Инспекциските контроли продолжуваат со засилен интензитет.

Тагови: Општина Центар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мисајловски: Инфраструктурните активности продолжуваат со силно темпо

Министерот за одбрана Владо Мисајловски денеска беше во Касарната „Гоце Делчев“ – Скопје, во увид на градежните активности за целосна реконструкција на објектот на Директоратот за безбедност и разузнавање во рамки на касарната.

При денешната посета, министерот во разговор со вработените посочи дека активно се работи на реализација на зацртаните цели и дека инвестициите кои се прават во делот на инфраструктурата се првенствено за подобрување на условите за работа и престој на вработените во Армијата и министерството.

Во моментов активно се работи на целосно завршување на активностите предвидени со реконструкцијата на овој објект односно се поставуваат нови преградни ѕидови, се поставува целосно нова електричната инсталација, осветлување, се работи на поврзување на противпожарна и громобранска инсталација, се поставува нов вентилациски систем и систем за греење, промена на подна облога и на врати и се извршуваат работни зафати за доработка на санитарните јазли како и довршување на гипсарски, молерофарбарски и фасадерски работи со цел постигнување на енергетска ефикасност на објектот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МОН-УНИЦЕФ: Модернизирано средното стручно образование со СТЕМ вештини за професиите на иднината

Со почетокот на новата учебна година, околу 10.800 ученици запишани во прва година средно стручно образование ќе станат првата генерација што ќе учи според модернизирани наставни програми.

Со почетокот на новата учебна година, околу 10.800 ученици запишани во прва година средно стручно образование ќе станат првата генерација што ќе учи според модернизирани наставни програми кои интегрираат СТЕМ-компетенции вклучувајќи зелени и дигитални аспекти во сите струки.

Со обука на 569 наставници, изготвени нови ресурси за учење и зајакната соработка со приватниот сектор, оваа реформа ќе им помогне на учениците да применуваат одржливи практики на идните работни места и да одговорат на предизвиците поврзани со климатските промени, кои сè повеќе влијаат врз секој сектор од економијата.

„Реформата доаѓа во време кога стручното образование станува сè попривлечно за младите луѓе. Денешните ученици ќе влезат на пазар на труд којшто се менува под влијание на технолошките промени, зелената транзиција и новите начини на работа. Со модернизирањето на стручното образование, им помагаме на младите да ги стекнат вештините неопходни за успех, а истовремено на компаниите им овозможуваме пристап до кадар подготвен да придонесе за раст, иновации и одржување на конкурентноста“, изјави Весна Јаневска, министерка за образование и наука.

Иако овие вештини се особено важни во сектори како што се обновливите извори на енергија, одржливото градење и зелените технологии, транзицијата кон зелена економија ги менува работните места во речиси сите сектори. Учениците од економските струки ќе учат за моделите на зелени бизниси и одржливи иновации, додека пак учениците од угостителско - туристичките струки ќе учат како да го намалат отпадот од храна и да применуваат одржливи практики.

Реформата е насочена кон надминување на јазот којшто постои меѓу еколошките амбиции на младите и нивното знаење и вештини во областа на животната средина. Предводена од Министерството за образование и наука и Центарот за развој на стручното образование, реформата ги вградува СТЕМ вештините кои вклучуваат зелените и дигиталните аспект во стручното образование. УНИЦЕФ обезбеди техничка поддршка со финансиски средства од Владата на Шведска и компанијата „Нелт“.

„Подготовката на децата и младите за иднината бара преиспитување на тоа кои вештини се важни во целиот образовен систем. Со вклучувањето на СТЕМ вештините кои вклучуваат зелените и дигиталните компетенциит во стручното образование, Македонија помага да се обезбеди секој ученик да биде подготвен за успех во економијата и климата што се менуваат“, изјави Лесли Милер, претставничка на УНИЦЕФ.

Новите наставни програми им помагаат на учениците да развијат не само техничко знаење, туку и вештини за решавање проблеми, иновации и прилагодливост, со што ќе дадат значителен придонес во исполнувањето на целите од Стратегијата за образование 2026–2032 година и на Реформската агенда на Северна Македонија 2024–2027 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.