Според него кризата е веќе завршена и нема да бидат прифатени никакви оправдувања, а доколку нема реакција во следните денови, предупреди дека Владата ќе употреби механизми за интервенција. Мицкоски не ја исклучи можноста јавно да бидат посочени и имиња на конкретни маркети кај кои ќе се утврдат поголеми отстапувања, а најави и споредби со цените во регионот.

- Основните прехрамбени производи е потребно да претрпат корекција. Граѓаните беа толерантни до сега, сега е време тие да се одолжат на граѓаните. Ќе направиме и споредби какви се цените во регионот и какви се цените кај нас на некои од основните прехранбени производи. Во одредени маркети, ако треба и по име и по презиме од утре ќе ги објавуваме јавно, а понатаму оставаме на нив.- Христијан Мицкоски – претседател на Влада

Во меѓувреме, министерката за финансии Гордана Димитриеска – Кочоска најави дека Владата утре на седница ќе го разгледува ребалансот на буџетот, кој ќе донесе зголемување на буџетскиот дефицит. Според неа, тоа главно должи на повисоките капитални расходи за инфрастукрурни и други инвестициски проекти..Дополнително, според првичните проценки на министерството за финансии, мерките за поевтинување на горивата кои важеа изминатиов период, ќе значат околу 25 милиони евра помали приходи од акцизи во Буџетот.

- За прв пат ќе имаме зголемување на буџетски дефицит како резултат на зголемени потреби за финансирање на капиталните расходи односно за капиталните инвестиции, што мислам дека согласно Законот за буџети ги оправдува состојбите. Во исто време имаме имаме корекции на приходна страна во делот на акцизата заради сите оние мерки кои што ги имавме во изминатиот период.- Гордана Димитриеска – Кочоска – министерка за финансии

Буџетот за 2026 година, усвоен во декември минатата година, беше тежок околу 6,7 милијарди евра. Дефицитот беше проектиран за околу 630 милиони евра или на 3,5% од БДП. Според податоците на Министерството на финансии, во првите 4 месеци од 2026 година буџетскиот дефицит достигнал околу 415 милиони евра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

По долги и „конструктивни“ разговори, дојдоа до епохално откритие: ќе сменат неколку министри или ќе направат рокади на ресори.

За да оваа Влада доживее вистинска реконструкција, прво би требало да го реконструираат премиерот.

Затоа што токму тој ја води Владата, исто како што ја води и партијата. Значи - фан-клуб. Како во партијата, така и во Владата.

Реконструкцијата, според нив, ќе донесе „повеќе одговорност, ефикасност и резултати“. Што во превод значи: ќе ги сменат оние што веќе не можат да се бранат и ќе доведат нови кои уште не се истрошени.

ЗНАМ, здружението кое повеќе не постои, сега треба да предложи „нови“ лица. Прашањето е само дали ќе биде Максо, или ќе го рециклираат некој стар што веќе го видовме во друга улога.

Целта на целата операција е јасна: да се продаде илузијата дека нешто се менува, додека тендер коалицијата продолжува да функционира како и досега. Нова амбалажа, ист производ со поминат рок.

Додека тие се занимаваат со преуредување на фотелји, граѓаните се занимаваат со тоа како да стигнат до крајот на месецот.

Но, според Владата, тоа е „личен проблем“ на граѓаните, а не државен.

На крајот, сè ќе биде како и досега - само со нови имиња и нови изјави за „историски момент“.

А граѓаните ќе продолжат да чекаат Влада која работи за нив, а не за себе.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СДС го имаше сведено образованието на нула. Во нивно време немаше учебници, студентските домови беа во катастрофална состојба, а стипендиите беа нејасни и со ист месечен износ, па не се знаеше кои се наменети за студенти со висок просек, а кои се мотивирачки за стратешките области. Наместо инвестиции во образованието и младите, сведоци бевме на години на негрижа, застој и погрешни политики.

Младината на СДС, наместо да се занимава со идеи, реформи и решенија за подобра иднина на младите, e заложник на штетните политики на Филипче.

Откако ВМРО-ДПМНЕ ја предводи Владата, учебник има за секое дете навремено на почетокот на учебната година. Минатата година, за студентите беа доделени 55.000 ваучери во вредност од 250 евра за набавка на електронски уред и секој студент можеше да го оствари ова право и се обезбеди директна поддршка за образовниот процес и подобрување на студентскиот стандард.

Министерството за образование работи на ново законско решение со кое ќе ги преземе платите на вработените во студентските домови, со цел да се намали товарот врз партиципацијата што ја плаќаат студентите. Паралелно со тоа, се реализира сериозен инвестициски циклус за реконструкција и модернизација на студентските домови. Во текот на овој мандат ќе бидат целосно реновирани 9 студентски домови, кои по завршувањето ќе бидат енергетски ефикасни, комфорни и опремени според современи стандарди.

Владата на ВМРО-ДПМНЕ покажа со Оперативниот план за 2025 година дека младите се вистински приоритет. Само преку мерката за самовработување се отворија над 2.200 нови правни субјекти, што е доказ дека мерката дава конкретни резултати. Со Оперативниот план за оваа година младите повторно се во фокусот, преку мерки кои овозможуваат нови работни места, поддршка за претприемништво и економска независност.

Разликата меѓу СДС и ВМРО-ДПМНЕ е јасна. Додека СДС зборува за младите само кога е во опозиција, Владата предводена од ВМРО-ДПМНЕ реализира конкретни проекти и политики кои носат резултати. СДС треба да се посвети на сопствените млади и да ги ослободи од политичките стеги, бидејќи младите треба да бидат двигатели на промени, идеи и напредок, а не инструмент за дневнополитички пресметки.

ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.