Сообраќајот се одвива во зимски услови,по наместа влажни коловози, магла на повеќе патни правци

Сообраќајот на државните патишта се одвива во зимски услови, по наместа влажни коловози. 

Намалена видливост поради појава на магла од 50 - 100м. има на патните правци Штип – Неготино, Неготино – Д. Капија – Удово, Велес – Скопје, Скопје – Велес, Скопје – Куманово, Куманово – Скопје и клучка Хиподром – Обиколница Скопје, до 100м. на патните правци Куманово – Страцин, Делчево – М. Каменица и Велес – Штип и од 20 – 50м. на патниот правец Скопје – Тетово.

Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Потсетување до возачите дека од 15.11.2024 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2025 година.

Пожар во куќа во центарот на Куманово

- Опожарен е подрумскиот дел на објектот на улицата „Перо Чичо“. Направена е материјална штета, причината за пожарот ќе се утврдува, информираа од РЦУК.

Три противпожарни возила и деветмина пожарникари ноќеска гаселе подрумски простории на семејна куќа во центарот на Куманово, соопштија денеска од регионалниот центар за управување со кризи. Пожарот избувнал околу 23 часот, а бил изгаснат во 05:45 часот, утрово.

- Опожарен е подрумскиот дел на објектот на улицата „Перо Чичо“. Направена е материјална штета, причината за пожарот ќе се утврдува, информираа од РЦУК.

И денеска една противпожарна екипа интервенира во исцрпување на вода. Од пожарот, како што информираа од ТППЕ Куманово биле зафатени и пластични цевки за водовод, што предизвикало дополнително истекување на вода.

Од почетокот на годинава досега имаше неколку пожари на објекти, семејни куќи. Според податоците на противпожарната единица од почетокот на годинава, досега има околу 50-тина пожари вкупно, најголем процент на отворен простор.

Светска банка наскоро ќе објави проценка на материјалната штета во Појасот Газа

 Светска банка ќе објави проценка за штетите на инфраструктурата во Газа, заедно со ажурирана проценка на штетите во Украина на 25 февруари, изјави денеска извршната директорка Ана Бјерде.

Таа нагласи дека извештајот за Газа, подготвен заедно со Обединетите нации и Европската Унија, ќе даде поцелосен преглед на штетите што ги претрпе палестинската енклава во војната со Израел, пишува „Тајмс оф Израел“.

Извештајот објавен од Светската банка во април покажа дека Газа претрпе штета од 18,5 милијарди долари на критичната инфраструктура во првите четири месеци од војната, објави Ал Џезира.

Се проценува дека како резултат на израелското бомбардирање, речиси 60 отсто од сите згради во енклавата биле оштетени или уништени, а најтешко е погоден градот Газа, со уништени 74 отсто од зградите.

Мастерсот во Рим би можел да стане петти Грен слем

Италијанската тениска федерација има намера да го направи Мастерсот во Рим петти Грен слем турнир, објави весникот „La Stampa“.

Тамошната тениска федерација веќе упатила понуда до организаторите на мастерсот во Мадрид, кој се одржува една недела пред турнирот во Рим, да го откупат натпреварувањето за 550 милиони долари. Така, Италијанците ќе го продолжат турнирот во главниот град на земјата на две недели.

Забележано е дека на федерацијата ќе и треба одобрение и од комисија составена од организатори на четирите актуелни Грен слем турнири.

Четирите најголеми турнири во текот на една сезона се Австралија Опен (Мелбурн), Вимблдон (Лондон), Ролан Гарос (Париз) и УС Опен (Њујорк).

притисни ентер