СОНК бара владата и ЗЕЛС да најдат решение за енергетската криза во училиштата - Канал 5

Македонија

СОНК бара владата и ЗЕЛС да најдат решение за енергетската криза во училиштата

Ќе се вратат ли учениците на он-лајн настава поради скапата струја? Ваквата опција постои, иако освен дел од градоначалниците на општините, никој не сака учениците да следат настава од дома.

СОНК бара владата и ЗЕЛС да најдат решение за енергетската криза во училиштата

Последни со барање Владата и Заедницата на единиците на локалната самоуправа (ЗЕЛС) да најдат решение за енергетската криза во училиштата излегоа од Синдикатот за образование и наука. Оттаму сметаат дека на учениците местото им е во училница, бидејќи он-лајн наставата дава полоши резултати.

Од Владата за Канал 5 велат дека се во постојана комуникација со сите засегнати страни.

-Затоплувањето на училиштата е во надлежност на локалните самоуправи кои се должни да си ги обезбедат потребните суровини за огрев за што Министерството за образование и наука им префрла блок дотации. Случајот со енергетската криза е голем предизвик за нашата земја затоа образовните институции треба да бидат последни кои ќе се затворат.- Влада.

Од МОН пак појаснуваат оти остануваат на ставот дека училиштата треба да бидат постојано отворени, а наставата да биде со физичко присуство, според планот на програмата. Но, не ја исклучуваат можноста за измени.

-МОН ќе ја следи состојбата и во меѓувреме ќе се разгледуваат сите пристигнати иницијативи и за било какви нови одлуки, јавноста навремено ќе биде известена. Во овој момент и за општините и за училиштата под нивна надлежност, важат препораките и мерките за штедење на електрична енергија.-МОН.

Во меѓувреме, со став се јавија и од опозициската ВМРО-ДПМНЕ од каде што посочуваат дека заради високите цени на затоплување дел од семејставата нема да можат да си дозволат целодневно греење. Дополнотелно поради инфлација, некои нема да можат да купат таблети и лаптопи за своите ученици. Оттаму сметаат дека Владата треба ги зголеми блок дотациите на општините и од индустриска струја училиштата да бидат префрлени на тарифата која ја плаќаат домаќинствата.

Инаку, со барање за он лајн настава излегоа само градоначалниците од Полошкиот регион кои побараа од МОН да има поголем зимски распуст или неколку месеци настава од далечина за учениците со цел училиштата да немаат високи трошоци за затоплување.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Словенија ја укинува деветолетката

Словенија се подготвува за една од најголемите промени во основното образование во последните две децении. 

Словенија ја укинува деветолетката

Министерот за образование, наука и млади Борут Рончевиќ најави укинување на сегашниот модел на деветгодишно основно образование и воведување „современа осумлетка“.

Планот беше објавен при претставувањето на резултатите од истражувањето pisa 2025, кое покажа пад на резултатите на словенечките 15-годишници во читање, математика и природни науки. Министерот оцени дека резултатите се сериозно предупредување и најави целосна реформа на образовниот систем.

Иако се зборува за „укинување на деветолетката“, според најавениот модел децата и понатаму би имале девет години задолжително образование.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски: Трамп одлучи да ѝ додели на Украина лиценци за производство на ракети „Патриот“

Претседателот Володимир Зеленски изјави дека американскиот претседател Доналд Трамп одлучил да ѝ додели на Украина лиценци за производство на ракети за системите за противвоздушна одбрана „Патриот“.

Зеленски: Трамп одлучи да ѝ додели на Украина лиценци за производство на ракети „Патриот“

Зеленски рече дека Трамп лично му го потврдил тоа за време на нивната средба во Њујорк.

„Постојат конкретни договори. На нашата последна средба, претседателот Трамп ми потврди: 'Да, ја донесов конечната одлука. Украина ќе добие лиценци за производство на ракети 'Патриот''“, им рече Зеленски на новинарите, како што пренесе „Украинска правда“.

По изјавата на украинскиот претседател, американскиот Стејт департмент соопшти дека САД сѐ уште немаат донесено конечна одлука за доделување лиценци на Украина. На 31 јули, коментирајќи ја таа можност, самиот Трамп изјави дека САД „мора да бидат многу внимателни“ во врска со ова прашање.

Зеленски претходно изјави дека Украина постигнала договор за испорака на серија ракети за системите „Патриот“, што е прашање одвоено од прашањето за лиценците за производство.

Тагови: Володимир Зеленски Доналд Трамп Патриот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Црна Гора воведува визи за граѓаните на Русија, Белорусија и Турција

Промена на условите за влез во Црна Гора ќе стапи на сила од 1 ноември 2026 година, кога за државјаните на Русија, Белорусија и Турција ќе биде потребна виза за влез, транзит и престој во земјата.

Црна Гора воведува визи за граѓаните на Русија, Белорусија и Турција

Одлуката е дел од процесот на усогласување на визната политика на Црна Гора со законодавството и практиките на Европската унија, во рамки на обврските поврзани со процесот на пристапување кон ЕУ.

Црногорската влада на 23 јули ја усвои измената на уредбата за визниот режим, со која се предвидува укинување на досегашниот безвизен режим за граѓаните на трите земји и воведување визна обврска од 1 ноември.

Со оглед на тоа што безвизниот режим со Русија, Белорусија и Турција е регулиран и со меѓународни договори, црногорските власти ќе започнат постапки за престанок на нивната важност.

Сепак, за Турција е предвидена можност за задржување на безвизниот режим за одредени категории патни исправи. Црна Гора ќе започне постапка за склучување нов билатерален договор со кој би се регулирал визниот режим за лицата кои поседуваат дипломатски, службени и специјални пасоши.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер