Автомобилизам

Сон за камперите: Приколка наменета за електрични возила (ВИДЕО)

Со овој производ електричните возила можат да влезат во сегментот на кампери.

Досегот е една од најчесто споменуваните недостатоци на електричните автомобили, особено кога станува збор за возење под значително оптоварување, без разлика дали зборуваме за брзина или за товарот што треба да се превезе. Кога станува збор за второто, проблемот е решен.

Така барем мислат двајцата ветерани на Тесла, Бен Паркер и Тоби Краус. Тие го претставуваат својот прв производ – Lightship L1. Станува збор за приколка со електрична помош за која тврдат дека не влијае на досегот на електричното возило што ја влече. За почеток, L1 има до три пати подобра аеродинамика од класичната приколка за кампери.

Сепак, она што го прави различен е батеријата со капацитет од дури 80 kWh, што буквално го удвојува капацитетот на складираната енергија на електричното возило. Преведено, тоа значи дека возило со автономија од 450 km ќе го одржува истиот опсег благодарение на втората батерија во караванот.

Во исто време, камперот буквално има свој погон, така што заштедува гориво дури и ако го влече возило напојувано од мотор со внатрешно согорување. Соларни панели со вкупна моќност од 3 kW се исто така удобен додаток, што значи дека се обезбедува бесплатна енергија за целото семејство на одмор.

Lightship L1 не е мала приколка. Долг е 8,2 метри, широк 2,5 метри и висок до 3 метри кога ќе се расклопи. Доволрн е за шест лица, а опремата вклучува надворешна и внатрешна кујна, бања и надворешен туш. Сите уреди се напојуваат со електрична енергија.

И сега лошата вест. Прво, тука е вкупната тежина на приколката од дури 3,5 тони. Уште полоша вест е цената за која споменатото дуо вели дека е околу 125.000 долари. Списокот на нарачки е отворен со депозит од 500 американски долари, а првите испораки се очекуваат на почетокот на 2024 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СВР Битола лиши од слобода две лица за подметнување пожари на отворен простор, следуваат соодветни пријави

На 07.08.2026 во 12:00 часот во с.Грешница, општина Македонски Брод, полициски службеници од ОВР Македонски Брод го лишија од слобода Г.С.(45) од с.Грешница.

Тој се сомничи дека претходно во повеќе наврати подметнувал пожари на отворено, а вчера околу 11:30 часот бил затекнат како на подрачје помеѓу с.Грешница и с.Слатина, општина Македонски Брод, исто така, подметнува пожар на отворено.

На 07.08.2026 во 17:00 часот во с.Сарандиново, општина Долнени, полициски службеници од ОВР Прилеп го лишија од слобода Г.А.(76) од Скопје. Тој се сомничи дека предизвикувал пожари на отворен простор.

По целосно документирање на настаните, против двајцата ќе бидат поднесени соодветни пријави.

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Дрон влегол во воздушниот простор на Бугарија и експлодирал близу границата со Романија

Беспилотно летало влегло во воздушниот простор на Бугарија, која е членка на НАТО и ЕУ и експлодирало во близина на границата со Романија, изјави премиерот Румен Радев.

Во инцидентот немало повредени, ниту материјална штета. Дронот експлодирал на бугарска територија, на околу 100 метри од романската граница, изјави Радев по состанокот на владиниот совет за безбедност во Софија и додаде дека тимови од бугарската гранична полиција и од министерството за одбрана работат на утврдување на потеклото на дронот.

Тагови: Бугарија дрон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шпанија воведе гранични контроли за патниците од Италија откако Мелони го отфрли ултиматумот на Мадрид

Шпанија воведе гранични контроли за сите воздушни и поморски патувања од Италија.

Контрамерките, кои започнаа на полноќ и ќе траат еден месец, следуваат една недела откако италија воведе слични ограничувања по приливот на десетици илјади мигранти од мароко во шпанската енклава Сеута.

Шпанија вчера побара од Италија да ги повлече контролите до недела. Италијанската премиерка Џорџа Мелони го одби ултиматумот и кажа дека ќе останат најмалку до 15 август, кога, како што рече, Шпанија очекува нов бран мигранти да ја погоди Сеута.

Нејзината влада изјави дека одлуката за привремено суспендирање на шенгенскиот договор е за да се спречат мигрантите кои влегле во Сеута да патуваат кон италија. Мадрид го отфрли овој став, велејќи дека се заснова на лажни аргументи, бидејќи мигрантите кои дошле до Сеута немале начин да влезат во Шенген зоната.

Тагови: Италија Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.