Култура

Соло-рецитал „Сонце и љубов“ на тенорот Благој Нацоски

Најпознатиот македонски тенор Благој Нацоски, кој оваа година одбележува 15 години меѓународна кариера, вечер од 20 часот во Македонската опера и балет ќе има целовечерен соло-рецитал насловен „Solo e amore“ (Сонце и љубов).

Во пијано придружба на Јанинка Невчева тој ќе изведе 20 соло-песни од Винченцо Белини, Џоакино Росини, Џакомо Пучини, Франческо Паоло Тости, Рејналдо Хан и Бенџамин Бритн.

- По ланскиот успешен настап, кога беше изведен циклусот „Зимско патување” од Шуберт, годинава повторно ќе присуствуваме на еден несекојдневен настан. Во сите соло-песни ќе преовладуваат токму љубовта и сонцето, односно претежно весел карактер, кој буди оптимизам кај слушателот, соопшти МОБ за рециталот на Нацоски во кој циклусот „Венеција” од Рејналдо Хан ќе биде изведен првпат во Македонија.

Во изминатите години Нацоски бележи бројни успеси во Миланска скала, Њујорк, Токио, Париз, Парма, Бангкок, Макао, Неапол, Валенсија... Кариерата ја почна во 2003 година со настапот на сцената на Римската опера како прв Македонец што настапил во оваа престижна оперска куќа. Од таму неговата кариера рапидно се шири низ светот, настапувајќи во најпрестижните театри.

Нацоски има снимено неколку ДВД-изданија, меѓу кои од јануари годинава е и ДВД и Блу-Реј од претставата „Турандот“ од Миланска скала за ДЕККА.
Покрај оперска музика, негува и концертна дејност. Во текот на февруари 2018 го изведе циклусот „Зимско патување“ од Франц Шуберт, кој го репризираше во Рим и Александрија. Ги изведе и „Љубовните валцери“ од Шуман и Брамс на Велигденскиот фестивал во Монтепулчано.

Неодамна дебитираше во Тбилиси, Грузија, а наскоро со Росиниевиот „Севилски бербер“ и два гала-концерта ќе дебитира во Русија. Потоа ќе настапи со Моцартовиот „Реквием“ во Милано, со операта „Ла Ривале“ во Мишколц, Унгарија, по што ќе следува голема турнеја во Јапонија и Кина со концерти и со оперите „Турандот“ и „Трубадур“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Кулминација на протестите- судири со полицијата во Франција, сериозни инциденти на протестите во Германија

Хаос на улиците во Франција.

Околу 320 илјади демонстранти голем дел млади маскирани за денот на вештерките излегоа на протести низ земјата барајки мерки за намалување на трошоците за живот.

Судирите со полицијата ескалираа во повеќе градови, по што приведени се околу 300 лица.

Според француските власти во Париз протестирале 70 илјади луѓе, додека организаторите тврдат дека биле речиси 200 илјади. Претежно мирните демонстрации подоцна прераснаа во насилство кога маскирани групи фрлаа предмети кон полицијата, како и запаливи предмети.

Безбедносните сили одговориле со солзавец и вклучување на специјалните единици. Немири и интервенции имаше во Париз, Лион, Марсеј и Бордо.

Француските власти за безбедноста ангажирале дури 70 илјади полицајци .

Немири и насилства имаше и на улиците во Германија.

Мирните собири на младите, во повеќе големи градови прераснаа во немири. Демонстранти ограбуваа продавници, палеа барикади и фрлаа молотови коктели кон полицијата.

По интервенцијата на полицијата уапсени се повеќе од 200 лица и кај дел од нив било пронајдено и оружје.

Најсериозни инциденти се регистрирани во Франкфурт, Келн, Берлин и Хамбург. Во Берлин се повредени речиси 30 полицајци, а приведени се 56 демонстранти. Сепак најголемиот протест е во Хамбург, каде што на улиците излегоа околу 6.700 луѓе.

Тагови: протести

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Дел од Чаир попладнево без струја, имало пожар на бандера

Дел од жителите на Чаир, поранешен Центар 1, во близина на хотел Континентал попладнево останаа без електрична енергија.

Според информации добиени од граѓани кои се обратиле до Контакт-центарот, станува збор за дефект на електродистрибутивната мрежа, за кој е поднесена пријава поради пожар на електричен столб, бандера.

Засега нема информации колку домаќинства се засегнати, дали пожарот настанал поради обиди за диви приклучувања и кога се очекува нормализирање на снабдувањето со електрична енергија.

Од ЕВН најавија официјални информации во текот на денот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

УХМР: Влажниот бран ќе се задржи уште два дена, најмногу врнежи во вторник

До вторник според Управата за хидрометеоролошки работи ќе продолжи врнежливото време.

Веќе од средината на идната недела ќе настапи постепена стабилизација.

Тагови: врнежи од дожд УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.