Сојузниците на Украина од Европа и САД ги конкретизираа плановите за помош по прекин на огнот - Канал 5

Свет

Сојузниците на Украина од Европа и САД ги конкретизираа плановите за помош по прекин на огнот

 Земјите подготвени да отстапат дел од својата војска по прекинот на огнот во Украина, денеска се договорија да основаат штаб во Париз за брзо распоредување по завршувањето на војната со Русија.

Сојузниците на Украина од Европа и САД ги конкретизираа плановите за помош по прекин на огнот

Членките на коалицијата на подготвените наведоа дека потфатот во Париз ќе биде официјализиран како Мултинационални сили на Украина, а тој состав би можел да се премести во Лондон и да има координативна ќелија во Киев.

Одлуката е донесена на виртуелната средба на Коалицијата на подготвените на која премиерот на Велика Британија, Кир Стармер и претседателот на Франција Емануел Макрон се приклучија од Постојаниот заеднички штаб на Обединетото Кралство во Нортвуд, додека украинскиот претседател Волдимир Зеленски, италијанската премиерка Џорџа Мелони и други лидери се приклучија од Конференцијата за обнова на Украина во Рим за да разговараат за најновите планови и пошироките напори за поддршка на Украина, соопшти британската Влада. На состанокот присуствуваше и специјалниот пратеник на претседателот на САД за Украина и Русија, Кит Келог.

Се очекува силите да обезбедат логистичка и обучена експертиза за да помогнат во реконструкцијата на украинската армија.

Стармер притоа изјави дека, како што ги нарече, „силите за уверување“ се неопходни за обезбедување безбедност во Европа.

Мелони рече дека присуството на американската делегација на ваков состанок претставува, како што наведе, „фундаментален знак за единство“ на Западот во поддршката на Киев.

- Се согласувам со фактот дека мораме да го зголемиме притисокот врз Москва за што побрзо да се постигне прекин на огнот што конечно ќе го отвори патот за дипломатија, рече таа.

Зеленски, исто така, ѝ се заблагодари на делегацијата на САД за учеството на конференцијата и изјави дека сигналите на САД за помош на Украина се „многу, многу важни“.

- Ние сметаме на нив. Сигурен сум дека во иднина заедно ќе ја развиваме коалицијата на подготвените, додаде тој.

Тагови: Европа САД украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Бруцошите добија дополнително време за да аплицираат за место во студентски дом

Министерството за образование и наука го продолжи рокот за аплицирање на бруцошите за сместување во студентските домови.

Бруцошите добија дополнително време за да аплицираат за место во студентски дом

Министерството за образование и наука го продолжи рокот за аплицирање на бруцошите за сместување во студентските домови, откако се покажа дека дел од студентите примени во вториот уписен рок немаат доволно време да го завршат уписот и да обезбедат потврда дека се редовни студенти.

Проблемот се појави кај кандидатите од вториот уписен рок.

На дел од факултетите при уким запишувањето на примените студенти е закажано за 21 септември, односно еден ден по првично утврдениот рок за студентските домови.

Без завршен упис, тие не можат навреме да обезбедат потврда за редовен студент – еден од документите потребни при аплицирањето. Токму поради тоа мон го продолжи рокот, со цел и студентите кои ќе го завршат уписот во вториот уписен рок да можат да ја обезбедат потребната документација и рамноправно да конкурираат за сместување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тројца осомничени за горење кабли на депонијата Буково — го загадиле воздухот додека собирале бакар

Основното јавно обвинителство Охрид донесе наредба за спроведување истражна постапка против три лица за кривично дело – загрозување на животната средина и природата со отпад.

Тројца осомничени за горење кабли на депонијата Буково — го загадиле воздухот додека собирале бакар

Тројцата соизвршители, на 17 септември дошле со товарно возило полно со отпад кај депонијата „Буково”. Започнале да ги горат гумените отпадни кабли со цел да ги издвојат од нив бакарните жици.

Од согорувањето се создал чад и биле испуштени штетни материи во воздухот.

Јавниот обвинител до судијата на претходна постапка од Основниот суд во Охрид достави предлог за определување мерка притвор за тројцата осомничени, пред се имајќи ја предвид опасноста од бегство и можноста да влијаат врз сведоци во постапката., велат од обвинителството..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Филипче рече дека Македонија не е на продажба откако со Заев ја распродадоа за стан, зграда и златна виза за Дубаи

Филипче рече дека Македонија не е на продажба откако со Заев ја распродадоа за стан, зграда и златна виза за Дубаи.

Петрушевски: Филипче рече дека Македонија не е на продажба откако со Заев ја распродадоа за стан, зграда и златна виза за Дубаи

Филипче со Заев го променија името на државата и ветуваа членство во ЕУ, а добивме само слика од авион.

Филипче и Заев ветуваа бесплатно здравство, а добивме провизии за вакцини, провизии за модуларни болници и провизии за тендери и набавки.

Филипче вели дека Македонија не била за продажба, а има потпишан бланко лист за барањата на Бугарите.

Со ова Филипче е директно против Македонија.

На Филипче му смета успехот на Македонија. Затоа е против дата центри, рудници и фабрики. Ама не е против бугарски фирми, златни визи и акции во индиски авиокомпани.

Исто така, на Филипче му пречи Дејвид Гета, ама не му пречи Харис Џиновиќ.

Тоа се двојните стандарди на Филипче и СДС. Затоа и ќе бидат вечна маргинална опозиција.

Бране Петрушевски, пратеник на ВМРО-ДПМНЕ.

YouTube video

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер