Балкан

Социјално загрозените граѓани и средношколците во Србија ќе добијат еднократна помош од 85 евра

Владата на Србија одобри еднократна парична помош и за учениците од средните училишта во јавна и приватна сопственост кои се државјани на Србија во износ од 10.000 динари.

Корисниците на права од областа на социјалната заштита во Србија денеска ќе добијат еднократна парична помош во износ од 10.000 динари, а истата вредносна помош од 85 евра ќе ја добијат и средношколците до крајот на следната недела, јави дописникот на МИА од Белград.

Како што соопшти Министерството за труд, вработување, бранители и социјална помош, оваа помош ќе ја добијат сите кои го оствариле правото на парична социјална помош, односно носителите на правата и членовите на семејството, како и оние кои го оствариле правото на додаток за помош и нега на друго лице и посебен паричен надоместок.

Владата на Србија одобри еднократна парична помош и за учениците од средните училишта во јавна и приватна сопственост кои се државјани на Србија во износ од 10.000 динари.

Парите за оваа помош обезбедени од републичкиот буџет, а министерството за семејна грижа и демографија ќе го префрли на локалните самоуправи кои исплатата ќе ја вршат на нивните територии.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Граѓаните навреме да ја чистат околината околку нивните куќи и викендички

Директорот на дирекцијата за заштита и спасување, Стојанче Ангелов, ги повика граѓаните да не чекаат огнот да се приближи до нивниот имот, туку навреме да ја расчистат околината и да го намалат ризикот пламенот да стигне до објектите.

Сувата трева, високата вегетација и запуштените дворови околу куќите и викендичките можат за неколку минути да станат гориво за пожар.

Особено ризични се куќите и викендичките кои се користат повремено, како и имотите во селата со мал број постојани жители.

Кај нив тревата често со месеци не се коси, а сувата вегетација може да достигне височина и над еден метар..

Тагови: стојанче ангелов

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и многу топло, температура до 40 степени

Според Управата за хидрометеоролошки работи времето денес ќе биде сончево и многу топло со мала до умерена локална облачност.

Ќе дува слаб до умерен ветер претежно од југоисточен правец. Максималната температура ќе биде во интервал од 35 до 40 степени.

Во Скопје, сончево и многу топло со мала до умерена облачност. Ќе дува слаб до умерен ветер од јужен правец. Максималната температура ќе достигне до 39 степени.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Земјотрес со јачина од три степени лоциран во Нови Пазар, Србија

Земјотрес со јачина од 3 степени според Рихтеровата скала во текот на ноќта ја погоди Србија, соопшти Републичкиот сеизмолошки завод на оваа соседна земја.

Според информациите, земјотресот се случил околу два часот по полноќ во Нови Пазар.

Врз основа на достапните координати, епицентарот е лоциран на длабочина од два километри, на самиот раб на градот.

Со оглед на наведената јачина, малку е веројатно дека земјотресот предизвикал материјална штета.

Тагови: земјотреси Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.