Живот

Социјална работничка ги открива најчестите проблеми во бракот

Бракот е патување полно со предизвици и промени кои доаѓаат со текот на времето.

Со текот на годините, паровите минуваат низ различни фази кои носат конкретни проблеми и можности за раст. Иако секоја врска е единствена, постојат обрасци кои често се случуваат во зависност од траењето на бракот. Препознавањето на овие проблеми е првиот чекор кон нивно решавање и зајакнување на врската.

Социјалната работничка и советничка за парови, Ешли Сигер, ги издвои најчестите проблеми со кои се соочуваат паровите за време на одредени годишници од бракот.

Проблем на двегодишнината: Сомнежи во изборот на партнерот

„Околу втората годишнина, паровите често се соочуваат со чувство на сомнеж во врска со нивниот избор. По напорното прилагодување на улогите на „маж“ и „жена“, партнерите може да почнат да гледаат еден на друг од нова перспектива. Овој период е обележан со појасно изразување на потребите и почестите прашања дали тие потреби се исполнети. Клучот за надминување на овој предизвик е отворена комуникација и изнаоѓање креативни начини за исполнување на меѓусебните очекувања“, објаснува Ешли Сигер за YourTango.

Проблем за 7-годишнината: Чувство на немир и незадоволство

Оваа фаза често носи немир и чувство на незадоволство, вели Сигер.

"Партнерите може да се соочат со чувство на дистанцираност или дури и со искушенија надвор од бракот. Една од причините може да биде промената во семејната динамика, како што е сè поголемата независност на детето. Решението лежи во повторното поврзување, и емотивно и интимно, и фокусирање на позитивните аспекти на врската. Експертите препорачуваат отворена комуникација, слушање на партнерот и, доколку е потребно, барање стручна помош“, вели оваа социјална работничка.

Проблем за 10-годишнината: Чувство на непризнаена вредност

Десетгодишнината често носи чувство на невидливост и недостаток на благодарност.

Сигер наведува: „По десет години заедничко вложување во кариерата, семејството и домот, едниот од партнерите може да почувствува дека неговата жртва не е признаена. Оваа фаза може да предизвика фрустрации и недоразбирања. Решението е едноставно: изразувајте благодарност за малите гестови секојдневно, почнувајќи ја реченицата со „ Забележав дека...“ и завршете ја со „Благодарам“.

Проблем за 15-годишнината: Апатија и дистанца

По 15 години брак, многу парови забележуваат чувство на апатија во врската.

„Љубовта сè уште постои, но партнерите често не можат да се сетат што ги поврзувало некогаш“, забележува Сигер. Овој период бара мали чекори кон повторното поврзување, без разлика дали тоа ќе биде преку присетување на старите шеги или создавање на нови заеднички искуства. И покрај предизвиците, овој период може да стане основа за подлабока интимност во иднина.

Проблем за 20-годишнината: Слободно време и нови почетоци

Дваесетгодишнината често е обележана со промени во животниот ритам, како што се приближувањето до пензија или забавување на темпото на живот кај еден од партнерите. Паровите може да се соочат со прашањето како повторно да се поврзат во оваа нова фаза.

„Додека некои уживаат во заедничките патувања и поголемата интимност, други може да чувствуваат тага поради загубите или промените во семејството. Клучот е да продолжите да разговарате, да ги споделувате вашите потреби и заеднички да истражите нови начини за зајакнување на врската. Секоја фаза од бракот носи свои предизвици , но и можности за раст и подлабока поврзаност. Препознавањето на овие обрасци и заедничката работа за нивно надминување може значително да ја зајакне вашата врска“, заклучува Сигер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Падна мал авион во Грција непосредно пред слетувањето- нема преживеани

Двајцата пилоти загинаа во пад на едномоторен авион во областа Контариотис во регионот Пиерија во Грција.

Околностите на падот се уште се нејасни, а истражителите ја истражуваат можноста за техничка неисправност и човечка грешка.

Според досегашните информации, пилотот се обидувал да слета на пистата на летачкиот клуб Контариотис кога авионот одеднаш изгубил висина и се урнал.

Според извештаите на членовите на летачкиот клуб, кои разговарале со еден од пилотите само неколку секунди пред падот, немало индикации дека авионот имал технички проблеми.

Според грчката телевизија ANT1, летот бил рутински и не биле пријавени никакви дефекти до падот.

Авионот претходно извршил ниско прелетување, а потоа повторно добил висина за да направи свртување и да се усогласи со пистата. Авионот бил во последните фази од своето приближување пред слетувањето кога се случила несреќата.

Полицијата досега завршила дел од истрагата, додека ги чека наодите на Комитетот за истрага на воздушни несреќи, кои треба да помогнат во утврдувањето на точната причина за падот.

Сè уште не е познато што предизвикало авионот да изгуби висина и да се сруши.

Тагови: авион грција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Кристијано Роналдо е суспендиран и доби неверојатна парична казна, што сам си ја одредил

Кристијано Роналдо е суспендиран од Португалската фудбалска федерација на 30 дена и казнет со „астрономска сума“ од 255 евра.

Причината, секако, е неговото заминување од кампот на репрезентацијата пред натпреварот против Данска. За да биде работата уште побизарна, самиот Роналдо ја предложи казната што федерацијата (секако) ја усвои.

Ова е навистина бизарен исход од целата ситуација што става крај на случајот и проблемот Роналдо и Жесус. Значи, еден од најголемите играчи на сите времиња повторно ќе игра за португалската репрезентација.

Роналдо демонстративно го напушти кампот на репрезентацијата, наводно поради несогласувања со тренерот Жесус. Тој не сакаше да се врати додека тренерот не се извини, што не го стори, но сепак одлучи да ја отслужи казната и покрај извинувањето и да се врати во репрезентацијата со која го освои Европското првенство и Лигата на нации.

Тагови: Кристијано Роналдо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Формула

Мекларен продава пет функционални Ф1 болиди

Mclaren одлучи да продаде пет целосно функционални автомобили од Формула 1 од својата историска колекција.

Мекларен одлучи да продаде пет целосно функционални автомобили од Формула 1 од својата историска колекција, вклучувајќи автомобили поврзани со Аиртон Сена, Луис Хамилтон, Џенсон Батон и Ландо Норис. Еден од нив го возел холивудскиот актер Бред Пит.

Најзначаен е McLaren од 2023 година, кој Норис го возеше во Формула 1 и кој Пит го тестираше на патеката „Circuit of the Americas“ во Остин минатиот јуни, како дел од подготовките за филмот „Формула 1“. Според Ројтерс, Пит достигнал брзина од 317 км/ч во тој автомобил. Тоа е најмодерниот автомобил од Формула 1 што му е понуден на приватен купувач.

„Тие се направени за возење“

Два McLaren MP4/6A од 1991 година се исто така на продажба. Тие беа возени од Герхард Бергер, додека Аиртон Сена ги тестираше во текот на сезоната во која ја освои својата трета титула. MP4/27A од 2012 година, управуван од Џенсон Батон и тестиран од Луис Хамилтон, е исто така на продажба, како и автомобилот на Норис од 2021 година.

Болидите ќе ги продава специјализираниот дилер Том Хартли Џуниор, а Мекларен ќе ги подготви за возење пред да им ги предаде на нивните нови сопственици. Шефот на Мекларен Рејсинг, Зак Браун, објасни дека не сакаат ваквите автомобили само да стојат во складиште.

„Овие автомобили се изградени за возење и трки. Сакаме да се користат и да се ужива во нив“, рече Браун.

Тагови: болиди Мекларен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.