Социјалистот Емануел Грегоар е идниот градоначалник на Париз - Канал 5

Европа

Социјалистот Емануел Грегоар е идниот градоначалник на Париз

 Кандидатот на Социјалистичката партија, Емануел Грегоар, победи на вчера одржаниот втор круг од изборите за градоначалник на Париз. Тој функцијата ќе ја преземе од неговата сопартијка Ан Идалго.

Социјалистот Емануел Грегоар е идниот градоначалник на Париз

Дијаметрално спротивно, крајната десница извојува убедлива победа во градот Ница, град на француската ривиера.

Изборите се индикатор за односот на политичките сили во Франција воочи претседателските избори закажани за наредната година.

Иако се уште не се објавени конечните резултати, Грегоар прогласи победа откако нецелосните резултати покажаа убелива предност пред противкандидатката од редовите на конзервативците, Рашида Дати, која и самата го призна поразот.

„Вечерва победи конкретна визија за Париз – жив Париз, прогресивен Париз“, изјави Грегоар и на својот велоспиед се упати кон Градското собрание. Тој додаде дека градот „ќе биде срцето на отпорот“ против десната коалиција и крајната десница, воочи претседателските избори догодина.

Француските гласачи вчера излегоа на избирачките места во 1500 населени места, бирајќи градоначалници и пратениците во општинските совети со шестгодишен мандат.

Крајната десница најголемиот успех на изборите го постигна во Ница – петтиот по големина град во Франција, со изборот на Ерик Сиоти од редовите Републиканците, партијата што е во коалиција со партијата „Национален фронт“ на Марин Ле Пен.

Партијата на Ле Пен загуби во неколку градови кои ги имаше означено како приоритетни. Меѓу нив се Марсеј – вториот по големина град во Франција, каде што победи досегашниот левичарски градоначалник Беноа Пајан, пред крајнодесниот кандидат Франк Ализио.

Кандидатите на крајната десница изгубија и во Ним и пристанишниот град Тулон на Средоземното Море, што беа таргетирани како клучни приоритети за „Националниот фронт“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Министерот Клековски го посети пунктот за бесплатни прегледи на ИЈЗ по повод Светскиот ден на срцето

По повод одбележување на Светскиот ден на срцето – 29 септември, министерот за здравство, Сашо Клековски го посети пунктот за бесплатни прегледи, во организација на Институтот за јавно здравје во трговскиот центар ,,Дајмонд Мол",

Министерот Клековски го посети пунктот за бесплатни прегледи на ИЈЗ по повод Светскиот ден на срцето

По повод одбележување на Светскиот ден на срцето – 29 септември, министерот за здравство, Сашо Клековски го посети пунктот за бесплатни прегледи, во организација на Институтот за јавно здравје во трговскиот центар ,,Дајмонд Мол", со цел подигнување на свесноста за превенција од кардиоваскуларни заболувања.

Годинава Светскиот ден на срцето се одбележува под слоганот „Болеста на срцето може да биде незабележлива: Фати го ритамот на срцето! Не пропуштај ниту едно отчукување!“. Фокусот е на препознавање на скриените симптоми, едукацијата на населението и активностите насочени кон обезбедување универзален пристап до кардиолошка нега и превентивни скрининзи.

На пунктот на ИЈЗ граѓаните имаа можност бесплатно да ги измерaт нивото на крвен притисок, шеќер во крвта, холестерол, како и висината и телесната тежина, со што се овозможи пресметување на индексот на телесна маса (BMI) – еден од индикаторите за ризик од срцеви заболувања.

Смртноста од кардиоваскуларни заболувања е еден од најголемите ризици во светот. Факторите кои ги предизвикуваат овие заболувања може да се превенираат и откријат со едноставни прегледи. Апелирам граѓаните редовно да контролираат крвен притисок, гликемија, и доколку има потреба да се зема терапија пропишана од доктор, само на тој начин ќе го заштитиме здравјето, посочи министерот Клековски.

Директорката на Институтот за јавно здравје, Марија Андоновска истакна дека целта на оваа теренска активност е подигнување на свесноста за кардиоваскуларните заболувања.

Тагови: Сашо Клекоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Косовскиот рапер Дон Џони го изнајмил Македониумот за 500 евра за снимњае на спотот „Секси мама“

Како што објави СДК, Македониумот во Крушево бил изнајмен за околу 500 евра за снимање на спотот „Секси мама“, на косовскиот рапер Дон Џони.

Косовскиот рапер Дон Џони го изнајмил Македониумот за 500 евра за снимњае на спотот „Секси мама“

Директорот на споменикот Македониум во Крушево изјавил дека продукцијата побарала дозвола и тие дале.

„Просторот беше отстапен за снимање спот. И на Управен одбор имаме донесено одлука да може просторот да се отстапува со соодветна цена, се наплатува. Тие имаа доставено до нас објаснување дека просторот ќе се користи за снимање спот. Немаме точно оформена цена, се отстапува на саати, на пример околу 500 евра за 5-6 саати“, ни изјави Миха Оџаклиески за СДК.

YouTube video

Тагови: Дон Џони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски: Северна Кореја се подготвува да испрати уште 10 000 војници во Русија

Украинскиот претседател Володимир Зеленски вели дека на руска територија се наоѓаат повеќе од 8 000 севернокорејски војници и дека се во тек подготовки за распоредување на уште 10 000 војници.

Зеленски: Северна Кореја се подготвува да испрати уште 10 000 војници во Русија

Повикувајќи се на „нови податоци“ за распоредувањето на севернокорејски војници во Русија, Зеленски во објава на платформата Икс наведе дека тие „Се избираат за обука и последователно распоредување во Русија“. Украинскиот претседател минатиот месец рече дека до 50 000 севернокорејски војници би можеле да бидат испратени да се борат за Русија.

Според украинските и независните проценки, Пјонгјанг, исто така, ја снабдил Русија со милиони артилериски и минофрлачки гранати, како и со балистички ракети, артилериски системи со голем дострел и повеќецевни ракетни системи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер