Собраниска делегација во студиска посета на Хрватска за размена на искуства за евроинтеграциите - Канал 5

Македонија

Собраниска делегација во студиска посета на Хрватска за размена на искуства за евроинтеграциите

На маргините на студиската посета, пратеникот и потпретседател на Собранието, Антонијо Милошоски, остварил средба со Маријана Петир, пратеничка во Хрватскиот сабор и долгогодишен пријател на Република Македонија.

Собраниска делегација во студиска посета на Хрватска за размена на искуства за евроинтеграциите

Делегација на Собранието, составена од пратеници - членови на Комисијата за европски прашања и Националниот совет за евроинтеграции, како и претставници од собраниската служба од Секторот за надворешна политика и европски прашања, го почна првиот ден од студиската посета на Република Хрватска, која се реализира во периодот од 15 до 18 април 2026 година.

Посетата се одвива во рамките на проектот „Поддршка за европската интеграција на Република Македонија“, во организација на Канцеларијата на Обединетите нации за проектни услуги (УНОПС), со цел размена на искуства и добри практики од процесот на европска интеграција на Република Хрватска.

Како што се наведува во соопштението од Собранието, во текот на првиот ден делегацијата оствари брифинг со амбасадорот на Македонија во Република Хрватска, Драган Ѓурчевски, при што беа разгледани билатералните односи меѓу двете земји, како и поддршката што Хрватска ѝ ја дава на европскиот пат на Македонија.

Потоа членовите на делегацијата имале работна средба во Министерството за надворешни и европски работи на Република Хрватска, посветена на темата „ЕУ-проширување, геополитика и парламентарен ангажман: Рефлексии од Хрватска за Македонија“. Делегацијата остварила средба со министерот за надворешни и европски работи, Гордан Грлиќ-Радман, и со државниот секретар во Министерството, Андреја Метелко-Згомбиќ, на која биле разменети мислења за актуелните предизвици во процесот на проширување на Европската Унија, улогата на парламентите во овој процес, како и значењето на координацијата меѓу институциите.

Во рамките на агендата делегацијата остварила средба и со поранешната прва вицепремиерка и министерка за надворешни и европски работи на Република Хрватска, Весна Пусиќ, при што се дискутирало за политичкото лидерство, улогата на парламентот и градењето јавен консензус во процесот на евроинтеграција. Била нагласена важноста од инклузивен пристап и транспарентна комуникација со јавноста.

На маргините на студиската посета, пратеникот и потпретседател на Собранието, Антонијо Милошоски, остварил средба со Маријана Петир, пратеничка во Хрватскиот сабор и долгогодишен пријател на Република Македонија.

- На средбата, заедно со амбасадорот Ѓурчевски, беа разгледани одличните билатерални односи меѓу двете земји, како и можностите за нивно понатамошно унапредување. Посебен акцент беше ставен на продлабочувањето на соработката меѓу Хрватскиот сабор и Собранието на Република Македонија, како и на процесот на евроинтеграциите во регионот. Соговорниците ја истакнаа важноста од континуирана парламентарна соработка и размена на искуства како значаен придонес кон напредокот на земјите од регионот на нивниот пат кон членство во Европската Унија - се наведува во соопштението.

Собраниската делегација остварила средба и со претставници на кабинетот на претседателот на владата на Република Хрватска, каде што се разговарало за стратешкиот пристап на Хрватска кон проширувањето на Европската Унија, како и за координацијата меѓу владата и парламентот во процесот на пристапување. Соговорниците ја истакнале потребата од силна институционална соработка и јасна политичка визија како клучни фактори за успех.

- Хрватските соговорници ги споделија своите искуства од пристапниот процес, со посебен акцент на реформите и политичкиот консензус потребен за успешно членство. Пратениците од македонското Собрание истакнаа дека оваа посета претставува значаен чекор кон понатамошно унапредување на билатералните односи и отвора нова фаза на соработка, која ќе биде заокружена со потпишување меѓувладин договор за стратешка соработка, заснован на европските вредности, заемната доверба и почитување - се посочува во соопштението.

Во текот на сите средби била потенцирана подготвеноста на Република Хрватска да продолжи со поддршката на Република Македонија на нејзиниот пат кон членство во Европската Унија преку споделување експертиза и искуства.

На средбите било изразено заемно задоволство од традиционално пријателските билатерални односи, придружени со интензивен политички дијалог и конструктивна соработка што двете земји ја негуваат во сите сфери од заемен интерес во изминатите 34 години. Се реафирмирала благодарноста за континуираната хрватска поддршка на европската перспектива, како и ставот дека процесот на проширување на Европската Унија треба да продолжи со засилена динамика. Била изразена подготвеност за користење на хрватското искуство во процесот на пристапување кон полноправно членство во Европската Унија.

- Соговорниците се согласија дека зајакнатата координација како земји членки на НАТО претставува врвен надворешнополитички приоритет како ефикасен механизам за усогласување на ставовите и зголемување на придонесот кон регионалната и евро-атлантската безбедност. Беше потврдена заедничката посветеност на вредностите и принципите на алијансата - се посочува во соопштението од Собранието.

Студиската посета продолжува во наредните денови со нови средби и тематски сесии посветени на разни аспекти од процесот на европската интеграција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бони Тајлер се разбуди од кома. Нејзиниот претставник: Се уште е сериозно болна

Пејачката Бони Тајлер се разбуди од индуцирана кома во Португалија, каде што се опоравува по срцев удар.

Бони Тајлер се разбуди од кома. Нејзиниот претставник: Се уште е сериозно болна

75-годишната ѕвезда беше итно оперирана во мај поради проблеми со цревата и ѝ беше отстрането слепо црево, а по операцијата беше реанимирана поради срцев удар.

Нејзината состојба полека се подобрува

„Бони повеќе не е во кома, но сè уште е сериозно болна“, изјави претставникот на пејачката за „The Sun“. „Иако нејзината состојба се подобрува, процесот на закрепнување е бавен“. Според британските медиуми, Тајлер останува на интензивна нега во болница во Фаро, но лекарите очекуваат целосно да се опорави.

Сè започна со болки во стомакот

Пејачката, најпозната по нејзиниот хит од 1983 година „Total Eclipse of the Heart“, наводно почнала да се чувствува лошо во Лондон, каде што посетила лекар. Нејзиниот долгогодишен пријател Либерто Меалха рече дека лекарите не пронашле ништо. „Таа одлучи да отпатува во Алгарве, каде што почнала да чувствува силни болки во стомакот“, рече тој.

YouTube video

„Два дена подоцна таа отиде во приватна болница, од каде што итно беше префрлена во болница во Фаро бидејќи ѝ пукнало слепото црево и ѝ била потребна итна операција“, додаде Меалха. Велшката пејачка потоа беше ставена во индуцирана кома „за да се олесни нејзиното закрепнување“, претходно соопшти нејзиниот тим.

Откажани концерти до крајот на август

Сите концерти на Бони Тајлер се откажани до крајот на август. Нејзиниот менаџмент им се заблагодари на фановите за нивната поддршка. „Би сакале да им се заблагодариме на сите низ целиот свет за огромниот излив на сочувство и пораките за поддршка“, се вели во нивното соопштение.

Тагови: Бони Тајлер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

„BYD“ претставува седан со повеќе „коњски сили“ од „McLaren“ и дострел од повеќе од 1.000 км!

„BYD Great Han“ е нов електричен седан со 775 КС.

„BYD“ претставува седан со повеќе „коњски сили“ од „McLaren“ и дострел од повеќе од 1.000 км!

„BYD“ претстави нов луксузен седан „Great Han“, најновиот модел во својата серија „Dynasty“. Иако името можеби не звучи особено привлечно, спецификациите се импресивни.

Целосно електричната верзија со еден мотор на задната оска развива 503 КС, додека помоќната верзија со два електрични мотори има дури 775 КС. Тоа е повеќе од моќноста што ја нуди „McLaren 750S“, кој има 750 КС.

Сепак, седанот на „BYD“ тежи 2,5 тони, па неговите перформанси не се на ниво на супер автомобил.

Производителот наведува дострел до 1.008 километри за верзијата со погон на задните тркала, или до 880 километри за моделот со погон на сите четири тркала.

Ќе се нуди и „plug-in“ хибридна верзија со 1,5-литарски турбо бензински мотор и електричен мотор.

Овој модел користи батерија од 54,4 kWh и овозможува возење до 370 километри само на електрична енергија.

„Great Han“ ја користи батеријата „BYD Blade“ од втора генерација и поддржува ултра брзо полнење со моќност до 1.500 kW.

Новата лимузина е долга 5,26 метри, што ја прави подолга од повеќето европски конкуренти.

Дизајнот го следи стилот на помалите модели на „Han“, но со поелегантни линии и модерна графика со LED светла.

Продажбата на моделот „BYD Great Han“ ќе започне подоцна оваа година, додека цената сè уште не е објавена.

Извор: Б92

Тагови: BYD

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Удар за Путин: Моќниот Ту-22М3 се урна по нападот на Украина

Во текот на ноќта, Русија изврши моќен напад врз Украина користејќи беспилотни летала и ракети од воздух и земја од различни типови.

Удар за Путин: Моќниот Ту-22М3 се урна по нападот на Украина

Рускиот суперсоничен бомбардер Ту-22М3 се урна во близина на градот Свиск во Иркутската област во источна Русија, а според првичните информации станува збор за еден од авионите од кои рано утринава биле лансирани ракети како дел од масовниот комбиниран напад врз украинските градови.

Во текот на ноќта, Русија изврши моќен напад врз Украина користејќи беспилотни летала и ракети од воздух и земја од различни типови.

Главниот правец на овој напад бил Киев, додека Днепар и Харков исто така биле тешко погодени од проектили.

Вкупно, радиотехничките единици на воздухопловните сили на Украина регистрирале дури 681 средство за воздушен напад - 70 проектили и 611 беспилотни летала од различни типови.

Русите испратија „циркони“ и стотици дронови за мамки

Украинските сили објавија детални информации за оружјето што Русија го користела во текот на ноќта.

Шест моќни противбродски ракети 3М22 „Циркон“ беа лансирани од привремено окупираниот Крим, додека 34 балистички ракети Искандер-М/С-400 беа истрелани од регионите Брјанск и Курск во Русија.

Руските сили употребија и 30 крстосувачки ракети Х-101/Искандер-К.

Покрај ракети, дури 611 беспилотни летала беа лансирани во украинските градови. Меѓу нив имало и беспилотни летала од типот „Шахед“, „Гербера“ и „Италмас“, како и беспилотни летала за мамка од типот „пародија“, наменети да ја збунат противвоздушната одбрана. Авионите беа лансирани од повеќе правци од територијата на Русија и окупираниот Крим.

Украинската воздушна одбрана собори 632 проектили и беспилотни летала

Нападот со часови беше одбиен од авијација, противвоздушни ракетни единици, единици за електронско војување и мобилни огнени групи на одбранбените сили на Украина.

Според официјалните податоци на Командата на воздухопловните сили на Украина, до осум часот утрово биле соборени или попречени вкупно 632 цели - 50 проектили и 582 непријателски беспилотни летала.

Украинските сили пресретнаа пет ракети „Циркон“, 15 балистички ракети Искандер-М/С-400 и сите 30 крстосувачки ракети Х-101/Искандер-К.

Сепак, преостанатите 20 балистички ракети и 27 нападни беспилотни летала ја пробија одбраната и погодија цели на вкупно 42 локации, додека опасните остатоци од соборените летала се забележани на други 12 локации.

Тагови: Владимир Путин украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер